ਪੰਜਾਬ ਮਹਿਲਾ ਕਾਂਗਰਸ ਦਾ ਅੱਜ ਪੁਨਰਗਠਨ ਹੋ ਗਿਆ ਹੈ। 34 ਮੈਂਬਰੀ ਨਵੀਂ ਟੀਮ ਦਾ ਐਲਾਨ ਰਾਸ਼ਟਰੀ ਪ੍ਰਧਾਨ ਨੀਤੂ ਡਿਸੂਜ਼ਾ ਵੱਲੋਂ ਕੀਤਾ ਗਿਆ ਹੈ। ਇਹ ਸੂਚੀ ਪੰਜਾਬ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਗੁਰਸ਼ਰਨ ਕੌਰ ਰੰਧਾਵਾ ਅਤੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੂੰ ਭੇਜੀ ਗਈ ਹੈ। ਮਹਿਲਾ ਕਾਂਗਰਸ ਦੀ ਨਵੀਂ ਟੀਮ ਵਿੱਚ 6 ਮੀਤ ਪ੍ਰਧਾਨਾਂ ਸਮੇਤ 12 ਜਨਰਲ ਸਕੱਤਰ ਅਤੇ 16 ਸਕੱਤਰ ਨਿਯੁਕਤ ਕੀਤੇ ਗਏ ਹਨ। ਇਨ੍ਹਾਂ ਵਿੱਚ ਲੁਧਿਆਣਾ ਤੋਂ ਲੀਨਾ ਟਪਾਰੀਆ, ਮੋਗਾ ਤੋਂ ਜਗਦਰਸ਼ਨ ਕੌਰ, ਸੰਗਰੂਰ ਤੋਂ ਮਲਕੀਤ ਕੌਰ ਸਹੋਤਾ, ਬਠਿੰਡਾ ਤੋਂ ਸਿਮਰਤ ਧਾਲੀਵਾਲ, ਫਤਿਹਗੜ੍ਹ ਸਾਹਿਬ ਤੋਂ ਗੁਰਦਰਸ਼ਨ ਕੌਰ ਅਤੇ ਨੀਲਮ ਰਾਣੀ ਨੂੰ ਮੀਤ ਪ੍ਰਧਾਨ ਨਿਯੁਕਤ ਕੀਤਾ ਗਿਆ ਹੈ।
ਜਨਰਲ ਸਕੱਤਰਾਂ ਵਿੱਚ ਰੀਨਾ ਚੋਪੜਾ, ਸੁਰਜੀਤ ਕੌਰ, ਵੰਦਨਾ ਸੈਣੀ, ਸੁਖਜੀਤ ਕੌਰ, ਸੰਤੋਸ਼ ਰਾਣੀ, ਭੁਪਿੰਦਰ ਕੌਰ ਗਿੱਲ, ਮੀਨਾਕਸ਼ੀ ਵਰਮਾ, ਹਰਸਿਮਰਤ ਕੌਰ, ਹਰਮੰਦਰ ਕੌਰ, ਗੁਰਦੀਪ ਕੌਰ, ਸ਼ਮੀ ਨਿਸ਼ਚਲ ਅਤੇ ਅਮਨਦੀਪ ਕੌਰ ਸ਼ਾਮਲ ਹਨ।