ਦੇਸ਼ ਦੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਅੱਜ ਬਾਅਦ ਦੁਪਹਿਰ ਚੰਡੀਗੜ੍ਹ ਪਹੁੰਚਣਗੇ। ਇਸ ਤੋਂ ਬਾਅਦ ਸ਼ਾਮ 4 ਵਜੇ ਉਹ ਸੈਕਟਰ-34 ਸਥਿਤ ਪ੍ਰਦਰਸ਼ਨੀ ਗਰਾਊਂਡ ‘ਚ ਆਯੋਜਿਤ ਰੈਲੀ ਨੂੰ ਸੰਬੋਧਨ ਕਰਨ ਲਈ ਪਹੁੰਚਣਗੇ। ਇਸ ਸੰਬੰਧੀ ਪੁਲਿਸ ਵੱਲੋ ਵੀ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਦੱਸ ਦੇਈਏ ਕਿ ਸ਼ਹਿਰ ‘ਚ ਨੋ ਫਲਾਇੰਗ ਜ਼ੋਨ ਹੋਣ ਕਾਰਨ ਸ਼ਨੀਵਾਰ ਅਤੇ ਐਤਵਾਰ ਨੂੰ ਸ਼ਹਿਰ ‘ਚ ਡਰੋਨ ਉਡਾਉਣ ‘ਤੇ ਪਾਬੰਦੀ ਹੈ।
ਇਸ ਤੋਂ ਇਲਾਵਾ ਕਈ ਸੜਕਾਂ ‘ਤੇ ਆਵਾਜਾਈ ਨੂੰ ਡਾਈਵਰਟ ਕੀਤਾ ਗਿਆ ਹੈ। ਜਾਣਕਾਰੀ ਦਿੰਦਿਆਂ ਟਰੈਫਿਕ ਪੁਲਿਸ ਨੇ ਦੱਸਿਆ ਕਿ ਰੱਖਿਆ ਮੰਤਰੀ ਦੀ ਆਮਦ ‘ਤੇਕਾਲੀ ਬਾੜੀ ਲਾਈਟ ਪੁਆਇੰਟ, ਸੈਕਟਰ-31/32/46/47 ਚੌਕ, ਸੈਕਟਰ-32/33/45/46 ਚੌਕ ਅਤੇ 33/34/ 44/45 ਚੌਂਕ ਟ੍ਰੈਫਿਕ ਨੂੰ 33/34 ਡਿਵਾਈਡਿੰਗ ਰੋਡ ਤੋਂ ਡਾਈਵਰਟ ਜਾਂ ਬੰਦ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੀ ਆਮਦ ਮੌਕੇ ਸੈਕਟਰ-34 ਪ੍ਰਦਰਸ਼ਨੀ ਮੈਦਾਨ ਨੂੰ ਜਾਣ ਵਾਲੀਆਂ ਸੜਕਾਂ ਤੋਂ ਆਵਾਜਾਈ ਨੂੰ ਡਾਈਵਰਟ /ਬੰਦ ਕੀਤਾ ਜਾਵੇਗਾ
ਨਿਊ ਲੇਬਰ ਚੌਕ (ਸੈਕਟਰ-33/34-20/21 ਚੌਕ) ਤੋਂ ਸਰੋਵਰ ਮਾਰਗ ਸਮੇਤ ਬੁੜੈਲ ਚੌਕ (ਸੈਕਟਰ – 33/34 – 44/45 ਚੌਕ) ਤੱਕ, ਸੈਕਟਰ-34 ਪ੍ਰਦਰਸ਼ਨੀ ਮੈਦਾਨ ਨੂੰ ਜਾਣ ਵਾਲੀਆਂ ਸੜਕਾਂ ਤੋਂ ਆਵਾਜਾਈ ਨੂੰ ਡਾਈਵਰਟ /ਬੰਦ ਕੀਤਾ ਜਾਵੇਗਾ। । ਸੈਕਟਰ – 33/34 ਲਾਈਟ ਪੁਆਇੰਟ ਤੋਂ ਸੈਕਟਰ – 34 ਗੁਰਦੁਆਰਾ ਸਾਹਿਬ ਤੱਕ ਵੀ ਆਵਾਜਾਈ ਪ੍ਰਭਾਵਿਤ ਰਹੇਗੀ, ਇਸ ਤੋਂ ਇਲਾਵਾ ਵੀ.ਵੀ.ਆਈ.ਪੀ. ਯਾਤਰਾ ਦੇ ਮੱਦੇਨਜ਼ਰ ਸੈਕਟਰ-34 ਦੀਆਂ ਕੁਝ ਅੰਦਰੂਨੀ ਸੜਕਾਂ ‘ਤੇ ਆਵਾਜਾਈ ਨੂੰ ਬੰਦ/ਡਾਇਵਰਟ ਕੀਤਾ ਗਿਆ ਹੈ।
ਟ੍ਰੈਫਿਕ ਪੁਲਿਸ ਨੇ ਆਮ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ 24 ਜੂਨ ਨੂੰ ਸ਼ਾਮ 5 ਵਜੇ ਤੋਂ 8 ਵਜੇ ਤੱਕ ਟ੍ਰੈਫਿਕ ਜਾਮ ਤੋਂ ਬਚਣ ਲਈ ਉਪਰੋਕਤ ਸੜਕਾਂ ਦੀ ਬਜਾਏ ਲੋਕ ਬਦਲਵੇਂ ਰਸਤੇ ਅਪਣਾਉਣ। ਇਸ ਤੋਂ ਇਲਾਵਾ ਮਹਿਮਾਨਾਂ, ਬੁਲਾਰਿਆਂ ਅਤੇ ਅਧਿਕਾਰਤ ਕਰਮਚਾਰੀਆਂ ਨੂੰ ਆਪਣੇ ਵਾਹਨ ਕੇਵਲ ਨਿਰਧਾਰਤ ਪਾਰਕਿੰਗ ਥਾਂ ‘ਤੇ ਹੀ ਪਾਰਕ ਕਰਨ ਦੀ ਅਪੀਲ ਕੀਤੀ ਹੈ। ਲੋਕ ਆਪਣੇ ਵਾਹਨ ਸਾਈਕਲ ਟਰੈਕ/ਫੁੱਟਪਾਥ ਅਤੇ ਨੋ-ਪਾਰਕਿੰਗ ਏਰੀਆ ‘ਤੇ ਪਾਰਕ ਨਾ ਕਰਨ, ਨਹੀਂ ਤਾਂ ਕਾਨੂੰਨ ਅਨੁਸਾਰ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ ਅਤੇ ਵਾਹਨ ਹਟਾ ਦਿੱਤੇ ਜਾਣਗੇ।