ਰਾਜਾ ਵੜਿੰਗ ਦੇ ਲੋਕ ਸਭਾ ਟਿਕਟ ਮਿਲਣ ਤੋਂ ਬਾਅਦ ਪਹਿਲੀ ਵਾਰ ਲੁਧਿਆਣਾ ਪਹੁੰਚਣ ਤੋਂ ਪਹਿਲਾਂ ਹੀ ਲੋਕਾਂ ਨੂੰ ਘੰਟਿਆਂਬੱਧੀ ਲੰਬੇ ਟ੍ਰੈਫਿਕ ਜਾਮ ਦਾ ਸਾਹਮਣਾ ਕਰਨਾ ਪਿਆ। ਸ਼ਹਿਰ ਦੀ ਸੜਕ ਨੂੰ ਬੰਦ ਕਰਨ ਨੂੰ ਲੈ ਕੇ ਪਾਰਟੀ ਵਰਕਰਾਂ ਅਤੇ ਪੁਲਿਸ ਵਿਚਾਲੇ ਤਿੱਖੀ ਬਹਿਸ ਵੀ ਹੋਈ।
ਦੱਸ ਦਈਏ ਕਿ ਪੁਲਿਸ ਨੂੰ ਚੰਡੀਗੜ੍ਹ ਤੋਂ ਲੁਧਿਆਣਾ ਵੱਲ ਜਾਣ ਵਾਲੀ ਮੁੱਖ ਸੜਕ ਨੂੰ ਬੰਦ ਕਰਨਾ ਪਿਆ। ਜਿਸ ਤੋਂ ਬਾਅਦ ਵਰਕਰ ਸ਼ਾਂਤ ਹੋਏ। ਪੁਲਿਸ ਨੂੰ ਸੜਕ ਬੰਦ ਕਰਨ ਲਈ ਆਪਣੀ ਹੀ ਸਰਕਾਰੀ ਜਿਪਸੀ ਦਾ ਸਹਾਰਾ ਲੈਣਾ ਪਿਆ। ਪੁਲਿਸ ਨੇ ਸਰਕਾਰੀ ਜਿਪਸੀ ਅਤੇ ਕਰੇਨ ਸੜਕ ਦੇ ਵਿਚਕਾਰ ਰੱਖ ਕੇ ਸੜਕ ਨੂੰ ਬੰਦ ਕਰ ਦਿੱਤਾ।
ਰਾਜਾ ਵੜਿੰਗ ਦੇ ਆਉਣ ਤੋਂ ਪਹਿਲਾਂ ਲੁਧਿਆਣਾ ਵਾਸੀਆਂ ਨੂੰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਰਾਜਾ ਵੜਿੰਗ ਸਮਰਾਲਾ ਪਹੁੰਚੇ। ਜਿੱਥੋਂ ਇੱਕ ਰਸਤਾ ਚੰਡੀਗੜ੍ਹ, ਦੂਜਾ ਦਿੱਲੀ ਅਤੇ ਤੀਜਾ ਅੰਮਿ੍ਤਸਰ-ਜਲੰਧਰ ਨੂੰ ਜਾਂਦਾ ਹੈ। ਰਾਜਾ ਵੜਿੰਗ ਨੂੰ ਚੰਡੀਗੜ੍ਹ ਤੋਂ ਲੁਧਿਆਣਾ ਆਉਣਾ ਪਿਆ।
ਜਿੱਥੇ ਰਾਜਾ ਵੜਿੰਗ ਦੇ ਸਵਾਗਤ ਲਈ ਸਰਕਾਰੀ ਪੁਲ ਤੋਂ ਸਹਾਰਾ ਲਿਆ ਗਿਆ ਉੱਥੇ ਹੀ ਚੋਣ ਜ਼ਾਬਤੇ ਦੀ ਵੀ ਉਲੰਘਣਾ ਕੀਤੀ ਗਈ। ਸਮਰਾਲਾ ਚੌਕ ਹਾਈਵੇ ਦੇ ਵਿਚਕਾਰ ਬਣੇ ਪੁਲ ’ਤੇ ਪਾਰਟੀ ਦੇ ਬੈਨਰ ਬੋਰਡ ਲਾਏ ਗਏ ਹਨ।
