ਖੇਮਕਰਨ ਕਸਬੇ ਦੇ ਪਹਾੜ ਵਾਲੇ ਪਾਸੇ ਸਥਿਤ ਪਿੰਡ ਭੂਰਾ ਕੋਹਨਾਂ ਦੇ ਰਕਬੇ ‘ਚ ਡਿੱਗਾ ਪਿਆ ਇਕ ਡਰੋਨ ਮਿਲਿਆ ਹੈ। ਇਹ ਡਰੋਨ ਕਾਫ਼ੀ ਟੁੱਟਾ ਹੋਇਆ ਪਾਇਆ ਗਿਆ ਤੇ ਉਸ ਦੇ ਹਿੱਸੇ ਖਿਲਰੇ ਪਏ ਸਨ। ਇਸ ਬਾਰੇ ਪਤਾ ਉਸ ਸਮੇਂ ਲੱਗਾ ਜਦ ਦੁਪਹਿਰ ਨੂੰ ਭਗਵੰਤ ਸਿੰਘ ਵਾਸੀ ਪਿੰਡ ਭੂਰਾ ਕਰੀਮਪੁਰਾ ਨਾਮੀ ਕਿਸਾਨ ਜਿਸ ਕੋਲ ਇਹ ਜ਼ਮੀਨ ਠੇਕੇ ‘ਤੇ ਹੈ, ਉਹ ਖੇਤ ‘ਚ ਆਇਆ। ਉਸ ਨੇ ਇਸ ਬਾਰੇ ਤੁਰੰਤ ਥਾਣਾ ਖੇਮਕਰਨ ਨੂੰ ਸੂਚਨਾ ਦਿੱਤੀ।
ਸੂਚਨਾ ਮਿਲਦੇ ਹੀ ਡੀ .ਐਸ. ਪੀ. ਭਿੱਖੀਵਿੰਡ ਪ੍ਰੀਤ ਇੰਦਰ ਸਿੰਘ ਤੁਰੰਤ ਸਥਾਨ ‘ਤੇ ਪੁੱਜੇ। ਉਨ੍ਹਾਂ ਦੱਸਿਆ ਕਿ ਡਰੋਨ ਤੋਂ ਇਲਾਵਾ ਹੋਰ ਕੋਈ ਚੀਜ਼ ਨਹੀਂ ਮਿਲੀ ਹੈ ਫਿਲਹਾਲ ਡਰੋਨ ਨੂੰ ਕਬਜ਼ੇ ਵਿਚ ਲੈ ਕੇ ਪੁਲਿਸ ਇਲਾਕੇ ਦੀ ਛਾਣਬੀਣ ਕਰ ਰਹੀ ਹੈ। ਡੀ ਐਸ ਪੀ ਪ੍ਰੀਤ ਇੰਦਰ ਸਿੰਘ ਨੇ ਦੱਸਿਆ ਕੀ ਇਸ ਜਗ੍ਹਾ ਤੋਂ ਸਰਹੱਦ ਕਰੀਬ ਤਿੰਨ ਕਿਲੋਮੀਟਰ ਦੂਰ ਪੈਂਦੀ ਹੈ।
