- ਵੋਟਾਂ ਬਣਾਉਣ ਲਈ ਵਧਾਇਆ 2 ਮਹੀਨੇ ਦਾ ਸਮਾਂ
ਚੰਡੀਗੜ੍ਹ : ( ਬਲਜੀਤ ਮਰਵਾਹਾ ) ਸ਼੍ਰੋਮਣੀ ਗੁਰਦੁਆਰਾ ਚੀਫ ਇਲੈਕਸ਼ਨ ਕਮਿਸ਼ਨ ਦੇ ਜਸਟਿਸ ਐਸ ਐਸ ਸਾਰੋ ਦੇ ਦਫਤਰ ਵਿੱਚ ਸ਼੍ਰੋਮਣੀ ਅਕਾਲੀ ਅੰਮ੍ਰਿਤਸਰ ਮਾਨ ਦਲ ਦੇ ਵਫਦ ਜਿਸ ਵਿੱਚ ਚੰਡੀਗੜ੍ਹ ਸੂਬਾ ਪ੍ਰਧਾਨ ਗੋਪਾਲ ਸਿੰਘ ਸਿੱਧੂ ਅਤੇ ਪਾਰਟੀ ਦੇ ਕਾਨੂੰਨੀ ਸਲਾਹਕਾਰ ਸਿਮਰਨਜੀਤ ਸਿੰਘ ਵਕੀਲ ਸ਼ਾਮਿਲ ਸਨ, ਨਾਲ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਚੋਣਾਂ ਨੂੰ ਲੈ ਕੇ ਡੂੰਗੀਆਂ ਵਿਚਾਰਾਂ ਹੋਈਆਂ। ਜਿਸ ਵਿੱਚ ਪਹਿਲੀ ਮੰਗ ਕੀਤੀ ਗਈ ਕਿ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਵੋਟਾਂ ਬਣਾਉਣ ਦਾ ਸਮਾਂ ਵਧਾਇਆ ਜਾਵੇ।
ਦੂਸਰੀ ਅਪੀਲ ਇਹ ਕੀਤੀ ਗਈ ਕਿ ਬੀਐਲਓ ਦੀਆਂ ਡਿਊਟੀਆਂ ਲਵਾਈਆਂ ਜਾਣ ਤਾਂ ਕਿ ਉਹ ਘਰ ਘਰ ਜਾ ਕੇ ਵੋਟਾਂ ਬਣਾਉਣ।
ਇਸ ਵਿੱਚ ਇਹ ਵੀ ਵਿਚਾਰ ਕੀਤਾ ਗਿਆ ਕੇ ਪਿਛਲੇ ਵੋਟਾਂ ਦੇ ਮੁਕਾਬਲੇ ਇਸ ਵਾਰ ਬਹੁਤ ਹੀ ਘੱਟ ਵੋਟਾਂ ਬਣੀਆਂ ਹਨ। ਪਿਛਲੀ ਵਾਰ 51 ਲੱਖ 65 ਹਜ਼ਾਰ ਤੋਂ ਵੱਧ ਵੋਟਾਂ ਬਣੀਆਂ ਸਨ ਜਦ ਕਿ ਇਸ ਵਾਰ 23 ਲੱਖ 28 ਹਜ਼ਾਰ ਦੇ ਲਗਭਗ ਹੀ ਬਣ ਪਾਈਆਂ ਹਨ। ਜਸਟਿਸ ਸਾਰੋਂ ਨੇ ਭਰੋਸਾ ਦਿੱਤਾ ਕਿ ਮੁੱਖ ਸਕੱਤਰ ਪੰਜਾਬ , ਵਿੱਤ ਸਕੱਤਰ ਚੰਡੀਗੜ੍ਹ ਅਤੇ ਗ੍ਰਿਹ ਸਕੱਤਰ ਹਿਮਾਚਲ ਪ੍ਰਦੇਸ਼ ਦੀ ਡਿਊਟੀ ਲਗਾਈ ਗਈ ਹੈ ਕਿ ਪਿੰਡ ਪਿੰਡ ਜਾ ਕੇ ਵੋਟਾਂ ਬਣਾਓ ਅਤੇ ਉਨਾਂ ਨੇ ਵੋਟਾਂ ਦਾ ਸਮਾਂ 28 ਫਰਵਰੀ ਤੋਂ ਵਧਾ ਕੇ 28 ਅਪ੍ਰੈਲ ਕਰ ਦਿੱਤਾ ਗਿਆ ਹੈ। ਉਹਨਾਂ ਨੇ ਭਰੋਸਾ ਦਿੱਤਾ ਅਤੇ ਨਾਲ ਦੀ ਨਾਲ ਅਧਿਸੂਚਨਾ ਜਾਰੀ ਕਰ ਦਿੱਤੀ ।
ਦੱਸਣਯੋਗ ਹੈ ਕਿ ਸਭ ਤੋਂ ਵੱਧ ਵੋਟਾਂ ਬਣੀਆਂ ਹਨ ਤਰਨ ਤਾਰਨ ਦੇ ਵਿੱਚ 2 ਲੱਖ ਅਤੇ ਇਸ ਦੇ ਬਰਾਬਰ ਹੀ ਬਣੀਆਂ ਹਨ ਗੁਰਦਾਸਪੁਰ 2 ਲੱਖ ਵੋਟਾਂ। ਸੰਗਰੂਰ ਵਿਚ 1 ਲੱਖ 58 ਹਜ਼ਾਰ ਤੋਂ ਵੱਧ ਤੇ ਉਸ ਤੋਂ ਬਾਅਦ ਮੁਸਲਮਾਨ ਜਿਲ੍ਹੇ ਮਲੇਰਕੋਟਲੇ ਦੇ ਵਿੱਚ 40,000 ਵੋਟਾਂ ਬਣੀਆਂ। ਫਤਹਿਗੜ੍ਹ ਸਾਹਿਬ ਵਿਚ 65 ਹਜ਼ਾਰ ਵੋਟਾਂ ਬਣੀਆਂ। 2011 ਦੇ ਵਿੱਚ ਇਹ 3 ਲੱਖ ਵੋਟਰ ਸਨ ਹੁਣ ਘੱਟ ਕੇ 65 ਹਜ਼ਾਰ ਰਹਿ ਗਏ। ਸਭ ਤੋਂ ਘੱਟ ਵੋਟਾਂ ਵਿੱਚ ਆਉਣ ਵਾਲੇ ਜਿਲੇ ਹਨ ਪਠਾਨਕੋਟ ਅਤੇ ਮੋਹਾਲੀ। ਜਸਟਿਸ ਸਾਰੋ ਵੋਟਰ ਕਾਰਡ ਬਣਾਉਣ ਲਈ ਵੀ ਕਿਹਾ ਗਿਆ, ਤਾਂ ਕਿ ਵੋਟਾਂ ਸਹੀ ਤਰੀਕੇ ਨਾਲ ਬਣਾਈਆਂ ਜਾ ਸਕਣ ਅਤੇ ਆਉਣ ਵਾਲੇ ਅਗਲੀਆਂ ਵੋਟਾਂ ਦੇ ਵਿੱਚ ਵੀ ਇਹ ਵੋਟਰ ਕਾਰਡ ਕੰਮ ਆ ਸਕਣ। ਉਹਨਾਂ ਨੇ ਇਸ ਬਾਰੇ ਕਿਹਾ ਕਿ ਸਰਕਾਰ ਨੇ ਇਸ ਬਾਰੇ ਫੰਡ ਨਹੀਂ ਜਾਰੀ ਕੀਤਾ। ਉਹਨਾਂ ਨੇ ਅਪੀਲ ਕੀਤੀ ਕਿ ਹੁਣ ਇਸ ਤਰ੍ਹਾਂ ਹੀ ਵੋਟਾਂ ਬਣਾਓ, ਕੈਂਪ ਲਗਾ ਕੇ ਜਿਸ ਵਿੱਚ ਕਿ ਰਾਜਨੀਤੀ, ਧਾਰਮਿਕ ਪਾਰਟੀਆਂ ਆਪੋ ਆਪੇ ਪੱਧਰ ਤੇ ਕੈਂਪ ਲਗਾ ਕੇ ਵੱਧ ਤੋਂ ਵੱਧ ਸਿੱਖਾਂ ਦੀਆਂ ਵੋਟਾਂ ਬਣਾਉਣ, ਤਾਂ ਕਿ ਜੋ ਜਾਅਲੀ ਵੋਟਾਂ ਨਾ ਬਣਨ।
----------- Advertisement -----------
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੋਟਾਂ: 2011 ‘ਚ ਸਨ 51 ਲੱਖ ਤੇ ਹੁਣ ਬਣੀਆਂ 23 ਲੱਖ,ਅੱਧ ਨਾਲੋਂ ਜ਼ਿਆਦਾ ਵੋਟਾਂ ਕਿੱਥੇ ਗਈਆਂ?
Published on
----------- Advertisement -----------
----------- Advertisement -----------
