ਜਲੰਧਰ ਨਗਰ ਨਿਗਮ ਵਿੱਚ ਤਾਇਨਾਤ ਪ੍ਰਾਪਰਟੀ ਟੈਕਸ ਵਿਭਾਗ ਦੇ ਸੁਪਰਡੈਂਟ ਭੁਪਿੰਦਰ ਸਿੰਘ ਟਿੰਪੀ ਦਾ ਅੱਜ ਸਵੇਰੇ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ ਦੇਹਾਂਤ ਹੋ ਗਿਆ। ਸਵੇਰੇ ਕਰੀਬ ਪੰਜ ਵਜੇ ਟਿੰਮੀ ਦੀ ਸਿਹਤ ਅਚਾਨਕ ਵਿਗੜ ਗਈ, ਜਿਸ ਤੋਂ ਬਾਅਦ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਦੱਸ ਦਈਏ ਕਿ ਟਿੰਮੀ ਦੀ ਮੌਤ ਕਾਰਨ ਪੂਰੇ ਨਗਰ ਨਿਗਮ ਵਿੱਚ ਸੋਗ ਦੀ ਲਹਿਰ ਹੈ। ਟਿੰਮੀ ਆਪਣੇ ਮਹਿਕਮੇ ਦਾ ਨੇਕ ਸੁਭਾਅ ਦਾ ਮੁਲਾਜ਼ਮ ਸੀ। ਨਗਰ ਨਿਗਮ ਮੁਲਾਜ਼ਮਾਂ ਅਨੁਸਾਰ ਟਿੰਮੀ ਰੋਜ਼ਾਨਾ ਦੀ ਤਰ੍ਹਾਂ ਮੰਗਲਵਾਰ ਨੂੰ ਵੀ ਕੰਮ ਲਈ ਦਫ਼ਤਰ ਆਇਆ ਸੀ। ਸਭ ਕੁਝ ਆਮ ਵਾਂਗ ਸੀ, ਪਰ ਸਵੇਰੇ ਉਸ ਦੀ ਮੌਤ ਨਾਲ ਪੂਰਾ ਵਿਭਾਗ ਹੈਰਾਨ ਸੀ, ਕਿਉਂਕਿ ਉਹ ਬਿਲਕੁਲ ਠੀਕ ਸੀ। ਟਿੰਮੀ ਦਾ ਸਸਕਾਰ ਵਿਦੇਸ਼ ਵਿਚ ਰਹਿੰਦੇ ਰਿਸ਼ਤੇਦਾਰਾਂ ਦੇ ਵਾਪਸ ਆਉਣ ਤੋਂ ਬਾਅਦ ਕੀਤਾ ਜਾਵੇਗਾ।