ਰੂਪਨਗਰ: ਰੂਪਨਗਰ ਤੀਹਰੇ ਕਤਲ ਕਾਂਡ ‘ਚ ਹੈਰਾਨ ਕਰਨ ਵਾਲਾ ਖੁਲਾਸਾ ਹੋਇਆ ਹੈ। ਪਰਿਵਾਰ ਦੇ ਚੌਥੇ ਮੈਂਬਰ ਪ੍ਰਭਜੋਤ ਸਿੰਘ ਨੇ ਪਹਿਲਾਂ ਤਾਂ ਗੁਰਦੁਆਰਾ ਭੱਠਾ ਸਾਹਿਬ ਦੇ ਬਾਹਰ ਮਾਰਕੀਟ ਤੋਂ ਇਕ ਕਿਰਪਾਨ ਖਰੀਦੀ, ਫਿਰ ਇਲਾਕੇ ਦੇ ਇਕ ਕਸਾਈ ਦੇ ਕੋਲ ਬੱਕਰਾ ਕੱਟਣ ਦੀ ਟ੍ਰੇਨਿੰਗ ਲੈਣ ਦੀ ਗੱਲ ਕੀਤੀ ਇਥੇ ਹੀ ਬਸ ਨਹੀਂ ਪ੍ਰਭਜੋਤ ਦੇ ਇਕ ਗੱਤਕਾ ਦੀ ਟ੍ਰੇਨਿੰਗ ਦੇਣ ਵਾਲੀ ਐਸੋਸੀਏਸ਼ਨ ਦੇ ਨੁਮਾਇੰਦੇ ਕੋਲ ਜਾਣ ਦੀ ਵੀ ਜਾਣਕਾਰੀ ਮਿਲੀ ਹੈ। ਜਿੱਥੇ ਉਸ ਨੇ ਕਿਰਪਾਨ ਤੋਂ ਇਕੱਠੇ ਤਿੰਨ ਬੁੱਤ ਕੱਟਣ ਦੇ ਢੰਗ ਸਿੱਖਣ ਦੀ ਗੱਲ ਕੀਤੀ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਪ੍ਰਭਜੋਤ ਨੇ ਦੁੱਧ ਵਾਲੇ ਨੂੰ ਵਾਰਦਾਤ ਤੋਂ 5 ਦਿਨ ਪਹਿਲਾਂ ਦੁੱਧ ਨਾ ਲੈ ਕੇ ਆਉਣ ਲਈ ਕਿਹਾ ਸੀ।
ਜ਼ਿਕਰਯੋਗ ਹੈ ਕਿ 12 ਅਪ੍ਰੈਲ ਸ਼ਾਮ ਨੂੰ ਵਾਰਦਾਤ ਦਾ ਪਤਾ ਲੱਗਾ ਸੀ ਘਟਨਾ ਸਥਾਨ ’ਤੇ ਪਿਤਾ, ਮਾਂ, ਧੀ ਦਾ ਬਡ਼ੀ ਬੇਰਹਿਮੀ ਨਾਲ ਕੀਤੇ ਕਤਲ ਨਾਲ ਲਾਸ਼ਾਂ ਮਿਲੀਆਂ ਸੀ ਅਤੇ ਪ੍ਰਭਜੋਤ ਸਿੰਘ ਉਸ ਤੋਂ ਪਹਿਲਾਂ ਲਾਪਤਾ ਹੈ ਅਤੇ ਇਕ ਦਿਨ ਪਹਿਲਾਂ ਉਸ ਦਾ ਸਕੂਟਰ ਪੁਲਿਸ ਨੂੰ ਪੁਲਿਸ ਲਾਇਨ ਦੀ ਪਿਛਲੇ ਪਾਸੇ ਬੁਧਕੀ ਨਦੀ ਦੇ ਨਜ਼ਦੀਕ ਝਾਡ਼ੀਆਂ ਵਿਚੋਂ ਮਿਲਿਆ ਸੀ। ਮਾਮਲੇ ਦੀ ਪੁਲਿਸ ਬਡ਼ੀ ਬਰੀਕੀ ਨਾਲ ਜਾਂਚ ਕਰ ਰਹੀ ਹੈ।
