ਭਾਰਤ ਸੰਚਾਰ ਨਿਗਮ ਲਿਮਿਟੇਡ (BSNL) ਨੇ 1 ਜਨਵਰੀ, 2023 ਤੋਂ ਗਾਹਕਾਂ ਲਈ ਆਪਣੇ ਸੁਪਰ-ਸਸਤੇ ਬ੍ਰਾਡਬੈਂਡ ਰੀਚਾਰਜ ਪਲਾਨ ਬੰਦ ਕਰ ਦਿੱਤੇ ਹਨ। ਇਨ੍ਹਾਂ ਪਲਾਨ ‘ਚ 275 ਰੁਪਏ ਅਤੇ 775 ਰੁਪਏ ਦੇ ਦੋ ਪਲਾਨ ਸ਼ਾਮਲ ਹਨ। ਇਹ ਸਾਰੀਆਂ ਯੋਜਨਾਵਾਂ 2022 ਦੇ ਸੁਤੰਤਰਤਾ ਦਿਵਸ ਮੌਕੇ ਪੇਸ਼ ਕੀਤੀਆਂ ਗਈਆਂ ਸਨ।
BSNL ਦੇ ਇਨ੍ਹਾਂ ਪਲਾਨ ਦੇ ਨਾਲ, 100Mbps ਤੱਕ ਦੀ ਸਪੀਡ ‘ਤੇ ਇੰਟਰਨੈੱਟ ਦੀ ਸਹੂਲਤ ਦਿੱਤੀ ਗਈ ਸੀ। ਨਾਲ ਹੀ, ਉਪਭੋਗਤਾਵਾਂ ਨੂੰ 3300TB ਤੱਕ ਡੇਟਾ ਅਤੇ ਅਨਲਿਮਟਿਡ ਕਾਲਿੰਗ ਦੀ ਸਹੂਲਤ ਸੀ। ਇਨ੍ਹਾਂ ਪਲਾਨ ਦੇ ਨਾਲ 75 ਦਿਨਾਂ ਦੀ ਵੈਲੀਡਿਟੀ ਉਪਲਬਧ ਸੀ। BSNL ਦੇ ਇਹ ਪਲਾਨ ਪਿਛਲੇ ਮਹੀਨੇ ਹੀ ਬੰਦ ਕੀਤੇ ਜਾਣੇ ਸਨ ਪਰ ਕੰਪਨੀ ਨੇ ਇਸਦੀ ਮਿਆਦ ਵਧਾ ਦਿੱਤੀ ਸੀ। ਪਹਿਲਾਂ ਕਿਹਾ ਜਾ ਰਿਹਾ ਸੀ ਕਿ ਕੰਪਨੀ ਇਨ੍ਹਾਂ ਪਲਾਨ ਨੂੰ ਸਥਾਈ ਬਣਾ ਸਕਦੀ ਹੈ ਪਰ 1 ਜਨਵਰੀ ਤੋਂ ਇਨ੍ਹਾਂ ਪਲਾਨ ਨੂੰ ਬੰਦ ਕਰ ਦਿੱਤਾ ਗਿਆ ਹੈ।