ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿਟਰ ਤੋਂ ਬਾਅਦ ਮੇਟਾ ਨੇ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ‘ਤੇ ਵੀ ਬਲੂ ਟਿੱਕ ਸੇਵਾ ਸ਼ੁਰੂ ਕੀਤੀ ਹੈ। ਇਸ ਦੇ ਨਾਲ ਹੁਣ ਕੋਈ ਵੀ ਇੰਸਟਾਗ੍ਰਾਮ ਅਤੇ ਫੇਸਬੁੱਕ ਯੂਜ਼ਰ ਆਪਣੀ ਪ੍ਰੋਫਾਈਲ ‘ਤੇ ਬਲੂ ਟਿੱਕ ਲਗਾ ਸਕਦਾ ਹੈ, ਇਸ ਦੇ ਲਈ ਉਸ ਨੂੰ ਚਾਰਜ ਦੇ ਤੌਰ ‘ਤੇ ਕੁਝ ਫੀਸ ਅਦਾ ਕਰਨੀ ਪਵੇਗੀ।
ਵੈੱਬ ‘ਤੇ ਸਾਈਨ ਅੱਪ ਕਰਨ ਵਾਲੇ ਯੂਜ਼ਰਸ ਨੂੰ ਸਿਰਫ ਫੇਸਬੁੱਕ ‘ਤੇ ਬਲੂ ਟਿੱਕ ਮਿਲੇਗੀ, ਜਦੋਂ ਕਿ ਮੋਬਾਈਲ ਐਪ ਯੂਜ਼ਰਸ ਨੂੰ ਫੇਸਬੁੱਕ ਅਤੇ ਇੰਸਟਾਗ੍ਰਾਮ ਦੋਵਾਂ ਲਈ ਬਲੂ ਟਿੱਕਸ ਮਿਲਣਗੇ। ਕੰਪਨੀ ਨੇ ਫਿਲਹਾਲ ਇਹ ਸੇਵਾ ਅਮਰੀਕਾ ‘ਚ ਸ਼ੁਰੂ ਕੀਤੀ ਹੈ, ਜਲਦ ਹੀ ਇਹ ਸੇਵਾ ਹੋਰ ਦੇਸ਼ਾਂ ‘ਚ ਵੀ ਸ਼ੁਰੂ ਕੀਤੀ ਜਾਵੇਗੀ। ਇਸ ਸਰਵਿਸ ਦੀ ਕੀਮਤ $11.99 ਪ੍ਰਤੀ ਮਹੀਨਾ (989 ਰੁਪਏ) ਹੈ ਜੇਕਰ ਉਪਭੋਗਤਾ ਵੈੱਬ ‘ਤੇ ਸਾਈਨ ਅਪ ਕਰਦੇ ਹਨ ਜਾਂ $14.99 ਪ੍ਰਤੀ ਮਹੀਨਾ (1237 ਰੁਪਏ) ਜੇਕਰ ਉਹ ਮੋਬਾਈਲ ਐਪ ਰਾਹੀਂ ਸਾਈਨ ਅਪ ਕਰਦੇ ਹਨ।