ਮੇਟਾ ਦੀ ਮਲਕੀਅਤ ਵਾਲੀ ਸੋਸ਼ਲ ਮੀਡੀਆ ਕੰਪਨੀ ਫੇਸਬੁੱਕ ਨੇ ਯੂਜ਼ਰਸ ਲਈ ਇਕ ਨਵਾਂ ਫੀਚਰ ਜਾਰੀ ਕੀਤਾ ਹੈ। ਕੰਪਨੀ ਨੇ ਨਵੇਂ ਕਰੀਏਟਿਵ ਐਕਸਪ੍ਰੈਸ਼ਨ ਫੀਚਰ ਲਾਂਚ ਕੀਤੇ ਹਨ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਹੁਣ ਫੇਸਬੁੱਕ ‘ਤੇ 90 ਸੈਕਿੰਡ ਤੱਕ ਦੀ FB ਰੀਲ ਅਪਲੋਡ ਕਰ ਸਕਣਗੇ।ਦੱਸ ਦੇਈਏ ਕਿ ਪਹਿਲਾਂ ਫੇਸਬੁੱਕ ‘ਤੇ ਸਿਰਫ 60 ਸੈਕਿੰਡ ਦੀ ਰੀਲ ਅਪਲੋਡ ਕਰਨ ਦੀ ਸੀਮਾ ਸੀ।
ਕੰਪਨੀ ਨੇ ਇਹ ਘੋਸ਼ਣਾ ਫੇਸਬੁੱਕ ‘ਤੇ ਆਪਣੇ “ਮੇਟਾ ਫਾਰ ਕ੍ਰਿਏਟਰਜ਼” ਅਕਾਉਂਟ ਰਾਹੀਂ ਕੀਤੀ ਹੈ। ਕੰਪਨੀ ਨੇ ਕਿਹਾ ਕਿ ਹੁਣ ਫੇਸਬੁੱਕ ਯੂਜ਼ਰਸ FB ਰੀਲਾਂ ‘ਚ 90 ਸੈਕਿੰਡ ਤੱਕ ਦੇ ਵੀਡੀਓ ਅਪਲੋਡ ਕਰ ਸਕਣਗੇ, ਜੋ ਪਹਿਲਾਂ ਸਿਰਫ 60 ਸੈਕਿੰਡ ਤੱਕ ਸੀਮਤ ਸੀ। ਕੰਪਨੀ ਨੇ ਕਿਹਾ ਕਿ ਯੂਜ਼ਰਸ ਹੁਣ ਆਸਾਨੀ ਨਾਲ ਆਪਣੀਆਂ ‘ਮੈਮੋਰੀਜ਼’ ਤੋਂ “ਰੇਡੀਮੇਡ” ਰੀਲਾਸ ਵੀ ਬਣਾ ਸਕਦੇ ਹਨ, ਜਿਵੇਂ ਕਿ ਉਹ ਇੰਸਟਾਗ੍ਰਾਮ ‘ਤੇ ਕਰ ਸਕਦੇ ਹਨ।