ਤਕਨੀਕੀ ਕੰਪਨੀ Techno ਨੇ ਮੰਗਲਵਾਰ 11 ਅਪ੍ਰੈਲ ਨੂੰ ਭਾਰਤੀ ਬਾਜ਼ਾਰ ਵਿੱਚ ਫੋਲਡੇਬਲ 5G ਸਮਾਰਟਫੋਨ ਫੈਂਟਮ V ਫੋਲਡ ਲਾਂਚ ਕੀਤਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਫ਼ੋਨ ਭਾਰਤ ਦਾ ਪਹਿਲਾ ਫੁੱਲ ਫੋਲਡ ਮੋਬਾਈਲ ਹੈ। ਟੈਕਨੋ ਨੇ ਇਸ ਮੋਬਾਈਲ ਨੂੰ ਮੋਬਾਈਲ ਵਰਲਡ ਕਾਂਗਰਸ (MWC) 2023 ਈਵੈਂਟ ਵਿੱਚ ਪੇਸ਼ ਕੀਤਾ ਸੀ।
ਕੰਪਨੀ ਨੇ ਇਸ ਸਟਾਈਲਿਸ਼ ਅਤੇ ਐਡਵਾਂਸ ਡਿਜ਼ਾਈਨ ਵਾਲੇ ਸਮਾਰਟਫੋਨ ਨੂੰ ਭਾਰਤ ‘ਚ ਦੋ ਵੇਰੀਐਂਟ ‘ਚ ਲਾਂਚ ਕੀਤਾ ਹੈ। ਭਾਰਤ ‘ਚ ਇਸ ਦੇ 12GB+256GB ਵੇਰੀਐਂਟ ਦੀ ਕੀਮਤ 89,999 ਰੁਪਏ ਅਤੇ 12GB+512GB ਵੇਰੀਐਂਟ ਦੀ ਕੀਮਤ 99,999 ਰੁਪਏ ਰੱਖੀ ਗਈ ਹੈ। ਖਰੀਦਦਾਰ 12 ਅਪ੍ਰੈਲ ਤੋਂ ਅਧਿਕਾਰਤ ਵੈੱਬਸਾਈਟ ਅਤੇ ਈ-ਕਾਮਰਸ ਸਾਈਟ ਤੋਂ ਫੋਨ ਖਰੀਦ ਸਕਣਗੇ। ਬੈਂਕ ਆਫਰ ਤੋਂ ਬਾਅਦ ਤੁਸੀਂ 77,777 ਹਜ਼ਾਰ ਰੁਪਏ ‘ਚ ਫੋਨ ਖਰੀਦ ਸਕੋਗੇ। ਫੋਨ ਵਾਈਟ ਅਤੇ ਬਲੈਕ ਕਲਰ ਆਪਸ਼ਨ ਦੇ ਨਾਲ ਉਪਲੱਬਧ ਹੈ।
ਟੈਕਨੋ ਫੋਨ ‘ਚ ਅਲਟਰਾ ਕਲੀਅਰ 5 ਲੈਂਸ ਫੋਟੋਗ੍ਰਾਫੀ ਸਿਸਟਮ ਦੀ ਵਰਤੋਂ ਕੀਤੀ ਗਈ ਹੈ। ਫੋਨ ਨੂੰ ਫੋਲਡ ਕਰਨ ਤੋਂ ਬਾਅਦ ਬਾਹਰੀ ਸਕਰੀਨ ‘ਤੇ 32MP ਦਾ ਫਰੰਟ ਸੈਂਸਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ ਫੋਨ ਨੂੰ ਖੋਲ੍ਹਣ ਤੋਂ ਬਾਅਦ ਇੱਕ 16MP ਫਰੰਟ ਕੈਮਰਾ ਸੈਂਸਰ ਉਪਲਬਧ ਹੈ। ਫੋਨ ਦੇ ਰੀਅਰ ਪੈਨਲ ‘ਤੇ ਟ੍ਰਿਪਲ ਕੈਮਰਾ ਸੈੱਟਅਪ ਉਪਲਬਧ ਹੈ। ਇਸ ਵਿੱਚ ਇੱਕ 50MP ਪ੍ਰਾਇਮਰੀ ਸੈਂਸਰ, 50MP ਪੋਰਟਰੇਟ ਟੈਲੀ ਫੋਟੋ ਲੈਂਜ਼, ਅਤੇ 13MP ਅਲਟਰਾ ਵਾਈਡ ਐਂਗਲ ਲੈਂਸ ਸ਼ਾਮਲ ਹਨ।
ਪਾਵਰ ਬੈਕਅਪ ਲਈ ਫੋਨ ਵਿੱਚ 45W ਫਾਸਟ ਚਾਰਜਿੰਗ ਤਕਨੀਕ ਦੇ ਨਾਲ 5000mAh ਦੀ ਬੈਟਰੀ ਹੈ।