Itel ਨੇ ਭਾਰਤ ਦਾ ਸਭ ਤੋਂ ਸਸਤਾ 5G ਸਮਾਰਟਫੋਨ Itel P55 5G ਲਾਂਚ ਕੀਤਾ ਹੈ। ਫੋਨ ਨੂੰ 10 ਹਜ਼ਾਰ ਰੁਪਏ ਤੋਂ ਘੱਟ ਕੀਮਤ ‘ਤੇ ਪੇਸ਼ ਕੀਤਾ ਗਿਆ ਹੈ। Itel P55 5G ਦੇ ਨਾਲ Itel S23+ ਨੂੰ ਵੀ ਪੇਸ਼ ਕੀਤਾ ਗਿਆ ਹੈ। Itel P55 5G ਵਿੱਚ 6.6 ਇੰਚ ਦੀ HD+ ਡਿਸਪਲੇਅ ਹੈ ਜਿਸ ਵਿੱਚ 90 Hz ਰਿਫਰੈਸ਼ ਰੇਟ ਹੈ ਅਤੇ MediaTek Dimensity 6080 ਪ੍ਰੋਸੈਸਰ ਦਾ ਸਪੋਰਟ ਹੈ। ਫੋਨ ਵਿੱਚ 8 ਜੀਬੀ ਰੈਮ ਅਤੇ 128 ਜੀਬੀ ਤੱਕ ਸਟੋਰੇਜ ਮਿਲੇਗੀ। ਆਓ ਜਾਣਦੇ ਹਾਂ ਫੋਨ ਦੀਆਂ ਹੋਰ ਵਿਸ਼ੇਸ਼ਤਾਵਾਂ ਬਾਰੇ…
ਕੈਮਰੇ ਸਪੋਰਟ ਦੀ ਗੱਲ ਕਰੀਏ ਤਾਂ ਇਸ ‘ਚ ਡਿਊਲ ਰਿਅਰ ਕੈਮਰਾ ਦਿੱਤਾ ਗਿਆ ਹੈ। ਫੋਨ ‘ਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਅਤੇ ਸੈਕੰਡਰੀ ਕੈਮਰਾ AI ਸੈਂਸਰ ਹੈ। ਸੈਲਫੀ ਅਤੇ ਵੀਡੀਓ ਕਾਲ ਲਈ ਫੋਨ ‘ਚ 8 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ। ਫੋਨ ਦੇ ਨਾਲ 5,000 mAh ਦੀ ਬੈਟਰੀ ਮਿਲੇਗੀ। ਕਨੈਕਟੀਵਿਟੀ ਦੀ ਗੱਲ ਕਰੀਏ ਤਾਂ ਫੋਨ ‘ਚ 5G, ਡਿਊਲ-ਬੈਂਡ ਵਾਈ-ਫਾਈ, ਬਲੂਟੁੱਥ, GPS ਅਤੇ ਚਾਰਜਿੰਗ ਲਈ USB-C ਪੋਰਟ ਹੈ। ਕੰਪਨੀ ਫੋਨ ਨਾਲ ਦੋ ਸਾਲ ਦੀ ਵਾਰੰਟੀ ਦੇ ਰਹੀ ਹੈ।
ਓਧਰ Itel S23 Plus ਵਿੱਚ 6.78 ਇੰਚ ਦੀ ਫੁੱਲ HD ਪਲੱਸ ਕਰਵਡ AMOLED ਡਿਸਪਲੇਅ ਹੈ, ਜੋ ਕਿ 500 ਨਾਈਟ ਬ੍ਰਾਈਟਨੈੱਸ, ਕਾਰਨਿੰਗ ਗੋਰਿਲਾ ਗਲਾਸ 5 ਪ੍ਰੋਟੈਕਸ਼ਨ ਅਤੇ 93 ਫੀਸਦੀ ਸਕਰੀਨ ਟੂ ਬਾਡੀ ਰੇਸ਼ੋ ਨਾਲ ਆਉਂਦਾ ਹੈ। ਫੋਨ 12nm Unisoc T616 ਪ੍ਰੋਸੈਸਰ ਦੇ ਨਾਲ 8 GB ਰੈਮ ਅਤੇ 256 GB ਤੱਕ ਦਾ ਸਟੋਰੇਜ ਸਮਰਥਨ ਕਰਦਾ ਹੈ। Itel S23+ ਵਿੱਚ ਡਿਊਲ ਰੀਅਰ ਕੈਮਰਾ ਸੈੱਟਅਪ ਹੈ। ਫੋਨ ‘ਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ ਅਤੇ 32 ਮੈਗਾਪਿਕਸਲ ਦਾ ਸੈਲਫੀ ਸੈਂਸਰ ਹੈ। ਇਸ ਵਿੱਚ 5,000mAh ਦੀ ਬੈਟਰੀ ਹੈ ਅਤੇ 18W ਫਾਸਟ ਚਾਰਜਿੰਗ ਲਈ ਸਪੋਰਟ ਹੈ।