ਸਮਾਰਟਫੋਨ ਨਿਰਮਾਤਾ ਕੰਪਨੀ ਮੋਟੋਰੋਲਾ ਨੇ ਭਾਰਤ ‘ਚ ਬਹੁਤ ਹੀ ਸਸਤਾ, ਸਟਾਈਲਿਸ਼ ਅਤੇ ਸ਼ਾਨਦਾਰ ਫੀਚਰ ਵਾਲਾ ਸਮਾਰਟਫੋਨ Moto E32 ਲਾਂਚ ਕੀਤਾ ਹੈ। ਇਸ ਸਮਾਰਟਫੋਨ ‘ਚ ਤੁਹਾਨੂੰ 11 ਹਜ਼ਾਰ ਰੁਪਏ ਤੋਂ ਘੱਟ ‘ਚ 50MP ਮੁੱਖ ਸੈਂਸਰ ਕੈਮਰਾ ਸੈੱਟਅਪ, ਵਧੀਆ ਡਿਜ਼ਾਈਨ ਅਤੇ ਕਈ ਸ਼ਾਨਦਾਰ ਸਪੈਸੀਫਿਕੇਸ਼ਨ ਦਿੱਤੇ ਜਾ ਰਹੇ ਹਨ। ਇਸ ਫੋਨ ਨੂੰ ਕੁਝ ਸਮਾਂ ਪਹਿਲਾਂ ਯੂਰਪ ‘ਚ ਲਾਂਚ ਕੀਤਾ ਗਿਆ ਸੀ ਪਰ ਹੁਣ ਇਸ ਨੂੰ ਭਾਰਤ ‘ਚ ਵੀ ਪੇਸ਼ ਕੀਤਾ ਗਿਆ ਹੈ।
ਦੱਸ ਦੇਈਏ ਕਿ Moto E32 ਨੂੰ ਭਾਰਤ ‘ਚ ਸਿੰਗਲ ਸਟੋਰੇਜ ਵੇਰੀਐਂਟ, 4GB ਰੈਮ ਅਤੇ 64GB ਸਟੋਰੇਜ ‘ਚ ਲਾਂਚ ਕੀਤਾ ਗਿਆ ਹੈ। Moto E32 ਦਾ ਇਹ ਸਿੰਗਲ ਸਟੋਰੇਜ ਵੇਰੀਐਂਟ 10,499 ਰੁਪਏ ਦੀ ਕੀਮਤ ‘ਤੇ ਪੇਸ਼ ਕੀਤਾ ਗਿਆ ਹੈ ਅਤੇ ਇਸ ਨੂੰ ਦੋ ਰੰਗਾਂ, ਕੋਸਮਿਕ ਬਲੈਕ ਅਤੇ ਆਈਸਬਰਗ ਬਲੂ ‘ਚ ਖਰੀਦਿਆ ਜਾ ਸਕਦਾ ਹੈ। ਇੰਨਾ ਹੀ ਨਹੀਂ, ਜੇਕਰ ਤੁਸੀਂ ਫਲਿੱਪਕਾਰਟ ਤੋਂ ਇਸ ਨੂੰ ਖਰੀਦਦੇ ਸਮੇਂ HDFC ਬੈਂਕ ਕਾਰਡ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਨੂੰ ਇੱਕ ਹਜ਼ਾਰ ਰੁਪਏ ਤੱਕ ਦੀ ਛੋਟ ਮਿਲੇਗੀ। ਤੁਸੀਂ ਇਸ ਫੋਨ ਨੂੰ EMI ਵਿਕਲਪ ‘ਤੇ ਵੀ ਖਰੀਦ ਸਕਦੇ ਹੋ।
Moto E32 ਵਿੱਚ ਇੱਕ 6.5-ਇੰਚ IPS LCD ਡਿਸਪਲੇ, 720 x 1600 ਪਿਕਸਲ ਦਾ ਫੁੱਲ HD+ ਰੈਜ਼ੋਲਿਊਸ਼ਨ, 90Hz ਦੀ ਰਿਫਰੈਸ਼ ਦਰ ਅਤੇ 20:9 ਦਾ ਆਸਪੈਕਟ ਰੇਸ਼ੋ ਹੈ। MediaTek Helio G37 SoC ਪ੍ਰੋਸੈਸਰ ਦੁਆਰਾ ਸੰਚਾਲਿਤ ਇਸ 4G ਸਮਾਰਟਫੋਨ ਵਿੱਚ ਇੱਕ ਡਿਊਲ ਰੀਅਰ ਕੈਮਰਾ ਸੈੱਟਅਪ ਹੈ ਜਿਸ ਵਿੱਚ ਪ੍ਰਾਇਮਰੀ ਸੈਂਸਰ 50MP ਹੈ ਅਤੇ ਇੱਕ 2MP ਸੈਂਸਰ ਹੈ । 8MP ਸੈਲਫੀ ਕੈਮਰੇ ਵਾਲੇ ਇਸ ਸਮਾਰਟਫੋਨ ‘ਚ ਨਾਈਟ ਵਿਜ਼ਨ, ਪ੍ਰੋ ਮੋਡ ਅਤੇ ਡਿਊਲ ਕੈਪਚਰ ਵਰਗੇ ਕੈਮਰਾ ਫੀਚਰਸ ਵੀ ਦਿੱਤੇ ਗਏ ਹਨ।