ਮਾਈਕ੍ਰੋ-ਬਲੌਗਿੰਗ ਸਾਈਟ ਟਵਿੱਟਰ ਦੇ ਨਵੇਂ ਮਾਲਕ ਐਲੋਨ ਮਸਕ ਨੇ ਪਲੇਟਫਾਰਮ ਤੋਂ 150 ਕਰੋੜ ਟਵਿੱਟਰ ਖਾਤਿਆਂ ਨੂੰ ਹਟਾਉਣ ਦਾ ਐਲਾਨ ਕੀਤਾ ਹੈ। ਸ਼ੁੱਕਰਵਾਰ ਨੂੰ ਮਸਕ ਨੇ ਟਵੀਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਕੰਪਨੀ ਉਨ੍ਹਾਂ ਟਵਿੱਟਰ ਖਾਤਿਆਂ ਨੂੰ ਹਟਾ ਦੇਵੇਗੀ ਜੋ ਪਲੇਟਫਾਰਮ ‘ਤੇ ਸਾਲਾਂ ਤੋਂ ਅਕਿਰਿਆਸ਼ੀਲ ਹਨ।ਮਸਕ ਨੇ ਸ਼ੁੱਕਰਵਾਰ ਨੂੰ ਆਪਣੇ ਟਵੀਟ ‘ਚ ਲਿਖਿਆ, “ਕੰਪਨੀ ਜਲਦ ਹੀ 1.5 ਬਿਲੀਅਨ (150 ਕਰੋੜ) ਟਵਿੱਟਰ ਅਕਾਊਂਟਸ ਨੂੰ ਡਿਲੀਟ ਕਰ ਦੇਵੇਗੀ। ਕੰਪਨੀ ਦੇ ਇਸ ਕਦਮ ਨਾਲ ਟਵਿੱਟਰ ਜਲਦੀ ਹੀ 1.5 ਬਿਲੀਅਨ ਖਾਤਿਆਂ ਦੀ ਨੇਮ ਸਪੇਸ ਖਾਲੀ ਕਰਨਾ ਸ਼ੁਰੂ ਕਰੇਗਾ
ਦਰਅਸਲ, ਟਵਿਟਰ ਸਪੇਸ ਵਿੱਚ ਬਹੁਤ ਸਾਰੇ ਅਜਿਹੇ ਅਕਾਉਂਟ ਹਨ ਜਿਨ੍ਹਾਂ ਨੂੰ ਬਣਾਉਣ ਤੋਂ ਬਾਅਦ ਉਪਭੋਗਤਾ ਉਨ੍ਹਾਂ ਨੂੰ ਚਲਾਉਣਾ ਭੁੱਲ ਗਏ ਹਨ। ਇਹ ਖਾਤੇ ਸਿਰਫ ਇੱਕ ਵਾਰ ਲੌਗ ਇਨ ਕੀਤੇ ਗਏ ਹਨ। ਇਸ ਤੋਂ ਇਲਾਵਾ, ਬਹੁਤ ਸਾਰੇ ਹੋਰ ਟਵਿੱਟਰ ਖਾਤੇ ਹਨ ਜੋ ਬਣਾਏ ਜਾਣ ਤੋਂ ਬਾਅਦ ਸਾਲਾਂ ਤੋਂ ਲੌਗ ਇਨ ਨਹੀਂ ਕੀਤੇ ਗਏ ਹਨ ਅਤੇ ਲਗਭਗ ਕੋਈ ਟਵੀਟ ਨਹੀਂ ਕੀਤੇ ਗਏ ਹਨ। ਕਿਉਕਿ ਕਈ ਵਾਰ ਅਜਿਹਾ ਵੀ ਹੁੰਦਾ ਹੈ ਕਿ ਯੂਜ਼ਰਸ ਨੇ ਖਾਤਾ ਤਾਂ ਬਣਾਇਆ ਹੈ ਪਰ ਪਾਸਵਰਡ ਭੁੱਲ ਜਾਣ ਕਾਰਨ ਨਵਾਂ ਖਾਤਾ ਬਣਾਇਆ ਲੈਂਦੇ ਹਨ। ਮਸਕ ਅਜਿਹੇ ਅਕਾਊਂਟ ਡਿਲੀਟ ਕਰਕੇ ਟਵਿਟਰ ਸਪੇਸ ਨੂੰ ਘੱਟ ਕਰਨਾ ਚਾਹੁੰਦਾ ਹੈ।