Xiaomi ਕੰਪਨੀ ਨੇ Redmi 12C ਸਮਾਰਟਫੋਨ ਨੂੰ ਕੁਝ ਸਮਾਂ ਪਹਿਲਾਂ ਗਲੋਬਲ ਮਾਰਕੀਟ ‘ਚ ਲਾਂਚ ਕੀਤਾ ਸੀ ਅਤੇ ਹੁਣ ਤਾਜ਼ਾ ਜਾਣਕਾਰੀ ਮੁਤਾਬਕ ਕੰਪਨੀ ਇਸ ਮੋਬਾਇਲ ਫੋਨ ਨੂੰ ਭਾਰਤ ‘ਚ ਲਾਂਚ ਕਰਨ ਵਾਲੀ ਹੈ। ਚੀਨੀ ਕੰਪਨੀ Xiaomi 30 ਮਾਰਚ ਨੂੰ ਭਾਰਤੀ ਬਾਜ਼ਾਰ ‘ਚ Redmi 12C ਸਮਾਰਟਫੋਨ ਲਾਂਚ ਕਰੇਗੀ। ਖਬਰਾਂ ਮੁਤਾਬਕ Redmi 12C ਦੀ ਕੀਮਤ 10,000 ਰੁਪਏ ਦੇ ਕਰੀਬ ਹੋਣ ਦੀ ਉਮੀਦ ਹੈ। ਇਹ ਡਿਵਾਈਸ ਇੱਕ ਤੋਂ ਵੱਧ ਕਲਰ ਵਿਕਲਪਾਂ ਵਿੱਚ ਉਪਲਬਧ ਹੋਵੇਗੀ। ਫਿਲਹਾਲ ਇਸ ਫੋਨ ਦੀ ਕੀਮਤ ਬਾਰੇ ਕੋਈ ਅਧਿਕਾਰਤ ਅਪਡੇਟ ਨਹੀਂ ਮਿਲੀ ਹੈ।
Redmi 12C ਚ ਇੱਕ ਵੱਡਾ 6.71-ਇੰਚ ਡਿਸਪਲੇ ਹੋਵੇਗਾ, ਜਿਸ ਵਿੱਚ ਕੰਪਨੀ HD+ ਰੈਜ਼ੋਲਿਊਸ਼ਨ, 20:9 ਆਸਪੈਕਟ ਰੇਸ਼ੋ, ਅਤੇ 60Hz ਦੀ ਸਟੈਂਡਰਡ ਰਿਫਰੈਸ਼ ਦਰ ਦੀ ਪੇਸ਼ਕਸ਼ ਕਰ ਸਕਦੀ ਹੈ। ਫੋਟੋਗ੍ਰਾਫੀ ਲਈ ਬੈਕ ਪੈਨਲ ‘ਤੇ ਡਿਊਲ ਕੈਮਰਾ ਸੈੱਟਅਪ ਮੌਜੂਦ ਹੈ, ਜਿਸ ‘ਚ ਮੁੱਖ ਕੈਮਰਾ 50MP ਦਾ ਹੋਵੇਗਾ ਅਤੇ ਦੂਜੇ ਕੈਮਰੇ ਬਾਰੇ ਕੰਪਨੀ ਨੇ ਅਜੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ। ਕੰਪਨੀ ਨੇ ਇਸ ਸਮਾਰਟਫੋਨ ‘ਚ 5000mAh ਦੀ ਬੈਟਰੀ ਦਿੱਤੀ ਹੈ। Redmi 12C ਨੂੰ ਚਾਰ ਰੰਗਾਂ (ਕਾਲਾ, ਨੀਲਾ, ਜਾਮਨੀ ਅਤੇ ਹਰਾ) ਵਿਕਲਪਾਂ ਨਾਲ ਲਾਂਚ ਕੀਤਾ ਜਾਵੇਗਾ।