ਇੰਸਟੈਂਟ ਮੈਸੇਜਿੰਗ ਐਪ WhatsApp ਦੇ ਡੈਸਕਟਾਪ ਵਰਜ਼ਨ ‘ਚ ਸਾਲ 2021 ‘ਚ ਕਾਲ ਫੀਚਰ ਆਇਆ ਸੀ ਅਤੇ ਹੁਣ ਕੰਪਨੀ ਇਸ ਨੂੰ ਹੋਰ ਅੱਗੇ ਲਿਜਾਣਾ ਚਾਹੁੰਦੀ ਹੈ। ਹੁਣ WhatsApp ਵੈੱਬ ਲਈ ਕਾਲ ਬੈਕ ਫੀਚਰ ਆ ਰਿਹਾ ਹੈ, ਜਿਸ ਤੋਂ ਬਾਅਦ ਮਿਸਡ ਕਾਲ ਨੋਟੀਫਿਕੇਸ਼ਨ ਡੈਸਕਟਾਪ ਵਰਜ਼ਨ ‘ਤੇ ਵੀ ਦਿਖਾਈ ਦੇਵੇਗੀ। ਫਿਲਹਾਲ ਮਿਸਡ ਕਾਲ ਅਲਰਟ ਮੋਬਾਈਲ ਐਪ ਵਰਜ਼ਨ ‘ਤੇ ਉਪਲਬਧ ਹੈ ਪਰ ਡੈਸਕਟਾਪ ਵਰਜ਼ਨ ‘ਤੇ ਨਹੀਂ।
ਵਟਸਐਪ ਦੇ ਇਸ ਨਵੇਂ ਫੀਚਰ ਦੀ ਫਿਲਹਾਲ ਟੈਸਟਿੰਗ ਚੱਲ ਰਹੀ ਹੈ। ਵਟਸਐਪ ਦੇ ਇਸ ਐਪ ਨੂੰ ਡੈਸਕਟਾਪ ਵਰਜ਼ਨ ਦੇ ਬੀਟਾ ਵਰਜ਼ਨ 2.2323.1.0 ‘ਤੇ ਦੇਖਿਆ ਜਾ ਸਕਦਾ ਹੈ। ਨਵੇਂ ਫੀਚਰ ਦੇ ਨਾਲ ਮਾਈਕ੍ਰੋਸਾਫਟ ਦੇ ਸਟੋਰ ‘ਤੇ ਦੇਖਿਆ ਜਾ ਸਕਦਾ ਹੈ। ਜਲਦੀ ਹੀ ਇਸ ਫੀਚਰ ਨੂੰ ਵਿਸ਼ਵ ਪੱਧਰ ‘ਤੇ ਲਾਂਚ ਕੀਤਾ ਜਾਵੇਗਾ। ਇਸ ਬਾਰੇ WABetaInfo ਨੇ ਨਵੇਂ ਫੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ। ਇਹ ਫੀਚਰ ਵੌਇਸ ਅਤੇ ਵੀਡੀਓ ਕਾਲ ਦੋਨਾਂ ਲਈ ਹੋਵੇਗਾ। ਬੀਟਾ ਟੈਸਟਰ ਮਾਈਕ੍ਰੋਸਾਫਟ ਸਟੋਰ ਤੋਂ WhatsApp ਵੈੱਬ ਐਪ ਦਾ ਵਰਜਨ 2.2323.1.0 ਡਾਊਨਲੋਡ ਕਰ ਸਕਦੇ ਹਨ। ਇਸ ਦੇ ਨਾਲ ਹੀ AI ਦੇ ਰੁਝਾਨ ਨੂੰ ਦੇਖਦੇ ਹੋਏ Meta ਵੀ ਆਪਣੇ WhatsApp ਅਤੇ Facebook ਲਈ ChatGPT ਵਰਗਾ ਚੈਟਬੋਟ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ।