ਇੰਸਟੈਂਟ ਮੈਸੇਜਿੰਗ ਐਪ WhatsApp ਨੇ ਵੀਡੀਓ ਕਾਲਾਂ ਲਈ ਲਿੰਕ ਸ਼ੇਅਰ ਵਿਕਲਪ ਨੂੰ ਰੋਲਆਊਟ ਕੀਤਾ ਹੈ। ਹੁਣ ਤੁਸੀਂ WhatsApp ਗਰੁੱਪ ਕਾਲ ਜਾਂ ਮੀਟਿੰਗਾਂ ਦੇ ਲਿੰਕ ਸ਼ੇਅਰ ਕਰ ਸਕੋਗੇ। ਵਟਸਐਪ ਨੇ ਇਸ ਨਵੇਂ ਫੀਚਰ ਨੂੰ ਕਾਲ ਲਿੰਕਸ ਦਾ ਨਾਂ ਦਿੱਤਾ ਹੈ। ਨਾਲ ਹੀ 32 ਮੈਂਬਰਾਂ ਨੂੰ ਗਰੁੱਪ ਕਾਲ ਵਿੱਚ ਇੱਕੋ ਸਮੇਂ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਹੁਣ ਤੱਕ ਇਹ ਫੀਚਰ ਗੂਗਲ ਮੀਟ ਅਤੇ ਜ਼ੂਮ ਵੀਡੀਓ ਕਾਲਿੰਗ ਐਪ ‘ਤੇ ਉਪਲਬਧ ਸੀ।
ਵਟਸਐਪ ਦਾ ਇਹ ਨਵਾਂ ਫੀਚਰ ਪਹਿਲਾਂ ਬੀਟਾ ਟੈਸਟਿੰਗ ਲਈ ਜਾਰੀ ਕੀਤਾ ਗਿਆ ਸੀ, ਹੁਣ ਇਹ ਫੀਚਰ ਸਾਰੇ ਯੂਜ਼ਰਸ ਲਈ ਜਾਰੀ ਕਰ ਦਿੱਤਾ ਗਿਆ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵਟਸਐਪ ‘ਚ 32 ਯੂਜ਼ਰਸ ਨੂੰ ਗਰੁੱਪ ਵੌਇਸ ਕਾਲ ਲਈ ਜੋੜਨ ਦੀ ਸੁਵਿਧਾ ਹੈ। ਹੁਣ ਇਹ ਫੀਚਰ ਵੀਡੀਓ ਕਾਲ ਲਈ ਵੀ ਜਾਰੀ ਕੀਤਾ ਗਿਆ ਹੈ।
ਨਵੀਂ ਅਪਡੇਟ ਤੋਂ ਬਾਅਦ ਵਟਸਐਪ ਯੂਜ਼ਰਸ ਨੂੰ ਕਾਲ ਆਪਸ਼ਨ ‘ਚ ‘ਕ੍ਰਿਏਟ ਕਾਲ ਲਿੰਕਸ’ ਨਾਂ ਦਾ ਇਕ ਹੋਰ ਨਵਾਂ ਆਪਸ਼ਨ ਮਿਲੇਗਾ। ਇਸ ਲਿੰਕ ‘ਤੇ ਕਲਿੱਕ ਕਰਨ ‘ਤੇ ਤੁਹਾਨੂੰ ‘Send Link Via Whatsapp’, Copy Link ਅਤੇ Share Link ਦਾ ਵਿਕਲਪ ਦਿਖਾਈ ਦੇਵੇਗਾ। ਯਾਨੀ ਤੁਸੀਂ ਇੱਥੋਂ ਵਟਸਐਪ ਗਰੁੱਪ ਕਾਲ ਲਿੰਕ ਨੂੰ ਸਿੱਧਾ ਸਾਂਝਾ ਕਰ ਸਕਦੇ ਹੋ। ਨਾਲ ਹੀ, ਇਸ ਕਾਲ ਕਿਸਮ ਨੂੰ ਵੀ ਇੱਥੇ ਵੌਇਸ ਅਤੇ ਵੀਡੀਓ ਵਿੱਚ ਬਦਲਿਆ ਜਾ ਸਕਦਾ ਹੈ। ਯਾਨੀ ਤੁਸੀਂ ਵੌਇਸ ਕਾਲ ਲਿੰਕ ਅਤੇ ਵੀਡੀਓ ਕਾਲ ਲਿੰਕ ਦੋਵਾਂ ਨੂੰ ਸਾਂਝਾ ਕਰ ਸਕਦੇ ਹੋ।