ਦੁਨੀਆ ਭਰ ਦੇ ਲੱਖਾਂ ਲੋਕ ਇਸ ਸਮੇਂ WhatsApp ਦੀ ਵਰਤੋਂ ਕਰ ਰਹੇ ਹਨ। ਕੰਪਨੀ ਉਪਭੋਗਤਾ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਐਪ ਵਿੱਚ ਕੁਝ ਅਪਡੇਟਸ ਲਿਆਉਂਦੀ ਰਹਿੰਦੀ ਹੈ। ਪਰ ਜੇਕਰ ਤੁਹਾਨੂੰ ਅਚਾਨਕ ਪਤਾ ਲੱਗਦਾ ਹੈ ਕਿ ਅਗਲੇ ਮਹੀਨੇ ਤੋਂ ਤੁਹਾਡੇ ਫੋਨ ‘ਤੇ WhatsApp ਚੱਲਣਾ ਬੰਦ ਕਰ ਦੇਵੇਗਾ, ਤਾਂ ਤੁਹਾਡੇ ਲਈ ਇਸ ਤੋਂ ਮਾੜੀ ਖਬਰ ਕੋਈ ਨਹੀਂ ਹੋ ਸਕਦੀ। ਇੰਟਰਨੈੱਟ ‘ਤੇ ਚੱਲ ਰਹੀਆਂ ਖਬਰਾਂ ਮੁਤਾਬਕ, ਜਲਦ ਹੀ WhatsApp ਕਈ ਮੋਬਾਇਲਾਂ ‘ਤੇ ਕੰਮ ਕਰਨਾ ਬੰਦ ਕਰਨ ਵਾਲਾ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਵਟਸਐਪ ਕੁਝ ਪੁਰਾਣੇ ਆਈਫੋਨਸ ਲਈ ਆਪਣਾ ਸਪੋਰਟ ਬੰਦ ਕਰ ਰਿਹਾ ਹੈ। ਇਹ ਜਾਣਕਾਰੀ ਖੁਦ ਐਪਲ ਨੇ ਦਿੱਤੀ ਹੈ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ iOS 10 ਅਤੇ iOS 11 ‘ਤੇ ਚੱਲਣ ਵਾਲੇ iPhones ਲਈ WhatsApp ਸਪੋਰਟ ਖਤਮ ਹੋ ਰਿਹਾ ਹੈ। ਇਹ 24 ਅਕਤੂਬਰ ਤੋਂ ਸ਼ੁਰੂ ਹੋ ਰਿਹਾ ਹੈ। ਵਟਸਐਪ ਦੀ ਫੀਚਰ ਟ੍ਰੈਕਿੰਗ ਸਾਈਟ WABetaInfo ਨੇ ਵੀ ਇਸ ਅਪਡੇਟ ਬਾਰੇ ਜਾਣਕਾਰੀ ਦਿੱਤੀ ਹੈ। ਰਿਪੋਰਟ ‘ਚ ਕਿਹਾ ਜਾ ਰਿਹਾ ਹੈ ਕਿ ਵਟਸਐਪ ਨੇ ਇਸ ਅਪਡੇਟ ਨੂੰ ਲੈ ਕੇ ਪੁਰਾਣੇ ਆਈਫੋਨ ਯੂਜ਼ਰਸ ਨੂੰ ਅਲਰਟ ਭੇਜਣਾ ਸ਼ੁਰੂ ਕਰ ਦਿੱਤਾ ਹੈ। ਅਲਰਟ ‘ਚ ਯੂਜ਼ਰਸ ਨੂੰ ਦੱਸਿਆ ਜਾ ਰਿਹਾ ਹੈ ਕਿ iOS 10 ਅਤੇ iOS 11 ਵਰਜ਼ਨ ਵਾਲੇ ਯੂਜ਼ਰਸ 24 ਅਕਤੂਬਰ ਤੋਂ ਬਾਅਦ WhatsApp ਦੀ ਵਰਤੋਂ ਨਹੀਂ ਕਰ ਸਕਣਗੇ।
ਅਜਿਹੇ ‘ਚ ਯੂਜ਼ਰਸ ਕੋਲ ਇਕ ਹੀ ਵਿਕਲਪ ਹੁੰਦਾ ਹੈ ਅਤੇ ਉਹ ਹੈ ਆਪਣੇ ਆਈਫੋਨ ਨੂੰ ਅਪਡੇਟ ਕਰਨਾ। ਕੁਝ ਦਿਨ ਪਹਿਲਾਂ ਵਟਸਐਪ ਨੇ ਹੈਲਪ ਸੈਂਟਰ ਪੇਜ ‘ਤੇ ਵੀ ਇਸ ਸਬੰਧ ‘ਚ ਜਾਣਕਾਰੀ ਅਪਡੇਟ ਕੀਤੀ ਹੈ, ਜਿਸ ‘ਚ ਕਿਹਾ ਗਿਆ ਹੈ ਕਿ ਆਈਫੋਨ ‘ਤੇ ਵਟਸਐਪ ਦੀ ਵਰਤੋਂ ਕਰਨ ਲਈ ਘੱਟੋ-ਘੱਟ iOS 12 ਜਾਂ ਇਸ ਤੋਂ ਬਾਅਦ ਵਾਲੇ ਵਰਜਨ ਦੀ ਲੋੜ ਹੋਵੇਗੀ। ਇਸ ਤੋਂ ਇਲਾਵਾ ਐਂਡ੍ਰਾਇਡ ਯੂਜ਼ਰਸ ਲਈ ਵੀ ਅਲਰਟ ਹੈ ਕਿ ਜਿਨ੍ਹਾਂ ਐਂਡ੍ਰਾਇਡ ਫੋਨ ‘ਚ ਐਂਡ੍ਰਾਇਡ 4.1 ਜਾਂ ਇਸ ਤੋਂ ਪੁਰਾਣਾ ਵਰਜ਼ਨ ਹੈ, ਉਹ ਵਟਸਐਪ ਦੀ ਵਰਤੋਂ ਨਹੀਂ ਕਰ ਸਕਣਗੇ।