ਕਾਂਗਰਸ ਪਾਰਟੀ ਵੱਲੋਂ ‘ਹਰ ਬੂਥ, ਕਾਂਗਰਸ ਮਜ਼ਬੂਤ’ ਮੁਹਿੰਮ ਤਹਿਤ ਬਰਨਾਲਾ ਵਿਖੇ ਸਮਾਗਮ ਕਰਵਾਇਆ ਗਿਆ। ਮੀਟਿੰਗ ਵਿਚ ਪੰਜਾਬ ਇੰਚਾਰਜ ਭੁਪੇਸ਼ ਬਘੇਲ, ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ, ਬਰਨਾਲਾ ਦੇ ਵਿਧਾਇਕ ਕੁਲਦੀਪ ਸਿੰਘ ਕਾਲਾ ਢਿੱਲੋਂ, ਸਾਬਕਾ ਮੰਤਰੀ ਰਾਜ ਕੁਮਾਰ ਵੇਰਕਾ, ਸੀਨੀਅਰ ਲੀਡਰ ਰਜ਼ੀਆ ਸੁਲਤਾਨਾ ਇਸ ਮੀਟਿੰਗ ਵਿੱਚ ਹਾਜ਼ਰ ਰਹੇ। ਟਿੰਗ ਸ਼ੁਰੂ ਹੁੰਦਿਆਂ ਹੀ ਕਾਂਗਰਸ ਪਾਰਟੀ ਵਰਕਰਾਂ ਵੱਲੋਂ ਸਾਬਕਾ CM ਚਰਨਜੀਤ ਚੰਨੀ ਦੇ ਵਰਕਰਾਂ ਵੱਲੋਂ “ਚੰਨੀ ਜ਼ਿੰਦਾਬਾਦ” ਦੇ ਨਾਅਰੇ ਲਗਾਏ ਗਏ। ਜਿਸ ਤੋਂ ਬਾਅਦ ਮੀਟਿੰਗ ‘ਚ ਹੰਗਾਮਾ ਹੋਇਆ ਅਤੇ ਉਸ ਤੋਂ ਬਾਅਦ ਉਨ੍ਹਾਂ ਨੂੰ ਬਿਠਾ ਕੇ ਮੀਟਿੰਗ ਮੁੜ ਸ਼ੁਰੂ ਕੀਤੀ ਗਈ।
ਇਸ ਮੌਕੇ ਭੁਪੇਸ਼ ਬਘੇਲ ਤੇ ਰਾਜਾ ਵੜਿੰਗ ਦੀ ਮੌਜੂਦਗੀ ਵਿਚ ਸਿੱਧੂ ਮੂਸੇਵਾਲਾ ਦੇ ਬਾਪੂ ਬਲਕੌਰ ਸਿੱਧੂ ਗਰਜੇ। ਉਨ੍ਹਾਂ ਤੰਜ ਕੱਸਦਿਆਂ ਕਿਹਾ ਕਿ ਤੁਸੀਂ ਆਉਂਦੇ ਓ, ਹਰੇਕ ਨੂੰ ਥਾਪੀ ਦੇ ਦਿੰਨੇ ਓ, ਇੱਕ ਨੂੰ ਮੂਹਰੇ ਲਾਓ। ਤੁਸੀਂ ਇੱਕ ਨੂੰ ਕਹਿ ਦਿਓ ਕੰਮ ਕਰਨ ਲਈ ਤੇ ਬਾਕੀ ਉਸਦਾ ਸਹਿਯੋਗ ਕਰੋ। ਮੈਨੂੰ ਕਾਂਗਰਸੀ ਹੋਣ ਦਾ ਕਿਸੇ ਤੋਂ ਸਰਟੀਫਿਕੇਟ ਲੈਣ ਦੀ ਲੋੜ ਨਹੀਂ ਹੈ। ਅਸੀਂ ਕਾਂਗਰਸ ਪਾਰਟੀ ‘ਚ ਨਵੇਂ ਨਹੀਂ ਆ। ਮੇਰੇ ਪੁੱਤ ਸਿੱਧੂ ਨੇ ਚੋਣ ਨਹੀਂ ਹਾਰੀ ਜ਼ਿੰਦਗੀ ਵੀ ਹਾਰ ਗਿਆ ।
ਬਲਕੌਰ ਸਿੱਧੂ ਨੇ ਕਿਹਾ ਕਿ ਮੇਰੇ ਪੁੱਤ ਤੋਂ ਸ਼ਰੀਰ ਖੋਹ ਲਿਆ ਗਿਆ ਪਰ ਉਹ ਸਾਰਿਆਂ ਦੇ ਦਿਲਾਂ ‘ਚ ਹੈ। ਮੇਰੇ ਪੁੱਤ ਸਿੱਧੂ ਦੀ ਫੈਨ following PM ਮੋਦੀ ਦੇ ਫੈਨ following ਦੇ ਬਰਾਬਰ ਹੈ। ਮੇਰਾ ਪੁੱਤ ਨਾ ਕਦੇ ਹਾਰਿਆ ਹੈ ਤੇ ਨਾ ਹੀ ਹਾਰੇਗਾ, ਧੂ ਮੂਸੇਵਾਲ ਰਹਿੰਦੀ ਦੁਨੀਆ ਤੱਕ ਅਮਰ ਰਹੇਗਾ।
