80 ਸਾਲ ਦੀ ਉਮਰ ਨੂੰ ਪਾਰ ਕਰ ਚੁੱਕੀ ਭਿਵਾਨੀ ਦੀ ਰਹਿਣ ਵਾਲੀ ਸੰਤੋਸ਼ ਦੇਵੀ ਨੌਜਵਾਨਾਂ ਨੂੰ ਮਾਤ ਦੇ ਰਹੀ ਹੈ ਅਤੇ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਮੈਡਲ ਜਿੱਤ ਰਹੀ ਹੈ। ਹਾਲ ਹੀ ਵਿੱਚ ਭਿਵਾਨੀ ਦੀ ਰਹਿਣ ਵਾਲੀ ਸੰਤੋਸ਼ ਦੇਵੀ ਨੇ ਨੈਸ਼ਨਲ ਮਾਸਟਰਜ਼ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਦੋ ਸੋਨ ਅਤੇ ਇੱਕ ਚਾਂਦੀ ਦਾ ਤਗਮਾ ਜਿੱਤਿਆ ਹੈ।
27 ਅਪ੍ਰੈਲ ਤੋਂ 1 ਮਈ ਤੱਕ ਹੋਈ ਨੈਸ਼ਨਲ ਨੈਸ਼ਨਲ ਮਾਸਟਰਜ਼ ਐਥਲੈਟਿਕਸ ਚੈਂਪੀਅਨਸ਼ਿਪ ‘ਚ ਸੰਤੋਸ਼ ਦੇਵੀ ਨੇ 80 ਤੋਂ ਵੱਧ ਉਮਰ ਵਰਗ ‘ਚ ਖੇਡਦੇ ਹੋਏ 100 ਮੀਟਰ ਦੌੜ ‘ਚ ਸੋਨ, 200 ਮੀਟਰ ‘ਚ ਸੋਨ ਅਤੇ ਜੈਵਲਿਨ ਥਰੋਅ ‘ਚ ਚਾਂਦੀ ਦਾ ਤਗਮਾ ਜਿੱਤਿਆ ਹੈ | ਉਹ 3 ਮਈ ਨੂੰ ਹੀ ਵਾਪਸ ਪਰਤੀ ਹੈ । ਸੰਤੋਸ਼ ਦੇਵੀ ਦਾ ਕਹਿਣਾ ਹੈ ਕਿ ਖੇਡਾਂ ਜੀਵਨ ਲਈ ਜ਼ਰੂਰੀ ਹਨ ਅਤੇ ਹਰ ਵਿਅਕਤੀ ਨੂੰ ਇਸ ਨਾਲ ਜੁੜਨਾ ਚਾਹੀਦਾ ਹੈ। ਉਸ ਨੇ ਕਿਹਾ ਕਿ ਉਹ ਚਾਹੇ 80 ਸਾਲ ਦੀ ਉਮਰ ਨੂੰ ਪਾਰ ਚੁੱਕੀ ਹੈ ਪਰ ਖੇਡਣ ਦੀ ਇੱਛਾ ਅਜੇ ਵੀ ਉਸ ਦੇ ਮਨ ਵਿਚ ਹੈ।
ਦੱਸ ਦੇਈਏ ਕਿ ਸੰਤੋਸ਼ ਭਿਵਾਨੀ ਦੇ ਤਹਿਸੀਲਦਾਰ ਰਵਿੰਦਰ ਮਲਿਕ ਦੀ ਮਾਂ ਹੈ। ਇਸ ਸਬੰਧੀ ਤਹਿਸੀਲਦਾਰ ਦੀ ਪਤਨੀ ਨੇ ਦੱਸਿਆ ਕਿ ਉਸ ਦੀ ਸੱਸ ਘਰ ਵਿੱਚ ਹੀ ਰਹਿੰਦੀ ਅਤੇ ਇਸ ਉਮਰ ਵਿੱਚ ਉਹ ਘਰ ਬੈਠੀ ਬੋਰ ਹੋ ਰਹੀ ਸੀ। ਉਸ ਦੇ ਮਨ ਵਿਚ ਆਇਆ ਕਿ ਕਿਉਂ ਨਾ ਖੇਡਾਂਨਾਲ ਜੁੜਿਆ ਜਾਵੇ । ਹਾਲਾਂਕਿ ਤਹਿਸੀਲਦਾਰ ਦੀ ਪਤਨੀ ਖੁਦ ਵੀ ਘਰ ‘ਚ ਯੋਗਾ ਅਤੇ ਪ੍ਰਾਣਾਯਾਮ ਕਰਦੀ ਰਹਿੰਦੀ ਹੈ। ਉਹ ਸੱਸ ਸੰਤੋਸ਼ ਨੂੰ ਸ਼ੁਰੂ ਵਿਚ ਸਟੇਡੀਅਮ ਲੈ ਗਈ ਜਿਥੇ ਕਿ ਉਹ ਖਿਡਾਰੀਆਂ ਨੂੰ ਦੇਖ ਕੇ ਬਹੁਤ ਖੁਸ਼ ਹੋਈ ਇਸ ਤਰਾਂ ਸੰਤੋਸ਼ ਨੂੰ ਹਰ ਰੋਜ਼ ਸਟੇਡੀਅਮ ਲਿਜਾਇਆ ਜਾਣ ਲੱਗਾ।