ਚੀਨ ਦੀ ਸੱਭਿਆਚਾਰਕ ਵਿਰਾਸਤ ਅਤੇ ਤਕਨਾਲੋਜੀ ਦੇ ਸ਼ਾਨਦਾਰ ਸੁਮੇਲ ਨਾਲ ਐਤਵਾਰ ਨੂੰ ਇੱਥੇ 19ਵੀਆਂ ਏਸ਼ੀਆਈ ਖੇਡਾਂ ਸਮਾਪਤ ਹੋ ਗਈਆਂ। ਬਿਗ ਲੋਟਸ ਸਟੇਡੀਅਮ ਵਿਖੇ 80,000 ਦਰਸ਼ਕਾਂ ਦੇ ਸਾਹਮਣੇ ਲਾਈਟਾਂ, ਸੰਗੀਤ ਅਤੇ ਲੇਜ਼ਰ ਸ਼ੋਅ ਦੇ 75 ਮਿੰਟ ਦੇ ਲੰਬੇ ਸਮਾਰੋਹ ਤੋਂ ਬਾਅਦ, 45 ਭਾਗ ਲੈਣ ਵਾਲੇ ਦੇਸ਼ਾਂ ਨੇ 2026 ਵਿੱਚ ਜਾਪਾਨ ਦੇ ਨਾਗੋਆ ਵਿੱਚ ਹੋਣ ਵਾਲੀਆਂ ਅਗਲੀਆਂ ਏਸ਼ੀਆਈ ਖੇਡਾਂ ਵਿੱਚ ਮਿਲਣ ਦੇ ਵਾਅਦੇ ਨਾਲ ਅਲਵਿਦਾ ਕਿਹਾ।
ਜ਼ਿਕਰਯੋਗ ਹੈ ਕਿ ਭਾਰਤ ਨੇ ਇਤਿਹਾਸਕ ਪ੍ਰਦਰਸ਼ਨ ਕਰਦਿਆਂ ਏਸ਼ਿਆਈ ਖੇਡਾਂ ਵਿੱਚ ਪਹਿਲੀ ਵਾਰ ਤਗਮਿਆਂ ਦਾ ਸੈਂਕੜਾ ਲਾਇਆ। ਦੇਸ਼ ਨੇ 72 ਸਾਲਾਂ ਦੇ ਏਸ਼ਿਆਈ ਖੇਡਾਂ ਦੇ ਇਤਿਹਾਸ ਵਿੱਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਦਿੱਤਾ ਅਤੇ ਕੁੱਲ 107 ਤਗ਼ਮੇ ਜਿੱਤੇ। ਇਨ੍ਹਾਂ ਵਿੱਚ 28 ਸੋਨ, 38 ਚਾਂਦੀ ਅਤੇ 41 ਕਾਂਸੀ ਦੇ ਤਗ਼ਮੇ ਸ਼ਾਮਲ ਹਨ। ਭਾਰਤ 37 ਸਾਲਾਂ ਬਾਅਦ ਤਮਗਾ ਸੂਚੀ ਦੇ TOP-5 ਸਥਾਨ ‘ਤੇ ਰਿਹਾ ਅਤੇ ਚੀਨ, ਜਾਪਾਨ, ਦੱਖਣੀ ਕੋਰੀਆ ਤੋਂ ਬਾਅਦ ਚੌਥੇ ਸਥਾਨ ‘ਤੇ ਰਿਹਾ। ਦੱਸ ਦਈਏ ਕਿ ਚੀਨ ਦੇ ਹਾਂਗਝੂ ਸ਼ਹਿਰ ‘ਚ 23 ਸਤੰਬਰ ਤੋਂ 8 ਅਕਤੂਬਰ ਤੱਕ ਆਯੋਜਿਤ ‘ਏਸ਼ੀਆਡ-2022’ ‘ਚ ਮੇਜ਼ਬਾਨ ਚੀਨ ਚੋਟੀ ‘ਤੇ ਰਿਹਾ। ਉਸ ਨੇ 201 ਸੋਨ, 111 ਚਾਂਦੀ ਅਤੇ 71 ਕਾਂਸੀ ਦੇ ਤਗਮੇ ਜਿੱਤੇ।
ਭਾਰਤ ਦੀ ਇਤਿਹਾਸਕ ਸਫ਼ਲਤਾ ਵਿੱਚ ਪੁਰਸ਼ ਅਤੇ ਮਹਿਲਾ ਦੋਵਾਂ ਵਰਗਾਂ ਦੇ ਖਿਡਾਰੀਆਂ ਨੇ ਬਰਾਬਰ ਭੂਮਿਕਾ ਨਿਭਾਈ। 107 ਵਿੱਚੋਂ, 43% ਭਾਵ ਕੁੱਲ 46 ਤਗਮੇ ਮਹਿਲਾ ਖਿਡਾਰੀਆਂ ਨੇ ਜਿੱਤੇ। ਪੁਰਸ਼ ਖਿਡਾਰੀਆਂ ਨੇ 48% ਤਗਮੇ (52) ਜਿੱਤੇ, ਜਦਕਿ ਮਿਸ਼ਰਤ ਮੁਕਾਬਲਿਆਂ ਵਿੱਚ ਵੀ 9 ਤਗਮੇ ਜਿੱਤੇ। ਯਾਨੀ ਕਿ ਪੁਰਸ਼ ਅਤੇ ਮਹਿਲਾ ਦੋਵਾਂ ਵਰਗਾਂ ਵਿੱਚ ਖਿਡਾਰੀ ਬਰਾਬਰ ਵਧੇ ਅਤੇ ਦੇਸ਼ ਲਈ ਸਫਲਤਾ ਲਿਆਂਦੀ।
ਏਸ਼ੀਆਈ ਖੇਡਾਂ ਮੈਡਲ ਟੈਲੀ
| ਰੈਂਕ | ਦੇਸ਼ | ਗੋਲਡ | ਸਿਲਵਰ | ਬਰੌਂਜ਼ | ਕੁੱਲ |
| 1 | ਚੀਨ | 201 | 111 | 71 | 383 |
| 2 | ਸਾਊਥ ਕੋਰੀਆ | 42 | 59 | 89 | 190 |
| 3 | ਜਪਾਨ | 52 | 67 | 69 | 188 |
| 4 | ਭਾਰਤ | 28 | 38 | 41 | 107 |
| 5 | ਉਜ਼ਬੇਕਿਸਤਾਨ | 22 | 18 | 31 | 71 |
ਇਸ ਦੇ ਨਾਲ ਹੀ ਭਾਰਤ ਨੇ ਤੇਜ਼ੀ ਨਾਲ ਵਿਕਾਸ ਕੀਤਾ ਅਤੇ ਤੀਰਅੰਦਾਜ਼ੀ, ਅਥਲੈਟਿਕਸ, ਕ੍ਰਿਕਟ, ਕਬੱਡੀ, ਸ਼ੂਟਿੰਗ ਅਤੇ ਸਕੁਐਸ਼ ਦੇ ਔਰਤਾਂ ਦੇ ਮੁਕਾਬਲਿਆਂ ਵਿੱਚ ਸੋਨ ਤਗਮੇ ਜਿੱਤੇ। ਇਨ੍ਹਾਂ ਖੇਡਾਂ ਤੋਂ ਇਲਾਵਾ ਬੈਡਮਿੰਟਨ, ਹਾਕੀ ਅਤੇ ਘੋੜ ਸਵਾਰੀ ਵਿੱਚ ਵੀ ਪੁਰਸ਼ ਖਿਡਾਰੀਆਂ ਨੇ ਭਾਰਤ ਲਈ ਇਤਿਹਾਸਕ ਸੋਨ ਤਗਮੇ ਜਿੱਤੇ।
ਦੇਸ਼ 37 ਸਾਲਾਂ ਬਾਅਦ ਏਸ਼ੀਆਡ ਤਮਗਾ ਸੂਚੀ ਵਿੱਚ ਟਾਪ-5 ਵਿੱਚ ਰਿਹਾ। ਇਸ ਤੋਂ ਪਹਿਲਾਂ 1986 ਦੌਰਾਨ ਸਿਓਲ ਏਸ਼ਿਆਈ ਖੇਡਾਂ ਵਿੱਚ ਭਾਰਤ ਪੰਜਵੇਂ ਸਥਾਨ ’ਤੇ ਰਿਹਾ ਸੀ। ਉਸ ਸਮੇ 5 ਸੋਨ, 9 ਚਾਂਦੀ ਅਤੇ 23 ਕਾਂਸੀ ਦੇ ਤਗਮੇ ਜਿੱਤੇ ਸਨ। ਇਸ ਪ੍ਰਦਰਸ਼ਨ ਦੇ 37 ਸਾਲਾਂ ਬਾਅਦ ਭਾਰਤ ਹੁਣ ਤਗਮਾ ਸੂਚੀ ਦੇ ਟਾਪ-5 ਵਿੱਚ ਆਉਣ ਵਿੱਚ ਕਾਮਯਾਬ ਹੋ ਗਿਆ ਹੈ।
