ਨਵੀਂ ਦਿੱਲੀ : ਇਸ ਮੈਚ ਵਿੱਚ ਭਾਰਤੀ ਬੱਲੇਬਾਜ਼ਾਂ ਦਾ ਪ੍ਰਦਰਸ਼ਨ ਚੰਗਾ ਨਹੀਂ ਰਿਹਾ। ਆਰਾਧਿਆ ਯਾਦਵ ਤੋਂ ਇਲਾਵਾ ਹੋਰ ਕੋਈ ਵੀ ਬੱਲੇਬਾਜ਼ 50 ਦੌੜਾਂ ਤੱਕ ਨਹੀਂ ਪਹੁੰਚ ਸਕਿਆ। ਭਾਰਤ ਲਈ ਅਰਾਧਿਆ ਤੋਂ ਇਲਾਵਾ ਹਰਨੂਰ ਸਿੰਘ ਨੇ 46, ਰਾਜਵਰਧਨ ਹੰਗਾਰਗੇਕਰ ਨੇ 33 ਅਤੇ ਕੌਸ਼ਲ ਤਾਂਬੇ ਨੇ 32 ਦੌੜਾਂ ਬਣਾਈਆਂ। ਪਾਕਿਸਤਾਨ ਵੱਲੋਂ ਜ਼ੀਸ਼ਾਨ ਨੇ 10 ਓਵਰਾਂ ਵਿਚ 60 ਦੌੜਾਂ ਦੇ ਕੇ ਪੰਜ ਵਿਕਟ ਝਟਕੇ। ਟੀਚੇ ਦਾ ਪਿੱਛਾ ਕਰਨ ਉਤਰੀ ਪਾਕਿਸਤਾਨ ਦੀ ਟੀਮ ਨੇ 50 ਓਵਰਾਂ ਵਿਚ ਅੱਠ ਵਿਕਟਾਂ ’ਤੇ 240 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ। ਪਾਕਿਸਤਾਨ ਲਈ ਸ਼ਹਜਾਦ ਨੇ 81 ਦੌੜਾਂ ਅਤੇ ਇਰਫਾਨ ਖਾਨ ਨੇ 32 ਦੌੜਾਂ ਦਾ ਯੋਗਦਾਨ ਦਿੱਤਾ।
ਭਾਰਤ ਵੱਲੋਂ ਰਾਜ ਬਾਵਾ ਨੇ 56 ਦੌੜਾਂ ਦੇ ਕੇ ਚਾਰ ਵਿਕਟਾਂ ਲਈਆਂ।ਪਾਕਿਸਤਾਨ ਨੂੰ ਆਖਰੀ ਓਵਰ ਵਿਚ ਜਿੱਤ ਲਈ ਅੱਠ ਦੌੜਾਂ ਦੀ ਜ਼ਰੂਰਤ ਸੀ। ਭਾਰਤ ਲਈ ਰਵਿ ਕੁਮਾਰ ਨੇ 50ਵੇਂ ਓਵਰ ਦੀ ਪਹਿਲੀ ਗੇਂਦ ’ਤੇ ਜੀਸ਼ਾਨ (0) ਨੂੰ ਆਊਟ ਕਰ ਪਾਕਿਸਤਾਨ ਨੂੰ ਅੱਠਵਾਂ ਝੱਟਕਾ ਦਿਤਾ। ਲੇਕਿਨ ਅਹਿਮਦ ਖਾਨ ਨੇ ਸ਼ਾਨਦਾਰ ਬੱਲੇਬਾਜ਼ੀ ਨਾਲ ਦੌੜਾਂ ਜੁਟਾਈਆਂ ਅਤੇ ਆਖਰੀ ਗੇਂਦ ’ਤੇ ਚੌਕਾ ਲਗਾਕੇ ਟੀਮ ਨੂੰ ਜਿੱਤ ਦਵਾਈ। ਅਹਿਮਦ 19 ਗੇਂਦਾਂ ’ਤੇ ਤਿੰਨ ਚੌਕੇ ਅਤੇ ਇਕ ਛੱਕੇ ਦੀ ਮਦਦ ਨਾਲ 29 ਦੌੜਾਂ ਬਣਾ ਕੇ ਅਜੇਤੂ ਰਹੇ।
