ਓਲੰਪਿਕ ਚੈਂਪੀਅਨ ਜੈਵਲਿਨ ਥ੍ਰੋਅਰ ਨੀਰਜ ਚੋਪੜਾ ਨੇ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਦੇ ਫਾਈਨਲ ਲਈ ਕੁਆਲੀਫਾਈ ਕਰ ਲਿਆ ਹੈ। ਨੀਰਜ ਚੋਪੜਾ ਨੇ ਪਹਿਲੇ ਹੀ ਯਤਨ ਵਿੱਚ 88.39 ਮੀਟਰ ਦਾ ਥਰੋਅ ਸੁੱਟ ਕੇ ਪਹਿਲੀ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ਲਈ ਕੁਆਲੀਫਾਈ ਕੀਤਾ ਜਦਕਿ ਰੋਹਿਤ ਯਾਦਵ ਵੀ ਫਾਈਨਲ ‘ਚ ਜਗ੍ਹਾ ਬਣਾਉਣ ‘ਚ ਕਾਮਯਾਬ ਰਹੇ। ਚੋਪੜਾ ਨੇ ਗਰੁੱਪ ਏ ਕੁਆਲੀਫਿਕੇਸ਼ਨ ਵਿੱਚ ਸ਼ੁਰੂਆਤ ਕੀਤੀ ਅਤੇ 88.39 ਮੀਟਰ ਦਾ ਥਰੋਅ ਸੁੱਟਿਆ। ਇਹ ਉਸ ਦੇ ਕਰੀਅਰ ਦਾ ਤੀਜਾ ਸਰਵੋਤਮ ਥਰੋਅ ਸੀ। ਰੋਹਿਤ ਨੇ ਗਰੁੱਪ ਬੀ ਵਿੱਚ 80 .42 ਮੀਟਰ ਦਾ ਥਰੋਅ ਸੁੱਟਿਆ। ਫਾਈਨਲ ਚ ਐਤਵਾਰ ਨੂੰ ਸਵੇਰੇ 7.05 ਵਜੇ ਹੋਵੇਗਾ।
ਨੀਰਜ ਅਤੇ ਰੋਹਿਤ ਸਮੇਤ ਕੁੱਲ 12 ਖਿਡਾਰੀਆਂ ਨੇ ਜੈਵਲਿਨ ਥਰੋਅ ਦੇ ਫਾਈਨਲ ਵਿੱਚ ਥਾਂ ਬਣਾਈ ਹੈ। ਚੈੱਕ ਗਣਰਾਜ ਦੇ ਜੈਕਬ ਵਡਲੇਜਚ ਨੇ ਵੀ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ 85.23 ਮੀਟਰ ਜੈਵਲਿਨ ਸੁੱਟ ਕੇ ਫਾਈਨਲ ਵਿੱਚ ਥਾਂ ਬਣਾਈ। ਭਾਰਤੀ ਅਥਲੀਟ ਐਲਡੋਸ ਪੌਲ ਨੇ ਟ੍ਰਿਪਲ ਜੰਪ ਮੁਕਾਬਲੇ ਦੇ ਫਾਈਨਲ ਵਿੱਚ ਥਾਂ ਬਣਾ ਲਈ ਹੈ। ਉਹ 16.68 ਮੀਟਰ ਦੀ ਛਾਲ ਨਾਲ ਟਾਪ-12 ‘ਚ ਰਹੇ। ਇਕ ਹੋਰ ਭਾਰਤੀ ਜੰਪਰ ਪਰਵੀਨ ਨੇ 16.49 ਮੀਟਰ ਉੱਚੀ ਛਾਲ ਲਗਾਈ ਅਤੇ 16ਵੇਂ ਨੰਬਰ ‘ਤੇ ਰਹੀ। ਇਸ ਦੇ ਨਾਲ ਹੀ ਅਬਦੁੱਲਾ ਅਬੋਬਰੇਕਰ 16.45 ਮੀਟਰ ਉੱਚੀ ਛਾਲ ਮਾਰ ਕੇ 19ਵੇਂ ਨੰਬਰ ‘ਤੇ ਰਹੇ।