ਭਾਰਤ ਦੀ 23 ਸਾਲਾ ਪ੍ਰੀਤੀ ਪਾਲ ਨੇ ਸ਼ੁੱਕਰਵਾਰ ਨੂੰ ਪੈਰਾਲੰਪਿਕ ਦੇ ਮਹਿਲਾ ਟੀ35 100 ਮੀਟਰ ਮੁਕਾਬਲੇ ਵਿੱਚ 14.21 ਸਕਿੰਟ ਦੇ ਨਿੱਜੀ ਸਰਵੋਤਮ ਸਮੇਂ ਨਾਲ ਕਾਂਸੀ ਦਾ ਤਗ਼ਮਾ ਜਿੱਤਿਆ।ਚੀਨ ਦੇ ਝੂ ਜੀਆ (13.58) ਨੇ ਸੋਨ ਤਗਮਾ ਅਤੇ ਗੁਓ ਕਿਆਨਕਿਆਨ (13.74) ਨੇ ਚਾਂਦੀ ਦਾ ਤਗਮਾ ਜਿੱਤਿਆ।
T-35 ਸ਼੍ਰੇਣੀ ਵਿੱਚ ਟੀ ਦਾ ਮਤਲਬ ਟਰੈਕ ਹੈ, ਜਦੋਂ ਕਿ 35 ਸ਼੍ਰੇਣੀ ਵਿੱਚ ਉਹ ਐਥਲੀਟ ਸ਼ਾਮਲ ਹਨ ਜਿਨ੍ਹਾਂ ਨੂੰ ਹਾਈਪਰਟੋਨੀਆ, ਅਟੈਕਸੀਆ ਜਾਂ ਐਥੀਟੋਸਿਸ ਵਰਗੀਆਂ ਬਿਮਾਰੀਆਂ ਹਨ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾ ਅਵਨੀ ਲੇਖਰਾ ਨੇ ਪੈਰਾਲੰਪਿਕ ਖੇਡਾਂ ਵਿੱਚ ਭਾਰਤ ਨੂੰ ਪਹਿਲਾ ਤਗ਼ਮਾ ਦਿਵਾਇਆ। ਉਸਨੇ ਪੈਰਾਲੰਪਿਕਸ ‘ਚ ਔਰਤਾਂ ਦੀ 10 ਮੀਟਰ ਏਅਰ ਰਾਈਫਲ ਸ਼ੂਟਿੰਗ ਦੇ SH1 ਵਰਗ ਵਿੱਚ ਸੋਨ ਤਗਮਾ ਜਿੱਤਿਆ। ਉਸ ਨੇ 249.7 ਦਾ ਸਕੋਰ ਬਣਾਇਆ। ਕੋਰੀਆ ਦੀ ਯੂਨਰੀ ਲੀ ਨੇ ਚਾਂਦੀ ਦਾ ਤਗਮਾ ਜਿੱਤਿਆ, ਉਸ ਦਾ ਸਕੋਰ 246.8 ਰਿਹਾ। ਭਾਰਤ ਦੀ ਮੋਨਾ ਅਗਰਵਾਲ ਨੇ 228.7 ਦੇ ਸਕੋਰ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ।