ਦੱਖਣੀ ਅਫਰੀਕਾ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਮੋਰਨੇ ਮੋਰਕਲ ਨੂੰ ਭਾਰਤੀ ਪੁਰਸ਼ ਕ੍ਰਿਕਟ ਟੀਮ ਦਾ ਨਵਾਂ ਗੇਂਦਬਾਜ਼ੀ ਕੋਚ ਨਿਯੁਕਤ ਕੀਤਾ ਗਿਆ ਹੈ। ਭਾਰਤੀ ਕ੍ਰਿਕਟ ਬੋਰਡ (BCCI) ਦੇ ਸਕੱਤਰ ਜੈ ਸ਼ਾਹ ਨੇ ਬੁੱਧਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ। ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਨੇ ਕਿਹਾ, ਹਾਂ, ਮੋਰਨੇ ਮੋਰਕਲ ਨੂੰ ਸੀਨੀਅਰ ਭਾਰਤੀ ਪੁਰਸ਼ ਟੀਮ ਦਾ ਗੇਂਦਬਾਜ਼ੀ ਕੋਚ ਨਿਯੁਕਤ ਕੀਤਾ ਗਿਆ ਹੈ।
ਪਾਰਸ ਮਹਾਮਬਰੇ ਦੀ ਜਗ੍ਹਾ ਮੋਰਨੇ ਮੋਰਕਲ ਨੂੰ ਟੀਮ ਇੰਡੀਆ ਦਾ ਨਵਾਂ ਗੇਂਦਬਾਜ਼ੀ ਕੋਚ ਬਣਾਇਆ ਗਿਆ ਹੈ। ਮੋਰਕਲ ਦਾ ਕਾਰਜਕਾਲ ਬੰਗਲਾਦੇਸ਼ ਦੌਰੇ ਤੋਂ ਸ਼ੁਰੂ ਹੋਵੇਗਾ। ਬੰਗਲਾਦੇਸ਼ ਦੀ ਟੀਮ ਭਾਰਤ ਦੌਰੇ ‘ਤੇ ਜਾ ਰਹੀ ਹੈ। ਭਾਰਤ ਅਤੇ ਬੰਗਲਾਦੇਸ਼ ਵਿਚਾਲੇ ਦੋ ਟੈਸਟ ਅਤੇ ਤਿੰਨ ਟੀ-20 ਮੈਚਾਂ ਦੀ ਸੀਰੀਜ਼ ਖੇਡੀ ਜਾਵੇਗੀ। ਦੱਖਣੀ ਅਫਰੀਕਾ ਦੇ 39 ਸਾਲਾ ਮੋਰਕਲ ਨਵੇਂ ਮੁੱਖ ਕੋਚ ਗੌਤਮ ਗੰਭੀਰ ਦੀ ਪਹਿਲੀ ਪਸੰਦ ਸਨ। ਦੋਵੇਂ ਆਈਪੀਐਲ ਦੀ ਟੀਮ ਲਖਨਊ ਸੁਪਰ ਜਾਇੰਟਸ ਵਿੱਚ ਇਕੱਠੇ ਕੰਮ ਕਰ ਚੁੱਕੇ ਹਨ।
ਮੋਰਨੇ ਮੋਰਕਲ ਦੀ ਕੋਚਿੰਗ ਵੀ ਵਧੀਆ ਅਨੁਭਵ ਹੈ। ਮੋਰਕਲ ਵਨਡੇ ਵਿਸ਼ਵ ਕੱਪ ਦੌਰਾਨ ਪਾਕਿਸਤਾਨ ਦੇ ਕੋਚ ਸਨ। ਇਸ ਦੇ ਨਾਲ ਹੀ ਮੋਰਕਲ ਆਈਪੀਐਲ ਵਿੱਚ ਕੋਚ ਵੀ ਰਹਿ ਚੁੱਕੇ ਹਨ। ਗੌਤਮ ਗੰਭੀਰ ਅਤੇ ਮੋਰਕਲ ਲਖਨਊ ਸੁਪਰ ਜਾਇੰਟਸ ਨਾਲ ਜੁੜੇ ਹੋਏ ਸਨ। ਜਦੋਂ ਗੰਭੀਰ ਲਖਨਊ ਸੁਪਰ ਜਾਇੰਟਸ ਦੇ ਮੈਂਟਰ ਹੁੰਦੇ ਸਨ, ਮੋਰਕਲ ਟੀਮ ਦੇ ਗੇਂਦਬਾਜ਼ੀ ਕੋਚ ਸਨ। ਗੰਭੀਰ ਦੇ ਕੇਕੇਆਰ ਵਿੱਚ ਜਾਣ ਤੋਂ ਬਾਅਦ ਵੀ, ਮੋਰਕਲ ਲਖਨਊ ਟੀਮ ਨਾਲ ਜੁੜੇ ਰਹੇ।
