ਭਾਰਤ ਦਾ ਸਟਾਰ ਕ੍ਰਿਕਟਰ ਰਿਸ਼ਭ ਪੰਤ ਕਾਰ ਹਾਦਸੇ ਤੋਂ ਬਾਅਦ ਹੋਈ ਸਰਜਰੀ ਤੋਂ ਉਭਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਦੌਰਾਨ ਉਹ ਸੋਸ਼ਲ ਮੀਡੀਆ ‘ਤੇ ਕੁਝ ਤਸਵੀਰਾਂ ਵੀ ਸ਼ੇਅਰ ਕਰਦੇ ਰਹਿੰਦੇ ਹਨ ਅਤੇ ਆਪਣੀ ਹੈਲਥ ਅਪਡੇਟ ਆਪਣੇ ਪ੍ਰਸ਼ੰਸ਼ਕਾਂ ਨੂੰ ਦਿੰਦੇ ਰਹਿੰਦੇ ਹਨ। ਸ਼ਨੀਵਾਰ ਨੂੰ ਸੁਰੇਸ਼ ਰੈਨਾ, ਹਰਭਜਨ ਸਿੰਘ ਅਤੇ ਸ਼੍ਰੀਸੰਤ ਪੰਤ ਦੇ ਘਰ ਉਸ ਨੂੰ ਮਿਲਣ ਪਹੁੰਚੇ। ਰੈਨਾ ਨੇ ਪੰਤ ਦੇ ਨਾਲ ਇੱਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ ਅਤੇ ਨਾਲ ਹੀ ਇੱਕ ਪਿਆਰਾ ਸੰਦੇਸ਼ ਵੀ ਲਿਖਿਆ ਹੈ।
ਤਸਵੀਰ ਦੇ ਕੈਪਸ਼ਨ ‘ਚ ਰੈਨਾ ਨੇ ਲਿਖਿਆ- ਭਾਈਚਾਰਾ ਹੀ ਸਭ ਕੁਝ ਹੈ। ਪਰਿਵਾਰ ਉਹ ਹੈ ਜਿੱਥੇ ਸਾਡਾ ਦਿਲ ਹੈ। ਅਸੀਂ ਆਪਣੇ ਭਰਾ ਰਿਸ਼ਭ ਪੰਤ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦੇ ਹਾਂ। ਪਰਿਵਾਰ, ਜੀਵਨ, ਭਾਈਚਾਰਾ ਅਤੇ ਸਮੇ ਵਿੱਚ ਵਿਸ਼ਵਾਸ ਰੱਖੋ। ਅਸੀਂ ਹਮੇਸ਼ਾ ਤੁਹਾਡੇ ਨਾਲ ਹਾਂ। ਇਸ ਦੇ ਨਾਲ ਹੀ ਸ਼੍ਰੀਸੰਤ ਨੇ ਲਿਖਿਆ- ਰਿਸ਼ਭ ਪੰਤ ਮੈਂ ਤੁਹਾਨੂੰ ਪਿਆਰ ਕਰਦਾ ਹਾਂ ਮੇਰੇ ਭਰਾ। ਤੁਸੀਂ ਵਿਸ਼ਵਾਸ ਕਰਦੇ ਰਹੋ ਅਤੇ ਇੱਕ ਪ੍ਰੇਰਣਾ ਬਣੇ ਰਹੋ।