ਟੀਮ ਇੰਡੀਆ ਦੇ ਸੁਪਰਸਟਾਰ ਵਿਰਾਟ ਕੋਹਲੀ ਅੱਜ (5 ਨਵੰਬਰ, 2022) 34 ਸਾਲ ਦੇ ਹੋ ਗਏ ਹਨ। ਫਿਲਹਾਲ ਉਹ ਆਸਟ੍ਰੇਲੀਆ ‘ਚ ਹਨ ਜਿੱਥੇ ਟੀਮ ਇੰਡੀਆ ਟੀ-20 ਵਿਸ਼ਵ ਕੱਪ ਲਈ ਮੌਜੂਦ ਹੈ। ਭਾਰਤ ਨੇ ਆਪਣਾ ਅਗਲਾ ਮੈਚ ਮੈਲਬੋਰਨ ਵਿੱਚ ਖੇਡਣਾ ਹੈ ਅਤੇ ਵਿਰਾਟ ਨੇ ਐਮਸੀਜੀ ਡਰੈਸਿੰਗ ਰੂਮ ਵਿੱਚ ਸਾਥੀ ਖਿਡਾਰੀਆਂ ਅਤੇ ਸਹਿਯੋਗੀ ਸਟਾਫ਼ ਨਾਲ ਆਪਣਾ ਜਨਮ ਦਿਨ ਮਨਾਇਆ। ਦੱਸ ਦੇਈਏ ਕਿ ਦੁਨੀਆ ਭਰ ਤੋਂ ਵਿਰਾਟ ਦੇ ਪ੍ਰਸ਼ੰਸਕ ਉਨ੍ਹਾਂ ਨੂੰ ਜਨਮਦਿਨ ‘ਤੇ ਸ਼ੁਭਕਾਮਨਾਵਾਂ ਦੇ ਰਹੇ ਹਨ। BCCI ਅਤੇ IPL ਫ੍ਰੈਂਚਾਇਜ਼ੀ ਨੇ ਵੀ ਕੋਹਲੀ ਨੂੰ ਵਧਾਈ ਦਿੱਤੀ ਹੈ
ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (BCCI) ਦੇ ਅਧਿਕਾਰਤ ਟਵਿੱਟਰ ਅਕਾਊਂਟ ਤੋਂ ਸ਼ਨੀਵਾਰ ਨੂੰ ਇੱਕ ਵੀਡੀਓ ਸ਼ੇਅਰ ਕੀਤਾ ਗਿਆ ਹੈ। ਇਸ ‘ਚ ਵਿਰਾਟ ਕੇਕ ਕੱਟਦੇ ਹੋਏ ਅਤੇ ਫਿਰ ਇਸ ਨੂੰ ਖੂਬ ਖਾਂਦੇ ਨਜ਼ਰ ਆਏ। ਪੈਡੀ ਅੱਪਟਨ ਵੀ ਉਨ੍ਹਾਂ ਦੇ ਨਾਲ ਨਜ਼ਰ ਆਏ। ਅੱਜ ਪੈਡੀ ਉਪਟਨ ਦਾ ਵੀ ਜਨਮ ਦਿਨ ਹੈ। ਉਹ ਟੀਮ ਇੰਡੀਆ ਦੇ ਮਾਨਸਿਕ ਕੰਡੀਸ਼ਨਿੰਗ ਕੋਚ ਹਨ। ਦੋਵਾਂ ਨੇ ਮਿਲ ਕੇ ਕੇਕ ਕੱਟਿਆ।
ਦਸ ਦਈਏ ਕਿ ਬੀਸੀਸੀਆਈ ਨੇ ਕੋਹਲੀ ਦੀ ਤਸਵੀਰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਲਿਖਿਆ- 477 ਅੰਤਰਰਾਸ਼ਟਰੀ ਮੈਚ, 24350 ਦੌੜਾਂ ਬਣਾਈਆਂ, 2011 ਆਈਸੀਸੀ ਵਿਸ਼ਵ ਕੱਪ ਅਤੇ 2013 ਆਈਸੀਸੀ ਚੈਂਪੀਅਨਜ਼ ਟਰਾਫੀ ਜੇਤੂ ਵਿਰਾਟ ਕੋਹਲੀ ਨੂੰ ਜਨਮ ਦਿਨ ਦੀਆਂ ਮੁਬਾਰਕਾਂ। ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਅਤੇ ਆਧੁਨਿਕ ਸਮੇਂ ਦੇ ਸਰਵਸ੍ਰੇਸ਼ਠ ਬੱਲੇਬਾਜ਼ਾਂ ਵਿੱਚੋਂ ਇੱਕ ਵਿਰਾਟ ਕੋਹਲੀ ਨੂੰ ਜਨਮਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ।
