ਪਹਿਲੀ ਮਹਿਲਾ ਪ੍ਰੀਮੀਅਰ ਲੀਗ (WPL) ਲਈ ਖਿਡਾਰੀਆਂ ਦੀ ਨਿਲਾਮੀ ਸ਼ੁਰੂ ਹੋ ਗਈ ਹੈ। ਮੁੰਬਈ ਦੇ ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ ‘ਚ ਚੱਲ ਰਹੀ ਨਿਲਾਮੀ ਸਮ੍ਰਿਤੀ ਮੰਧਾਨਾ ਦੇ ਨਾਂ ਨਾਲ ਸ਼ੁਰੂ ਕੀਤੀ ਗਈ। ਉਹ ਮਹਿਲਾ ਲੀਗ ਦੀ ਹੁਣ ਤੱਕ ਦੀ ਸਭ ਤੋਂ ਮਹਿੰਗੀ ਖਿਡਾਰਣ ਬਣ ਗਈ ਹੈ। ਉਸ ਨੂੰ ਬੈਂਗਲੁਰੂ ਨੇ 3.4 ਕਰੋੜ ਰੁਪਏ ‘ਚ ਖਰੀਦਿਆ ਹੈ। ਇਸ ਦੇ ਨਾਲ ਹੀ ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਨੂੰ ਮੁੰਬਈ ਇੰਡੀਅਨਜ਼ ਨੇ ਖਰੀਦਿਆ। ਮੁੰਬਈ ਨੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਅਤੇ ਯੂਪੀ ਵਾਰੀਅਰਜ਼ ਨੂੰ ਹਰਾ ਕੇ ਹਰਮਨਪ੍ਰੀਤ ਕੌਰ ਨੂੰ 1.80 ਕਰੋੜ ਰੁਪਏ ਵਿੱਚ ਖਰੀਦਿਆ।
ਕਿਹੜੀ ਟੀਮ ਨੇ ਕਿਸਨੂੰ ਖਰੀਦਿਆ?
ਦਿੱਲੀ ਕੈਪੀਟਲਜ਼ – ਜੇਮੀਮਾ ਰੌਡਰਿਗਜ਼ (ਭਾਰਤ), ਸ਼ੈਫਾਲੀ ਵਰਮਾ (ਭਾਰਤ), ਮੇਗ ਲੈਨਿੰਗ (ਆਸਟ੍ਰੇਲੀਆ)।
ਮੁੰਬਈ ਇੰਡੀਅਨਜ਼ – ਹਰਮਨਪ੍ਰੀਤ ਕੌਰ (ਭਾਰਤ), ਨਟਾਲੀ ਸਾਇਵਰ (ਇੰਗਲੈਂਡ), ਅਮੇਲੀਆ ਕੇਰ (ਨਿਊਜ਼ੀਲੈਂਡ), ਯਸਤਿਕਾ ਭਾਟੀਆ (ਭਾਰਤ)।
ਰਾਇਲ ਚੈਲੇਂਜਰਜ਼ ਬੈਂਗਲੁਰੂ – ਸਮ੍ਰਿਤੀ ਮੰਧਾਨਾ (ਭਾਰਤ), ਰੇਣੁਕਾ ਸਿੰਘ (ਭਾਰਤ), ਸੋਫੀ ਡਿਵਾਈਨ (ਨਿਊਜ਼ੀਲੈਂਡ), ਐਲੀਸ ਪੇਰੀ (ਆਸਟ੍ਰੇਲੀਆ), ਰਿਚਾ ਘੋਸ਼ (ਭਾਰਤ)।
ਯੂਪੀ ਵਾਰੀਅਰਜ਼ – ਦੀਪਤੀ ਸ਼ਰਮਾ (ਭਾਰਤ), ਤਾਹਿਲੀਆ ਮੈਕਗ੍ਰਾ (ਆਸਟ੍ਰੇਲੀਆ), ਸ਼ਬਨੀਮ ਇਸਮਾਈਲ (ਦੱਖਣੀ ਅਫਰੀਕਾ), ਸੋਫੀ ਏਕਲਸਟੋਨ (ਇੰਗਲੈਂਡ), ਅਲੀਸਾ ਹੀਲੀ (ਆਸਟ੍ਰੇਲੀਆ), ਅੰਜਲੀ ਸਰਵਾਨੀ (ਭਾਰਤ), ਰਾਜੇਸ਼ਵਰੀ ਗਾਇਕਵਾੜ (ਭਾਰਤ)।
ਗੁਜਰਾਤ ਜਾਇੰਟਸ – ਐਸ਼ਲੇ ਗਾਰਡਨਰ (ਆਸਟ੍ਰੇਲੀਆ), ਬੈਥ ਮੂਨੀ (ਆਸਟ੍ਰੇਲੀਆ), ਸੋਫੀਆ ਡੰਕਲੇ (ਇੰਗਲੈਂਡ), ਐਨਾਬੈਲ ਸਦਰਲੈਂਡ (ਆਸਟ੍ਰੇਲੀਆ), ਹਰਲੀਨ ਦਿਓਲ (ਭਾਰਤ), ਦੇਵੇਂਦਰਾ ਡੌਟਿਨ (ਵੈਸਟ ਇੰਡੀਜ਼)।
- ਦਿੱਲੀ ਨੇ ਭਾਰਤ ਦੀ ਸਟਾਰ ਬੱਲੇਬਾਜ਼ ਜੇਮੀਮਾ ਰੌਡਰਿਗਜ਼ ਨੂੰ 2.20 ਕਰੋੜ ਰੁਪਏ ਵਿੱਚ ਖਰੀਦਿਆ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ।
- ਭਾਰਤ ਦੀ ਸਟਾਰ ਸਪਿਨਰ ਰਾਜੇਸ਼ਵਰੀ ਗਾਇਕਵਾੜ ਨੂੰ ਯੂਪੀ ਵਾਰੀਅਰਜ਼ ਨੇ ਉਸ ਦੀ ਬੇਸ ਪ੍ਰਾਈਸ 40 ਲੱਖ ਰੁਪਏ ਵਿੱਚ ਖਰੀਦਿਆ ਹੈ।
- ਭਾਰਤ ਦੀ ਅੰਜਲੀ ਸਰਵਾਨੀ ਨੂੰ ਯੂਪੀ ਵਾਰੀਅਰਜ਼ ਨੇ 55 ਲੱਖ ਰੁਪਏ ਵਿੱਚ ਖਰੀਦਿਆ। ਉਸ ਦੀ ਮੂਲ ਕੀਮਤ 30 ਲੱਖ ਰੁਪਏ ਸੀ।
- ਆਸਟ੍ਰੇਲੀਆ ਦੀ ਬੱਲੇਬਾਜ਼ ਐਲੀਸਾ ਹੀਲੀ ਨੂੰ ਯੂਪੀ ਵਾਰੀਅਰਸ ਨੇ 70 ਲੱਖ ਰੁਪਏ ਵਿੱਚ ਖਰੀਦਿਆ ਹੈ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ।
- ਭਾਰਤ ਦੀ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਰਿਚਾ ਘੋਸ਼ ਨੂੰ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਨੇ 1.90 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ।
- ਭਾਰਤ ਦੇ ਸਟਾਰ ਵਿਕਟਕੀਪਰ ਬੱਲੇਬਾਜ਼ ਯਸਤਿਕਾ ਭਾਟੀਆ ਨੂੰ ਮੁੰਬਈ ਇੰਡੀਅਨਜ਼ ਨੇ 1.50 ਕਰੋੜ ਰੁਪਏ ਵਿੱਚ ਖਰੀਦਿਆ ਹੈ। ਉਸ ਦੀ ਮੂਲ ਕੀਮਤ 40 ਲੱਖ ਰੁਪਏ ਸੀ।
- ਭਾਰਤ ਦੀ ਸਟਾਰ ਆਲਰਾਊਂਡਰ ਪੂਜਾ ਵਸਤਰਕਾਰ ਨੂੰ ਮੁੰਬਈ ਇੰਡੀਅਨਜ਼ ਨੇ 1.90 ਕਰੋੜ ਰੁਪਏ ‘ਚ ਖਰੀਦਿਆ ਹੈ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ।
- ਭਾਰਤ ਦੀ ਸਟਾਰ ਬੱਲੇਬਾਜ਼ ਹਰਲੀਨ ਦਿਓਲ ਨੂੰ ਗੁਜਰਾਤ ਜਾਇੰਟਸ ਨੇ 40 ਲੱਖ ਰੁਪਏ ਵਿੱਚ ਖਰੀਦਿਆ ਹੈ। ਉਸ ਦੀ ਬੇਸ ਪ੍ਰਾਈਸ ਸਿਰਫ 40 ਲੱਖ ਰੁਪਏ ਸੀ।
- ਭਾਰਤ ਦੀ ਸਟਾਰ ਬੱਲੇਬਾਜ਼ ਸ਼ੈਫਾਲੀ ਵਰਮਾ ਨੂੰ ਦਿੱਲੀ ਕੈਪੀਟਲਸ ਨੇ 2 ਕਰੋੜ ਰੁਪਏ ‘ਚ ਖਰੀਦਿਆ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ।
ਦੱਸ ਦਈਏ ਕਿ ਚਾਰ ਅੰਤਰਰਾਸ਼ਟਰੀ ਟੀਮਾਂ ਦੇ ਕਪਤਾਨ ਨਿਲਾਮੀ ਦੇ ਪਹਿਲੇ 4 ਸੈੱਟਾਂ ਵਿੱਚ ਨਾ ਵਿਕਣ ਵਾਲੇ ਰਹੇ। ਇਨ੍ਹਾਂ ਵਿੱਚ ਦੱਖਣੀ ਅਫਰੀਕਾ ਦੀ ਸਨੇ ਲੂਸ, ਇੰਗਲੈਂਡ ਦੀ ਹੀਥਰ ਨਾਈਟ, ਸ਼੍ਰੀਲੰਕਾ ਦੀ ਚਮਾਰੀ ਅਟਾਪੱਟੂ ਅਤੇ ਵੈਸਟਇੰਡੀਜ਼ ਦੀ ਹੇਲੀ ਮੈਥਿਊਜ਼ ਸ਼ਾਮਲ ਸਨ।
