ਦੋ ਪਹੀਆ ਵਾਹਨ ਚਲਾਉਣ ਸਮੇਂ ਆਪਣੇ ਆਪ ਨੂੰ ਸੁਰੱਖਿਅਤ ਰੱਖਣ ਲਈ ਹੈਲਮੇਟ ਬਹੁਤ ਜਰੂਰੀ ਹੁੰਦਾ ਹੈ। ਪਰ ਕਈ ਵਾਰ ਲੋਕ ਕੁਝ ਪੈਸੇ ਬਚਾਉਣ ਲਈ ਅਜਿਹੇ ਹੈਲਮੇਟ ਖਰੀਦ ਲੈਂਦੇ ਹਨ, ਜੋ ਦੁਰਘਟਨਾ ਤੋਂ ਬਾਅਦ ਦੋ ਪਹੀਆ ਵਾਹਨ ਸਵਾਰਾਂ ਦੀ ਜਾਨ ਬਚਾਉਣ ਦੀ ਬਜਾਏ ਹੋਰ ਨੁਕਸਾਨ ਕਰਦੇ ਹਨ। ਅੱਜ ਅਸੀਂ ਤੁਹਾਨੂੰ ਆਪਣੇ ਲਈ ਸਹੀ ਹੈਲਮੇਟ ਖਰੀਦਣ ਸਮੇ ਕੁਝ ਖਾਸ ਧਿਆਨ ਰੱਖਣ ਯੋਗ ਗੱਲਾਂ ਬਾਰੇ ਦੱਸ ਰਹੇ ਹਾਂ-
ਚੰਗੀ ਗੁਣਵੱਤਾ (Quality)
ਕਈ ਵਾਰ ਲੋਕ ਪੈਸੇ ਬਚਾਉਣ ਲਈ ਸਸਤੇ ਹੈਲਮੇਟ ਖਰੀਦ ਲੈਂਦੇ ਹਨ। ਇਸ ਦੇ ਨਾਲ ਦੁਰਘਟਨਾ ਦੌਰਾਨ ਹਲਕੇ ਕੁਆਲਿਟੀ ਦੇ ਹੈਲਮੇਟ ਜਲਦੀ ਟੁੱਟ ਜਾਂਦੇ ਹਨ, ਜਿਸ ਕਾਰਨ ਸੱਟ ਲੱਗਣ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਇਸ ਲਈ ISI ਮਾਰਕ ਵਾਲਾ ਚੰਗਾ ਹੈਲਮੇਟ ਖਰੀਦਣਾ ਹਮੇਸ਼ਾ ਬਿਹਤਰ ਹੁੰਦਾ ਹੈ।
ਸਾਈਜ਼
ਜਦੋਂ ਵੀ ਤੁਸੀਂ ਹੈਲਮੇਟ ਖਰੀਦਣ ਜਾਂਦੇ ਹੋ, ਹਮੇਸ਼ਾ ਇਸ ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ। ਇੱਕ ਵਾਰ ਜਦੋਂ ਤੁਸੀਂ ਗੁਣਵੱਤਾ ਤੋਂ ਸੰਤੁਸ਼ਟ ਹੋ ਜਾਂਦੇ ਹੋ, ਤਾਂ ਇਸਨੂੰ ਵੀ ਪਹਿਨਣ ਦੀ ਕੋਸ਼ਿਸ਼ ਕਰੋ ਕਿਉਕਿ ਹਰ ਵਿਅਕਤੀ ਦੇ ਸਿਰ ਦਾ ਆਕਾਰ ਵੱਖ-ਵੱਖ ਹੁੰਦਾ ਹੈ। ਇਸ ਲਈ ਜਦੋਂ ਵੀ ਤੁਸੀਂ ਹੈਲਮੇਟ ਖਰੀਦਦੇ ਹੋ, ਤਾਂ ਇਹ ਦੇਖਣ ਲਈ ਪਹਿਨੋ ਕਿ ਇਹ ਤੁਹਾਡੇ ਲਈ ਫਿੱਟ ਹੈ ਜਾਂ ਨਹੀਂ ਅਤੇ ਜੇਕਰ ਇਹ ਬਹੁਤ ਜ਼ਿਆਦਾ ਤੰਗ ਜਾਂ ਢਿੱਲਾ ਹੈ, ਤਾਂ ਹੋਰ ਹੈਲਮੇਟ ਲੈਣਾ ਬਿਹਤਰ ਹੈ।
ਹੈਲਮਟ ਦਾ ਸ਼ੀਸ਼ਾ
ਬਹੁਤ ਸਾਰੇ ਹੈਲਮੇਟ ਕਾਲੇ ਅਤੇ ਚਿੱਟੇ ਸ਼ੀਸ਼ਿਆਂ ਨਾਲ ਆਉਂਦੇ ਹਨ। ਜੇਕਰ ਤੁਸੀਂ ਹੈਲਮੇਟ ਖਰੀਦ ਰਹੇ ਹੋ ਤਾਂ ਇਸ ਦੇ ਸ਼ੀਸ਼ੇ ‘ਤੇ ਵੀ ਧਿਆਨ ਦਿਓ। ਜੇਕਰ ਤੁਸੀਂ ਦਿਨ ਵੇਲੇ ਦੋ ਪਹੀਆ ਵਾਹਨ ਚਲਾਉਂਦੇ ਹੋ ਤਾਂ ਤੁਸੀਂ ਫਿਲਮ ਮਾਊਂਟਡ ਹੈਲਮੇਟ ਲੈ ਸਕਦੇ ਹੋ। ਪਰ ਜ਼ਿਆਦਾਤਰ ਲੋਕ ਪਾਰਦਰਸ਼ੀ ਦਿੱਖ ਵਾਲੇ ਸ਼ੀਸ਼ੇ ਵਾਲਾ ਹੈਲਮੇਟ ਲੈਣਾ ਪਸੰਦ ਕਰਦੇ ਹਨ। ਇਸ ਦੇ ਨਾਲ ਹੀ ਸ਼ੀਸ਼ੇ ਦੀ ਗੁਣਵੱਤਾ ਦਾ ਸਹੀ ਹੋਣਾ ਜ਼ਰੂਰੀ ਹੈ।
ਸਟਾਈਲਿਸ਼ ਹੈਲਮੇਟ ਤੋਂ ਦੂਰ ਰਹੋ
ਅੱਜਕੱਲ੍ਹ ਬਜ਼ਾਰ ਵਿੱਚ ਕਈ ਤਰ੍ਹਾਂ ਦੇ ਹੈਲਮੇਟ ਉਪਲਬਧ ਹਨ। ਕੁਝ ਹੈਲਮੇਟ ਦੇਖ ਕੇ, ਉਨ੍ਹਾਂ ਨੂੰ ਖਰੀਦਣ ਦਾ ਮਨ ਕਰਦਾ ਹੈ। ਪਰ ਇਹ ਜ਼ਰੂਰੀ ਨਹੀਂ ਹੈ ਕਿ ਸਟਾਈਲਿਸ਼ ਹੈਲਮੇਟ ਨਾਲ ਸੁਰੱਖਿਆ ਵੀ ਪੂਰੀ ਹੋਵੇ। ਇਸ ਲਈ ਸਟਾਈਲਿਸ਼ ਹੈਲਮੇਟ ਦੀ ਬਜਾਏ, ਉਹੀ ਹੈਲਮੇਟ ਖਰੀਦਣਾ ਬਿਹਤਰ ਹੈ ਜੋ ਤੁਹਾਡੇ ਸਿਰ ਅਤੇ ਮੂੰਹ ਨੂੰ ਪੂਰੀ ਤਰ੍ਹਾਂ ਨਾਲ ਢੱਕ ਸਕਦਾ ਹੋਵੇ।