ਜਸਟਿਸ ਡੀ.ਵਾਈ ਚੰਦਰਚੂੜ ਨੇ ਸ਼ਨਿਚਰਵਾਰ ਨੂੰ ਭਾਰਤ ਦੀ ਪਹਿਲੀ ਪੇਪਰ ਰਹਿਤ ਅਦਾਲਤ ਦਾ ਉਦਘਾਟਨ ਕੀਤਾ। ਕੇਰਲ ਹਾਈਕੋਰਟ ਭਾਰਤ ਦੀ ਪਹਿਲੀ ਪੇਪਰ ਰਹਿਤ ਅਦਾਲਤ ਬਣ ਗਈ ਹੈ। ਡੀਵਾਈ ਚੰਦਰਚੂੜ ਨੇ ਕਿਹਾ ਕਿ ਅਦਾਲਤ ਇਕ ਸੇਵਾ ਹੈ ਜੋ ਸੂਬੇ ਵੱਲੋਂ ਆਪਣੇ ਸਾਰੇ ਨਾਗਰਿਕਾਂ ਨੂੰ ਮੁਹੱਈਆ ਕੀਤੀ ਜਾਂਦੀ ਹੈ ਤੇ ਈ-ਫਾਈਲਿੰਗ ਤੇ ਕਾਗਜ਼ ਰਹਿਤ ਅਦਾਲਤਾਂ ਨਿਆਂ ਦੇ ਵਿਕੇਂਦਰੀਕਰਨ ਦੀ ਦਿਸ਼ਾ ਵਿਚ ਇਕ ਮਹੱਤਵਪੂਰਨ ਕਦਮ ਹੈ।
ਚੰਦਰਚੂੜ ਨੇ ਕਿਹਾ ਕਿ ਕੇਰਲ ਹਾਈ ਕੋਰਟ ਵਿੱਚ ਅੱਜ ਸਾਡੀਆਂ ਪਹਿਲਕਦਮੀਆਂ ਇਸ ਗੱਲ ‘ਤੇ ਜ਼ੋਰ ਦਿੰਦੀਆਂ ਹਨ ਕਿ ਦਸਤਾਵੇਜ਼ਾਂ ਦੀ ਈ-ਫਾਈਲਿੰਗ ਵਕੀਲਾਂ ਲਈ ਵਧੇਰੇ ਸੁਵਿਧਾਜਨਕ ਹੋਵੇਗੀ। ਇਸ ਦੇ ਨਾਲ ਹੀ ਚੰਦਰਚੂੜ ਨੇ ਮੁੱਖ ਮੰਤਰੀ ਨੂੰ ਇਹ ਯਕੀਨੀ ਬਣਾਉਣ ਦੀ ਅਪੀਲ ਕੀਤੀ ਕਿ ਸੂਬਾ ਹੁਣ ਸਾਰੇ ਮੁਕੱਦਮਿਆਂ ‘ਚ ਈ-ਫਾਈਲਿੰਗ ਪ੍ਰਦਾਨ ਕਰਨਾ ਲਾਜ਼ਮੀ ਬਣਾਏ ਅਤੇ ਸੂਬੇ ਵਿੱਚ ਸੁਚਾਰੂ ਢੰਗ ਨਾਲ ਸ਼ੁਰੂ ਕੀਤਾ ਜਾਵੇ।
ਜ਼ਿਕਰਯੋਗ ਹੈ ਕਿ ਅੱਜ ਛੇ ਅਦਾਲਤੀ ਕਮਰੇ ਪੂਰੀ ਤਰ੍ਹਾਂ ਕਾਗਜ਼ ਰਹਿਤ ਹੋ ਗਏ ਹਨ। ਅਦਾਲਤ ਦਾ ਹਰ ਇੱਕ ਕਮਰਾ ਦੋ ਮਹੀਨਿਆਂ ਵਿੱਚ ਪੂਰੀ ਤਰ੍ਹਾਂ ਸਮਾਰਟ ਬਣਾ ਦਿੱਤਾ ਜਾਵੇਗਾ .