ਏਅਰਲਾਈਨ ਸਟਾਫ਼ ਵਿੱਚ ਕੋਵਿਡ-19 ਕੇਸਾਂ ਦੀ ਪੁਸ਼ਟੀ ਦੇ ਨਾਲ-ਨਾਲ ਖ਼ਰਾਬ ਮੌਸਮ ਦੇ ਚਲਦਿਆ ਅਮਰੀਕਾ ਵਿਚ ਪਿਛਲੇ 24 ਘੰਟਿਆਂ ਵਿਚ 2000 ਦੇ ਕਰੀਬ ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਬੀਤੇ ਹਫ਼ਤੇ ਵਿੱਚ ਰੱਦ ਹੋਣ ਵਾਲੀਆਂ ਉਡਾਣਾਂ ਦੀ ਕੁੱਲ ਗਿਣਤੀ 12,000 ਤੋਂ ਵੱਧ ਦਰਜ਼ ਕੀਤੀ ਗਈ ਹੈ। FlightAware ਦੇ ਅਨੁਸਾਰ ਐਤਵਾਰ ਸਵੇਰੇ 8:30 ਵਜੇ ਤੱਕ ਅਮਰੀਕਾ ਦੇ ਅੰਦਰ ਜਾਂ ਬਾਹਰ ਕੁੱਲ 1,956 ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਗਿਆ, ਜਦੋਂ ਕਿ 870 ਉਡਾਣਾਂ ਵਿਚ ਦੇਰੀ ਹੋਈ।
ਦਿ ਹਿੱਲ ਅਨੁਸਾਰ, ਦੱਖਣ-ਪੱਛਮ ਵਿਚ 264 ਉਡਾਣਾਂ ਰੱਦ ਹੋਈਆਂ, ਜੈੱਟਬਲੂ ਨੇ 169 ਰੱਦ ਉਡਾਣਾਂ ਦੀ ਸੂਚਨਾ ਦਿੱਤੀ ਅਤੇ ਡੈਲਟਾ ਨੇ 161 ਉਡਾਣਾਂ ਰੱਦ ਕੀਤੀਆਂ। ਉਥੇ ਹੀ ਅਮਰੀਕਨ ਏਅਰਲਾਈਨਜ਼ ਨੇ 136 ਉਡਾਣਾਂ ਰੱਦ ਕੀਤੀਆਂ, ਜਦੋਂਕਿ ਯੂਨਾਈਟਿਡ ਨੇ 94 ਉਡਾਣਾਂ ਨੂੰ ਰੱਦ ਕੀਤਾ। ਅਮਰੀਕਾ ਵਿਚ ਕੋਵਿਡ -19 ਦੇ ਮਾਮਲਿਆਂ ਵਿਚ ਵਾਧੇ ਦੇ ਮੱਦੇਨਜ਼ਰ ਵੱਡੀ ਗਿਣਤੀ ਵਿਚ ਉਡਾਣਾਂ ਰੱਦ ਹੋ ਰਹੀਆਂ ਹਨ।
