ਮੱਧ ਪ੍ਰਦੇਸ਼ ਦੇ ਛਤਰਪੁਰ ਦੇ ਛੋਟੇ ਛੋਟੇ ਪਿੰਡਾਂ ‘ਚ ਦਰਬਾਰ ਲਗਾਉਣ ਵਾਲੇ ਧੀਰੇਂਦਰ ਕ੍ਰਿਸ਼ਨ ਸ਼ਾਸਤਰੀ ਦੀ ਚਰਚਾ ਇਸ ਸਮੇਂ ਦੇਸ਼ ਦੇ ਹਰ ਕੋਨੇ ‘ਚ ਹੋ ਰਹੀ ਹੈ। ਬਾਗੇਸ਼ਵਰ ਧਾਮ ਦੇ ਮੁਖੀ ਧੀਰੇਂਦਰ ਸ਼ਾਸਤਰੀ ਆਪਣੇ ‘ਚਮਤਕਾਰ’ ਦਾਅਵਿਆਂ ਅਤੇ ਵਿਵਾਦਿਤ ਬਿਆਨਾਂ ਕਾਰਨ ਸੁਰਖੀਆਂ ‘ਚ ਰਹੇ ਹਨ। ਲੋਕ ਉਨ੍ਹਾਂ ਦੇ ਜੀਵਨ ਨਾਲ ਜੁੜੇ ਤੱਥਾਂ ਨੂੰ ਦਿਲਚਸਪੀ ਨਾਲ ਖੰਗਾਲ ਰਹੇ ਹਨ। ਇਸ ਦੌਰਾਨ ਇੱਕ ਟੀਵੀ ਇੰਟਰਵਿਊ ਵਿੱਚ ਧੀਰੇਂਦਰ ਸ਼ਾਸਤਰੀ ਨੇ ਕਈ ਦਿਲਚਸਪ ਗੱਲਾਂ ਦਾ ਖੁਲਾਸਾ ਕੀਤਾ ਹੈ।
ਇਕ ਇੰਟਰਵਿਊ ਦੌਰਾਨ ਧੀਰੇਂਦਰ ਸ਼ਾਸਤਰੀ ਨੂੰ ਪੁੱਛਿਆ ਗਿਆ ਕਿ ਤੁਸੀਂ ਕਿੰਨੀ ਕਮਾਈ ਕਰਦੇ ਹੋ? ਸਵਾਲ ਦਾ ਜਵਾਬ ਦਿੰਦੇ ਹੋਏ, ਉਨ੍ਹਾਂ ਕਿਹਾ, “ਸਾਡੀ ਕੋਈ ਫਿਕਸ ਆਮਦਨ ਨਹੀਂ ਹੈ ਕਿਉਂਕਿ ਸਾਡੀ ਕੋਈ ਕੰਪਨੀ ਜਾਂ ਕਾਰੋਬਾਰ ਨਹੀਂ ਹੈ। ਬਸ ਓਹੀ ਕੁਝ ਹੈ ਜੋ ਲੋਕ ਚੜਾ ਜਾਂਦੇ ਹਨ। ਸਾਡੇ ਕੋਲ ਕਰੋੜਾਂ ਸਨਾਤਨੀਆਂ ਦਾ ਪਿਆਰ ਹੈ, ਲੱਖਾਂ ਕਰੋੜਾਂ ਲੋਕਾਂ ਦੀਆ ਦੁਆਵਾਂ ਹਨ । ਸਾਡੇ ਕੋਲ ਹਜ਼ਾਰਾਂ ਸੰਤਾਂ ਦੀ ਬਖਸ਼ਿਸ਼ ਹੈ, ਇਹ ਸਾਡੀ ਕਮਾਈ ਹੈ। ਜਿੰਨੇ ਸਨਾਤਨੀ,ਓਨੀ ਕਮਾਈ, ਤੁਸੀਂ ਆਪ ਹੀ ਹਿਸਾਬ ਲਗਾ ਲਓ।”
ਉਨ੍ਹਾਂ ਇਹ ਵੀ ਕਿਹਾ, “ਕੁਝ ਲੈਣਾ ਮਾੜਾ ਨਹੀਂ ਹੈ, ਉਪਯੋਗਤਾ ਮਾੜੀ ਹੈ।ਅਸੀਂ ਲੈਂਦੇ ਹਾਂ, ਜੇ ਕੋਈ ਦਿੰਦਾ ਹੈ, ਅਸੀਂ ਗੁਰੂ ਵਜੋਂ ਸਵੀਕਾਰ ਕਰਦੇ ਹਾਂ। ਅਸੀਂ ਉਸ ਪਰੰਪਰਾ ਨਾਲ ਸਬੰਧਤ ਹਾਂ, ਜਿੱਥੇ ਗੁਰੂ ਨੂੰ ਅੰਗੂਠਾ ਵੀ ਦਾਨ ਕੀਤਾ ਜਾਂਦਾ ਹੈ। ਅਸੀਂ ਵੀ ਲੈਂਦੇ ਹਾਂ।”