ਹਿਮਾਚਲ ਪ੍ਰਦੇਸ਼ ਵਿੱਚ ਵੀਵੀਆਈਪੀ ਨੰਬਰ ਵਾਲੀ 70,000 ਰੁਪਏ ਦੀ ਸਕੂਟੀ ਲਈ 1.12 ਕਰੋੜ ਰੁਪਏ ਦੀ ਬੋਲੀ ਲਗਾਈ ਗਈ ਹੈ। HP99-9999 ਨੰਬਰ ਦੀ ਇੰਨੀ ਉੱਚੀ ਬੋਲੀ ਪਹਿਲੀ ਵਾਰ ਲੱਗੀ ਹੈ ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਬਿਨੈਕਾਰ ਕੌਣ ਹੈ। ਹਾਲਾਂਕਿ ਬੋਲੀ ਅਜੇ ਤੈਅ ਹੋਣੀ ਬਾਕੀ ਹੈ ਪਰ ਇਕ ਵਾਹਨ ਦੇ ਨੰਬਰ ਲਈ ਕਰੋੜਾਂ ਦੀ ਬੋਲੀ ਲਗਾਉਣ ਦਾ ਮਾਮਲਾ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇੰਨੇ ਪੈਸਿਆਂ ਦੀ ਬੋਲੀ ਤੋਂ ਪ੍ਰਸ਼ਾਸਨ ਦੇ ਅਧਿਕਾਰੀ ਵੀ ਹੈਰਾਨ ਹਨ।
ਐਸਡੀਐਮ ਕੋਟਖਾਈ ਚੇਤਨਾ ਖਡਵਾਲ ਦਾ ਕਹਿਣਾ ਹੈ ਕਿ ਆਨਲਾਈਨ ਪੋਰਟਲ ਨਹੀਂ ਖੁੱਲ੍ਹ ਰਿਹਾ ਹੈ। ਅਜਿਹੇ ‘ਚ ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇੰਨੀ ਬੋਲੀ ਲਗਾਉਣ ਵਾਲਾ ਕੌਣ ਹੈ। ਟਰਾਂਸਪੋਰਟ ਵਿਭਾਗ ਦਾ ਇਹ ਆਨਲਾਈਨ ਪੋਰਟਲ ਸ਼ੁੱਕਰਵਾਰ ਸ਼ਾਮ 5 ਵਜੇ ਬੰਦ ਹੋ ਜਾਵੇਗਾ। ਆਰਐਲਏ ਕੋਟਖਾਈ ਵਿੱਚ ਹੁਣ ਤੱਕ ਕੁੱਲ 26 ਲੋਕਾਂ ਨੇ ਇਸ ਨੰਬਰ ਲਈ ਅਪਲਾਈ ਕੀਤਾ ਹੈ। ਨੰਬਰ ਲੈਣ ਲਈ ਰਾਖਵਾਂ ਇਨਾਮ ਇੱਕ ਹਜ਼ਾਰ ਰੁਪਏ ਰੱਖਿਆ ਗਿਆ ਹੈ।