ਮਸ਼ਹੂਰ ਟੀਵੀ ਅਦਾਕਾਰ ਸਿਧਾਰਥ ਸ਼ੁਕਲਾ ਦੀ ਮੌਤ, ਸਿਡਨਾਜ਼ ਦੇ ਫੈਨਜ਼ ਨੂੰ ਲਈ ਬਹੁਤ ਹੀ ਦਰਦਨਾਕ ਸੀ। ਲਗਭਗ ਕਈ ਮਹੀਨੇ ਬੀਤ ਜਾਣ ਤੋਂ ਬਾਅਦ ਸਿਡਨਾਜ਼ ਫੈਨਜ਼ ਉਦੋਂ ਖੁਸ਼ ਹੋਏ ਜਦੋਂ ਇੱਕ ਦੋਸਤ ਦੇ ਵਿਆਹ ਮੌਕੇ ਸ਼ਹਿਨਾਜ਼ ਹੱਸਦੀ ਹੋਈ ਨਜ਼ਰ ਆਈ।ਸਿਧਾਰਥ ਦੇ ਜਾਣ ਤੋਂ ਬਾਅਦ ਸ਼ਹਿਨਾਜ਼ ਨੇ ਖੁਸ਼ ਰਹਿਣਾ ਕਿਵੇਂ ਸਿਖਿਆ ਲੋਕ ਇਹ ਜਾਨਣ ਲਈ ਬਹੁਤ ਉਤਸ਼ਾਹਿਤ ਹਨ। ਸਿਧਾਰਥ ਦੇ ਜਾਣ ਤੋਂ ਬਾਅਦ ਸ਼ਹਿਨਾਜ਼ ਦੀ ਜ਼ਿੰਦਗੀ ਹੌਲੀ-ਹੌਲੀ ਮੁੜ ਲੀਹ ‘ਤੇ ਆ ਰਹੀ ਹੈ। ਸ਼ਹਿਨਾਜ਼ ਗਿੱਲ ਨੇ ਆਪਣੇ ਯੂਟਿਊਬ ਚੈਨਲ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ‘ਚ ਉਸ ਨੇ ਆਪਣੇ ਖਾਸ ਦੋਸਤ ਸਿਧਾਰਥ ਸ਼ੁਕਲਾ ਨੂੰ ਯਾਦ ਕੀਤਾ ਹੈ। ਉਨ੍ਹਾਂ ਨੇ ਬ੍ਰਹਮਾ ਕੁਮਾਰੀ ਬੀ.ਕੇ.ਸ਼ਿਵਾਨੀ ਨਾਲ ਇਹ ਸਾਰੀਆਂ ਗੱਲਾਂ ਸਾਂਝੀਆਂ ਕੀਤੀਆਂ।
ਸ਼ਹਿਨਾਜ਼ ਦਾ ਇਹ ਵੀਡੀਓ ਹੁਣ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। ਜ਼ਿੰਦਗੀ ਬਾਰੇ ਇਸ ਖ਼ਾਸ ਚਰਚਾ ਨੂੰ ਉਸ ਨੇ ਆਪਣੇ ਯੂਟਿਊਬ ਚੈਨਲ ਅਤੇ ਇੰਸਟਾ ਸਟੋਰੀ ‘ਤੇ ਸ਼ੇਅਰ ਕੀਤਾ ਹੈ।ਇਸ ਖ਼ਾਸ ਚਰਚਾ ਦੇ ਦੌਰਾਨ ਬ੍ਰਹਮਕੁਮਾਰੀ ਦੀਦੀ ਸ਼ਿਵਾਨੀ ਤੇ ਸ਼ਹਿਨਾਜ਼ ਵਿਚਾਲੇ ਪਹਿਲੀ ਵਾਰ ਸਿਧਾਰਥ ਬਾਰੇ ਗੱਲਬਾਤ ਹੋਈ। ਇਸ ਦੌਰਾਨ ਸ਼ਹਿਨਾਜ਼ ਨੇ ਸਿਧਾਰਥ ਨੂੰ ਲੈ ਕੇ ਆਪਣੇ ਪੌਜ਼ੀਟਿਵ ਵਿਚਾਰ ਖੁੱਲ੍ਹ ਕੇ ਰੱਖੇ। ਸਿਧਾਰਥ ਸ਼ੁਕਲਾ ਨੂੰ ਯਾਦ ਕਰਦੇ ਹੋਏ ਸ਼ਹਿਨਾਜ਼ ਨੇ ਕਿਹਾ, ‘ਮੈਂ ਅਕਸਰ ਸੋਚਦੀ ਹਾਂ ਕਿ ਉਸ ਰੂਹ ਨੇ ਮੈਨੂੰ ਇੰਨਾ ਗਿਆਨ ਕਿਵੇਂ ਦਿੱਤਾ।
ਮੈਂ ਪਹਿਲਾਂ ਲੋਕਾਂ ਦਾ ਵਿਸ਼ਲੇਸ਼ਣ ਨਹੀਂ ਕਰ ਸਕਦੀ ਸੀ. ਮੇਰੇ ਅੰਦਰ ਬਹੁਤ ਆਤਮ ਵਿਸ਼ਵਾਸ ਸੀ ਅਤੇ ਮੈਂ ਉਸ ਸਮੇਂ ਸੱਚਮੁੱਚ ਬਹੁਤ ਮਾਸੂਮ ਸੀ, ਪਰ ਉਸ ਵਿਅਕਤੀ ਨੇ ਮੈਨੂੰ ਜ਼ਿੰਦਗੀ ਵਿੱਚ ਬਹੁਤ ਕੁਝ ਸਿਖਾਇਆ। ਪ੍ਰਮਾਤਮਾ ਨੇ ਮੇਰੀ ਉਸ ਰੂਹ ਨਾਲ ਜਾਣ-ਪਛਾਣ ਕਰਵਾਈ ਅਤੇ ਸਾਨੂੰ ਦੋਸਤ ਬਣਾ ਕੇ ਰੱਖਿਆ ਤਾਂ ਜੋ ਉਹ ਮੈਨੂੰ ਜ਼ਿੰਦਗੀ ਵਿੱਚ ਕੁਝ ਸਿਖਾ ਸਕੇ। ਸ਼ਹਿਨਾਜ਼ ਗਿੱਲ ਅੱਗੇ ਕਹਿੰਦੀ ਹੈ, ‘ਸਾਡਾ ਸਫ਼ਰ ਅਜੇ ਜਾਰੀ ਹੈ, ਉਸ ਦਾ ਸਫ਼ਰ ਪੂਰਾ ਹੋ ਗਿਆ ਹੈ। ਉਸਦਾ ਰੂਪ ਬਦਲ ਗਿਆ ਹੈ ਪਰ, ਉਹ ਮੁੜ ਇਸ ਰੂਪ ਵਿੱਚ ਆ ਗਿਆ ਹੈ। ਸ਼ਹਿਨਾਜ਼ ਅੱਗੇ ਕਹਿੰਦੀ ਹੈ ਕਿ ਜਦੋਂ ਕੋਈ ਛੱਡ ਜਾਂਦਾ ਹੈ ਤਾਂ ਰੋਣ ਨਾਲ ਦਰਦ ਵਧਦਾ ਹੈ, ਘੱਟ ਨਹੀਂ ਹੁੰਦਾ।
