ਬਾਲੀਵੁੱਡ ਅਭਿਨੇਤਾ ਅਰਜੁਨ ਕਪੂਰ ਆਪਣੀ ਭੈਣ ਅੰਸ਼ੁਲਾ ਕਪੂਰ ‘ਤੇ ਜਾਨ ਛਿੜਕਦੇ ਹਨ। ਉਸ ਦੇ ਹਰ ਕੰਮ ਵਿੱਚ ਅਦਾਕਾਰ ਦਾ ਬਹੁਤ ਸਹਿਯੋਗ ਹੁੰਦਾ ਹੈ। ਅਰਜੁਨ ਕਪੂਰ ਨੂੰ ਕਈ ਵਾਰ ਭੈਣ ਅੰਸ਼ੁਲਾ ‘ਤੇ ਪਿਆਰ ਦੀ ਵਰਖਾ ਕਰਦੇ ਦੇਖਿਆ ਗਿਆ ਹੈ। ਹੁਣ ਅਰਜੁਨ ਕਪੂਰ ਭੈਣ ਅੰਸ਼ੁਲਾ ਕਪੂਰ ਲਈ ਚੀਅਰਲੀਡਰ ਬਣ ਗਏ ਹਨ। ਲੈਕਮੇ ਫੈਸ਼ਨ ਵੀਕ ਤੋਂ ਅੰਸ਼ੁਲਾ ਅਤੇ ਅਰਜੁਨ ਕਪੂਰ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਨੂੰ ਦੇਖ ਕੇ ਤੁਹਾਡਾ ਦਿਲ ਮੋਮ ਦੀ ਤਰ੍ਹਾਂ ਪਿਘਲ ਜਾਵੇਗਾ। ਲੈਕਮੇ ਫੈਸ਼ਨ ਵੀਕ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਅੰਸ਼ੁਲਾ ਕਪੂਰ ਲੈਕਮੇ ਫੈਸ਼ਨ ਵੀਕ ਵਿੱਚ ਰੈਂਪ ਵਾਕ ਕਰਦੀ ਨਜ਼ਰ ਆ ਰਹੀ ਹੈ ਅਤੇ ਅਰਜੁਨ ਕਪੂਰ ਉਸਨੂੰ ਚੀਅਰ ਕਰਦੇ ਹੋਏ ਨਜ਼ਰ ਆ ਰਹੇ ਹਨ।
ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅੰਸ਼ੁਲਾ ਕਪੂਰ ਨੇ ਸ਼ੀਅਰ ਕਾਰਸੈਟ ਟਾਪ ਪਾਇਆ ਹੋਇਆ ਹੈ, ਜਿਸ ਨੂੰ ਉਸ ਨੇ ਹਾਈ ਸਲਿਟ ਸਕਰਟ ਨਾਲ ਪੇਅਰ ਕੀਤਾ ਹੈ। ਇਸ ਲੁੱਕ ‘ਚ ਉਹ ਬੇਹੱਦ ਖੂਬਸੂਰਤ ਅਤੇ ਗਲੈਮਰਸ ਲੱਗ ਰਹੀ ਹੈ। ਅੰਸ਼ੁਲਾ ਰੈਂਪ ‘ਤੇ ਸ਼ਾਨਦਾਰ ਢੰਗ ਨਾਲ ਚਲਦੀ ਨਜ਼ਰ ਆ ਰਹੀ ਹੈ। ਦੂਜੇ ਪਾਸੇ ਅਰਜੁਨ ਕਪੂਰ ਅੰਸ਼ੁਲਾ ਲਈ ਤਾੜੀਆਂ ਵਜਾਉਂਦੇ ਨਜ਼ਰ ਆ ਰਹੇ ਹਨ। ਜਦੋਂ ਅੰਸ਼ੁਲਾ ਕਪੂਰ ਰੈਂਪ ‘ਤੇ ਵਾਪਿਸ ਆਉਂਦੀ ਹੈ ਤਾਂ ਅਰਜੁਨ ਕਪੂਰ ਖੜ੍ਹੇ ਹੋ ਕੇ ਤਾੜੀਆਂ ਮਾਰਦੇ ਹਨ। ਲੈਕਮੇ ਫੈਸ਼ਨ ਵੀਕ ਈਵੈਂਟ ਦਾ ਇਹ ਵੀਡੀਓ ਇੰਟਰਨੈੱਟ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਦੱਸਣਯੋਗ ਹੈ ਕਿ ਅੰਸ਼ੁਲਾ ਕਪੂਰ ਨੇ ਕੁਝ ਸਮਾਂ ਪਹਿਲਾਂ ਆਪਣੇ ਟਰਾਂਸਫਾਰਮੇਸ਼ਨ ਨਾਲ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਅੰਸ਼ੁਲਾ ਕਪੂਰ ਨੂੰ ਅਕਸਰ ਜ਼ਿਆਦਾ ਭਾਰ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਟ੍ਰੋਲ ਕੀਤਾ ਜਾਂਦਾ ਸੀ।
