ਜੇਕਰ ਤੁਸੀਂ ਟਰੇਨ ‘ਚ ਕਿਤੇ ਜਾਣ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ। ਭਾਰਤੀ ਰੇਲਵੇ ਮੁਤਾਬਕ ਰੇਲਵੇ ਰਿਜ਼ਰਵੇਸ਼ਨ ਸਿਸਟਮ ਪੰਜ ਘੰਟੇ ਲਈ ਬੰਦ ਰਹੇਗਾ। ਯਾਨੀ ਰਿਜ਼ਰਵੇਸ਼ਨ ਸਿਸਟਮ 11 ਮਾਰਚ ਰਾਤ ਨੂੰ 11:45 ਵਜੇ ਤੋਂ 12 ਮਾਰਚ ਨੂੰ ਸਵੇਰੇ 4:45 ਵਜੇ ਤੱਕ ਕੰਮ ਨਹੀਂ ਕਰੇਗਾ। ਇਸ ਦੌਰਾਨ ਟਿਕਟ ਬੁਕਿੰਗ ਸਮੇਤ ਕਈ ਹੋਰ ਸੇਵਾਵਾਂ ਬੰਦ ਰਹਿਣਗੀਆਂ। ਮੀਡੀਆ ਰਿਪੋਰਟਾਂ ਅਨੁਸਾਰ, ਡੇਟਾਬੇਸ ਕੰਪਰੈਸ਼ਨ ਲਈ ਯਾਤਰੀ ਰਿਜ਼ਰਵੇਸ਼ਨ ਸਿਸਟਮ ਨੂੰ ਬੰਦ ਰੱਖਿਆ ਜਾਵੇਗਾ।
ਪੈਸੰਜਰ ਰਿਜ਼ਰਵੇਸ਼ਨ ਸਿਸਟਮ (ਪੀਆਰਐਸ) ਦੇ ਬੰਦ ਹੋਣ ਕਾਰਨ ਆਨਲਾਈਨ ਟਿਕਟ ਬੁਕਿੰਗ, ਆਨਲਾਈਨ ਰਿਟਾਇਰਿੰਗ ਰੂਮ ਬੁਕਿੰਗ ਅਤੇ ਪੁੱਛਗਿੱਛ ਵਰਗੀਆਂ ਸਾਰੀਆਂ ਮਹੱਤਵਪੂਰਨ ਸੇਵਾਵਾਂ ਪ੍ਰਭਾਵਿਤ ਹੋਣਗੀਆਂ। ਜੇਕਰ ਸਿਸਟਮ ਪੰਜ ਘੰਟਿਆਂ ਲਈ ਬੰਦ ਹੈ ਤਾਂ ਕਿਸੇ ਵੀ ਅਸੁਵਿਧਾ ਤੋਂ ਬਚਣ ਲਈ ਪਹਿਲਾਂ ਤੋਂ ਯੋਜਨਾ ਬਣਾਓ। ਦੱਸ ਦਈਏ ਕਿ 11:45 ਵਜੇ ਤੋਂ ਅਗਲੇ ਦਿਨ ਸਵੇਰੇ 4:45 ਵਜੇ ਤੱਕ, ਯਾਤਰੀ ਰਿਜ਼ਰਵੇਸ਼ਨ ਸਿਸਟਮ ਅਸਥਾਈ ਤੌਰ ‘ਤੇ ਬੰਦ ਰਹੇਗਾ। ਇਸ ਦੌਰਾਨ, ਆਈਵੀਆਰਐਸ/ਟਚ ਸਕਰੀਨ, ਕਾਲ ਸੈਂਟਰ (ਪੁੱਛਗਿੱਛ ਨੰਬਰ 139) ਰਾਹੀਂ ਕਿਸੇ ਵੀ ਰੇਲਗੱਡੀ ਨਾਲ ਸਬੰਧਤ ਜਾਣਕਾਰੀ ਪ੍ਰਾਪਤ ਕਰਨ ਵਿੱਚ ਸਮੱਸਿਆ ਹੋ ਸਕਦੀ ਹੈ।