ਅਮਰ ਸਿੰਘ ਚਮਕੀਲਾ ਦੀ ਬਾਇਓਪਿਕ ਲਈ ਇਮਤਿਆਜ਼ ਅਲੀ ਤੇ ਏਆਰ ਰਹਿਮਾਨ ਨਾਲ ਕੰਮ ਕਰਨ ਵਾਲੇ ਦਿਲਜੀਤ ਦੋਸਾਂਝ ਸਿਰਫ ਫਿਲਮ ਕਰਕੇ ਸੁਰਖੀਆਂ ਬਟੋਰ ਰਹੇ ਹਨ। ਜਿਵੇਂ ਕਿ ਅਸੀਂ ਸ਼ੂਟ ਦੀਆਂ ਬਹੁਤ ਸਾਰੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਇੰਟਰਨੈਟ ‘ਤੇ ਵੇਖੀਆਂ ਤੇ ਵੱਡੀ ਖ਼ਬਰ ਹੈ ਕਿ ਫਿਲਮ ਦੀ ਸ਼ੂਟਿੰਗ ਪੂਰੀ ਹੋ ਗਈ ਹੈ। ਇਸੇ ਦੌਰਾਨ ਵੱਡੀ ਖ਼ਬਰ ਜੋ ਹੁਣ ਸਾਹਮਣੇ ਆਈ ਹੈ ਉਹ ਫਿਲਮ ਦੀ ਰਿਲੀਜ਼ ਨਾਲ ਜੁੜੀ ਹੈ। ਦੱਸ ਦਈਏ ਕਿ ਪੰਜਾਬੀ ਸਿੰਗਰ ਅਮਰ ਸਿੰਘ ਚਮਕੀਲਾ ਦੀ ਬਾਇਓਪਿਕ ‘ਤੇ ਆਧਾਰਿਤ ਆਉਣ ਵਾਲੀ ਫਿਲਮ OTT ਪਲੇਟਫਾਰਮ ‘ਤੇ ਰਿਲੀਜ਼ ਹੋ ਸਕਦੀ ਹੈ।
ਜੀ ਹਾਂ, ਹਾਲ ਹੀ ਦੀਆਂ ਵਾਇਰਲ ਰਿਪੋਰਟਾਂ ਤੋਂ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਇਮਤਿਆਜ਼ ਅਲੀ ਦੇ ਡਾਈਰੈਕਸ਼ਨ ਵਿੱਚ ਥੀਏਟਰਿਕ ਰਿਲੀਜ਼ ਦੀ ਬਜਾਏ ਨੈੱਟਫਲਿਕਸ ‘ਤੇ ਸਟ੍ਰੀਮ ਹੋਵੇਗੀ। ਇਹੀ ਨਹੀਂ, ਰਿਪੋਰਟਾਂ ਦੀ ਮੰਨਿਏ ਤਾਂ ਫਿਲਮ ਅਸਲ ਵਿੱਚ ਨੈੱਟਫਲਿਕਸ ਰਿਲੀਜ਼ ਲਈ ਬਣਾਈ ਗਈ ਸੀ। ਹੁਣ ਸਭ ਦੀਆਂ ਨਜ਼ਰਾਂ ਓਫੀਸ਼ੀਅਲ ਬਿਆਨਾਂ ‘ਤੇ ਟਿਕੀਆਂ ਹੋਈਆਂ ਹਨ। ਉਮੀਦ ਹੈ ਕਿ ਨਿਰਮਾਤਾ ਇਸ ਬਾਰੇ ਜ਼ਿਆਦਾ ਇੰਤਜ਼ਾਰ ਨਹੀਂ ਕਰਵਾਉਣਗੇ। ਇਸ ਪ੍ਰੋਜੈਕਟ ਦੀ ਗੱਲ ਕਰਿਏ ਤਾਂ ਇਮਤਿਆਜ਼ ਅਲੀ 2019 ਤੋਂ ਆਪਣੇ ਡਰੀਮ ਪ੍ਰੋਜੈਕਟ, ਚਮਕੀਲਾ ‘ਤੇ ਕੰਮ ਕਰ ਰਿਹਾ ਹੈ।
ਇਮਤਿਆਜ਼ ਆਪਣੀਆਂ ਰਾਕਸਟਾਰ, ਤਮਾਸ਼ਾ, ਤੇ ਜਬ ਹੈਰੀ ਮੇਟ ਸੇਜਲ, ਹਾਈਵੇਅ ਵਰਗੀਆਂ ਫਿਲਮਾਂ ਕਰਕੇ ਕਾਫੀ ਫੇਮਸ ਹੈ। ਦੱਸ ਦਈਏ ਕਿ ਚਮਕੀਲਾ ਦੇ ਪਰਿਵਾਰ ਵੱਲੋਂ ਉਸ ਦੀ ਜੀਵਨ ਕਹਾਣੀ ਨੂੰ ਵੱਡੇ ਪਰਦੇ ਲਈ ਢਾਲਣ ਲਈ ਮਨਜ਼ੂਰੀ ਦਿੱਤੀ ਗਈ। ਚਮਕੀਲਾ ਦੀ ਜੀਵਨੀ ਅਸਲੀਅਤ ਅਤੇ ਕਲਪਨਾ ਦਾ ਸੁਮੇਲ ਹੈ, ਅਤੇ ਉਸਦੇ ਸੱਚੇ ਪਿਆਰ, ਵਿਵਾਦਪੂਰਨ ਜੀਵਨ ਅਤੇ ਭਿਆਨਕ ਕਤਲ ‘ਤੇ ਕੇਂਦਰਿਤ ਹੈ, ਜੋ ਕਿ ਅਜੇ ਵੀ ਓਪਨ ਕੇਸ ਹੈ। ਦਿਲਜੀਤ ਦੋਸਾਂਝ ਤੇ ਪਰਿਣੀਤੀ ਚੋਪੜਾ ਵਰਗੇ ਨਾਮਵਰ ਕਲਾਕਾਰ ਫਿਲਮ ਲਈ ਇੱਕ ਦਰਜਨ ਤੋਂ ਵੱਧ ਗੀਤ ਇਸ ਫਿਲਮ ‘ਚ ਪੇਸ਼ ਕਰ ਰਹੇ ਹਨ।
