ਮੁੰਬਈ ਇੰਡੀਅੰਸ ਨੇ ਆਪਣੇ ਘਰੇਲੂ ਮੈਦਾਨ ਵਾਨਖੇੜੇ ਸਟੇਡੀਅਮ ’ਚ ਖੇਡੇ ਗਏ ਹਾਈ ਸਕੋਰਿੰਗ ਰੋਮਾਂਚਕ ਮੁਕਾਬਲੇ ’ਚ ਰਾਜਸਥਾਨ ਰਾਇਲਸ ’ਤੇ 6 ਵਿਕਟਾਂ ਨਾਲ ਸ਼ਾਨਦਾਰ ਜਿੱਤ ਦਰਜ ਕੀਤੀ। ਇਸ ਜਿੱਤ ਨਾਲ ਮੁੰਬਈ ਇੰਡੀਅੰਸ ਨੇ ਟਾਟਾ ਆਈਪੀਐਲ 2023 ਦੇ ਪਲੇਆਫ ’ਚ ਖੇਡਣ ਦੀ ਆਪਣੀ ਉਮੀਦ ਜਿੰਦਾ ਰੱਖੀ। ਯਸ਼ਸਵੀ ਜਾਇਸਵਾਲ ਨੇ ਪਹਿਲੀ ਪਾਰੀ ’ਚ 124 ਰਨ (62 ਬਾਲਾਂ, 16X4, 8X6) ਬਣਾ ਕੇ ਇਸ ਸੀਜਨ ਦਾ ਟਾਪ ਸਕੋਰ ਬਣਾ ਕੇ ਰਾਇਲਸ ਨੂੰ ਅਵਿਸ਼ਵਾਸਯੋਗ ਸ਼ੁਰੂਆਤ ਦਿੱਤੀ ਅਤੇ ਨਾਲ ਹੀ ਇਸ ਧਮਾਕੇਦਾਰ ਪਾਰੀ ਨਾਲ ਓਰੇਂਜ ਕੈਪ ਵੀ ਹਾਸਲ ਕੀਤੀ। ਆਰਆਰ ਨੇ ਮੁੰਬਈ ਦੇ ਸਾਹਮਣੇ 213 ਰਨਾਂ ਦਾ ਮਜਬੂਤ ਟਾਰਗੇਟ ਰੱਖਿਆ, ਜਿਸਨੂੰ ਐਮਆਈ ਨੇ ਸੂਰਿਆਕੁਮਾਰ ਯਾਦਵ ਦੀ 55 ਰਨਾਂ (29 ਬਾਲਾਂ, 8X4, 2X6) ਦੀ ਪਾਰੀ ਅਤੇ ਟਿਮ ਡੇਵਿਡ ਦੇ ਮੈਚ ਜਿਤਾਊ ਪ੍ਰਦਰਸ਼ਨ ਨਾਲ ਹਾਸਲ ਕਰ ਲਿਆ। ਡੇਵਿਡ ਨੇ ਸਿਰਫ 14 ਬਾਲਾਂ (2X4, 5X6) ’ਚ ਨਾਬਾਦ 45 ਰਨ ਬਣਾਏ।
ਇਸ ਹਾਰ ਦੇ ਬਾਵਜੂਦ ਯਸ਼ਸਵੀ ਜਾਇਸਵਾਲ ਨੇ 124 ਰਨਾਂ ਦੀ ਪਾਰੀ ਖੇਡ ਕੇ ਨਾ ਸਿਰਫ ਆਪਣਾ ਪਹਿਲਾ ਟਾਟਾ ਆਈਪੀਐਲ ਸੈਂਕੜਾ ਲਗਾਇਆ ਸਗੋਂ ਇਸ ਸੀਜਨ ’ਚ ਹੁਣ ਤੱਕ ਸਭ ਤੋਂ ਵੱਡਾ ਵਿਅਕਤੀਗਤ ਸਕੋਰ ਵੀ ਬਣਾਇਆ। ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਰੌਬਿਨ ਉਥੱਪਾ ਨੇ ਨੌਜਵਾਨ ਸਲਾਮੀ ਬੱਲੇਬਾਜ ਦੀ ਇਸ ਪਾਰੀ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ‘ਉਹ ਭਾਰਤੀ ਕ੍ਰਿਕੇਟ ਦੇ ਅਗਲੇ ਸੂਪਰਸਟਾਰਾਂ ’ਚੋਂ ਇੱਕ ਹਨ। ਉਨ੍ਹਾਂ ਨੇ ਸ਼ੁਰੂਆਤ ਤੋਂ ਹੀ ਆਪਣੇ ਇਰਾਦੇ ਪ੍ਰਗਟ ਕਰ ਦਿੱਤੇ ਹਨ। ਬੇਖੌਫ ਬੱਲੇਬਾਜੀ ਅਤੇ ਉਹ ਬਹਾਦਰੀ ਦੇ ਨਾਲ ਮੈਦਾਨ ’ਤੇ ਉਤਰਦੇ ਹਨ। ਉਨ੍ਹਾਂ ਨੇ ਇਸ ਸੀਜਨ ’ਚ ਪੂਰੀ ਮਿਹਨਤ ਕੀਤੀ ਹੈ ਅਤੇ ਉਨ੍ਹਾਂ ਦੀ ਮਿਹਨਤ ਅੰਤ ’ਚ ਰੰਗ ਲਿਆ ਰਹੀ ਹੈ। ਅੱਜ ਰਾਤੀ ਉਨ੍ਹਾਂ ਦੇ ਸੋਲ੍ਹਾਂ ਚੌਕੇ ਅਤੇ ਕੁਝ ਛੱਕੇ ਸ਼ਾਨਦਾਰ ਸਨ।’
ਟਿਮ ਡੇਵਿਡ ਨੇ ਆਖਰੀ ਓਵਰ ’ਚ ਲਗਾਤਾਰ ਤਿੰਨ ਛੱਕੇ ਮਾਰ ਕੇ ਮੁੰਬਈ ਨੂੰ ਤਿੰਨ ਬਾਲਾਂ ਬਾਕੀ ਰਹਿੰਦੇ ਟਾਰਗੇਟ ਤੱਕ ਪਹੁੰਚਾ ਕੇ ਮੈਚ ’ਚ ਜਿੱਤ ਦਵਾਈ। ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਪਾਰਥਿਵ ਪਟੇਲ ਨੇ ਫਿਨਿਸ਼ਰ ਦੇ ਰੂਪ ’ਚ ਡੇਵਿਡ ਦੀ ਸਮਰੱਥਾ ਅਤੇ ਟੀ20 ਕ੍ਰਿਕੇਟ ’ਚ ਭੂਮਿਕਾ ਦੇ ਮਹੱਤਵ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ, ‘ਉਹ ਦਬਾਅ ’ਚ ਪ੍ਰਦਰਸ਼ਨ ਕਰ ਸਕਦੇ ਹਨ ਅਤੇ ਟੀਮ ਨੂੰ ਮੈਚ ਜਿਤਾਉਣ ’ਚ ਮਦਦ ਕਰ ਸਕਦੇ ਹਨ। ਇੱਕ ਫਿਨਿਸ਼ਰ ਦੀ ਭੂਮਿਕਾ ਬਹੁਤ ਮਹੱਤਵਪੂਰਣ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਤੁਸੀਂ ਵੱਡੇ ਟੋਟਲ ਦਾ ਪਿੱਛਾ ਕਰ ਰਹੇ ਹੋਵੋ। ਤੁਹਾਨੂੰ ਹੇਠਲੇ ਕ੍ਰਮ ’ਚ ਮਜਬੂਤ ਸਟ੍ਰਾਈਕ ਰੇਟ ਦੇ ਨਾਲ ਵੱਡੀ ਪਾਰੀ ਦੀ ਜਰੂਰਤ ਹੁੰਦੀ ਹੈ ਅਤੇ ਟਿਮ ਡੇਵਿਡ ਅਜਿਹਾ ਹੀ ਕਰ ਰਹੇ ਹਨ। ਦਬਾਅ ’ਚ ਇੱਕ ਬਾਲਰ ਜਾਣਦਾ ਹੈ ਕਿ ਕਿਸੇ ਵੀ ਗਲਤੀ ਦੇ ਲਈ ਟਿਮ ਡੇਵਿਡ ਦੇ ਕੋਲ ਤੁਹਾਨੂੰ ਦੰਡਿਤ ਕਰਨ ਦੀ ਤਾਕਤ ਹੈ। ਉਹ ਚੌਕਾ ਜਾਂ ਛੱਕਾ ਮਾਰ ਸਕਦੇ ਹਨ, ਜਿਵੇਂ ਕਿ ਅਸੀਂ ਅੱਜ ਦੇਖਿਆ।’
ਚਾਹੇ ਐਮਆਈ ਇਸ ਜਿੱਤ ਦਾ ਜਸ਼ਨ ਮਨਾ ਸਕਦੀ ਹੈ ਜਿਸਨੇ ਉਸਨੂੰ ਪਲੇਆਫ ਦੀ ਦੌੜ ’ਚ ਬਣਾਈ ਰੱਖਣ ’ਚ ਮਦਦ ਕੀਤੀ ਹੈ, ਪਰ ਉਥੱਪਾ ਉਸਦੀ ਬਾਲੰਗ ’ਚ ਨਜਰ ਆ ਰਹੀਆਂ ਭਾਰੀ ਦਰਾਰਾਂ ਨੂੰ ਲੈ ਕੇ ਚਿੰਤਿਤ ਹਨ ਜਿਨ੍ਹਾਂ ਦੇ ਕਾਰਨ ਉਸਨੂੰ ਹਾਲ ਦੇ ਮੈਚਾਂ ’ਚ ਨੀਵਾਂ ਦਿਸਣਾ ਪਿਆ ਹੈ। ਉਨ੍ਹਾਂ ਨੇ ਕਿਹਾ, ‘ਇਹ ਮੈਚ ਮੁੰਬਈ ਇੰਡੀਅੰਸ ਨੂੰ ਸਭ ਕੁਝ ਵਧੀਆ ਹੋਣ ਦਾ ਅਹਿਸਾਸ ਕਰਵਾਏਗਾ, ਪਰ ਅਸਲ ’ਚ ਅਜਿਹਾ ਨਹੀਂ ਹੈ। ਉਨ੍ਹਾਂ ਨੂੰ ਅਸਲ ’ਚ ਆਪਣੀ ਬਾÇਲੰਗ ਖਾਮੀ ਦਾ ਪਤਾ ਲਗਾਉਣ ਦੀ ਜਰੂਰਤ ਹੈ। ਉਨ੍ਹਾਂ ਨੂੰ ਇਹ ਪਤਾ ਲਗਾਉਣ ਦੀ ਲੋੜ ਹੈ ਕਿ ਓਵਰ ਕਿਸ ਤਰ੍ਹਾਂ ਨਾਲ ਖਤਮ ਕੀਤੇ ਜਾਣ। ਕਿਉਂਕਿ ਉਹ ਪਿਛਲੇ ਤਿੰਨ ਮੈਚਾਂ ’ਚ 15ਵੇਂ ਓਵਰ ਤੱਕ ਕਾਫੀ ਵਧੀਆ ਕਰਦੇ ਨਜਰ ਆ ਰਹੇ ਸਨ ਅਤੇ ਉਹ 170/180 ਦਾ ਬਚਾਅ ਕਰਦੇ ਲੱਗੇ ਰਹੇ ਸਨ ਅਤੇ ਫਿਰ ਆਖਰੀ ਪੰਜ ਓਵਰਾਂ ’ਚ ਕੁਝ ਅਜਿਹਾ ਹੁੰਦਾ ਹੈ ਕਿ ਸਭ ਕੁਝ ਗੜਬੜਾ ਜਾਂਦਾ ਹੈ। ਫਿਰ ਉਹ ਆਖਰੀ ਪੰਜ ਓਵਰਾਂ ’ਚ 60, 70, 80, 90 ਰਨ ਤੱਕ ਲੁਟਾ ਦਿੰਦੇ ਹਨ, ਜਿਵੇਂ ਕਿ ਉਨ੍ਹਾਂ ਦੇ ਉੱਪਰ ਸ਼ੈਤਾਨੀ ਤਾਕਤ ਦਾ ਅਸਰ ਪੈ ਗਿਆ ਹੋਵੇ।’
ਸੋਮਵਾਰ ਨੂੰ ਸ਼ਾਮੀ 7:30 ਵਜੇ ਲਖਨਊ ਸੂਪਰ ਜਾਇੰਟਸ ਅਤੇ ਰਾਯਲ ਚੈਲੇਂਜਰਸ ਬੰਗਲੌਰ ਦੇ ਵਿਚਕਾਰ ਮੈਚ ਖੇਡਿਆ ਜਾਵੇਗਾ।
