ਕਲਕੱਤਾ ਨਾਈਟ ਰਾਈਡਰਸ ਨੇ ਆਪਣੇ ਘਰੇਲੂ ਮੈਦਾਨ ਈਡਨ ਗਾਰਡੰਸ ’ਚ ਪੰਜਾਬ ਕਿੰਗਸ ’ਤੇ 5 ਵਿਕਟਾਂ ਨਾਲ ਜਿੱਤ ਦਰਜ ਕਰਕੇ ਟਾਟਾ ਆਈਪੀਐਲ 2023 ’ਚ ਆਪਣੀਆਂ ਪਲੇ-ਆਫ ਦੀਆਂ ਸੰਭਾਵਨਾਵਾਂ ਨੂੰ ਜੀਵਿਤ ਰੱਖਿਆ ਹੈ। ਕਪਤਾਨ ਸ਼ਿਖਰ ਧਵਨ (47 ਬਾਲਾਂ, 9X4, 1X6) ਦੇ 57 ਰਨਾਂ ਦੀ ਬਦੌਲਤ ਕਿੰਗਸ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 180 ਰਨਾਂ ਦਾ ਟਾਰਗੇਟ ਰੱਖਿਆ। ਜਵਾਬ ’ਚ ਟਾਰਗੇਟ ਦਾ ਪਿੱਛਾ ਕਰ ਰਹੇ ਕੇਕੇਆਰ ਦੇ ਕਪਤਾਨ ਨਿਤੀਸ਼ ਰਾਣਾ ਸਿਰਫ 38 ਬਾਲਾਂ (6X4, 1X6) ਤੇ 51 ਰਨ ਬਣਾ ਕੇ ਆਪਣੀ ਟੀਮ ਦੇ ਟਾਪ ਸਕੋਰਰ ਰਹੇ। ਪਰ 16ਵੇਂ ਓਵਰ ’ਚ ਰਾਣਾ ਆਊਟ ਹੋ ਗਏ ਅਤੇ ਉਸਦੇ ਬਾਅਦ ਕੇਕੇਆਰ ਦੇ ਫਿਨਿਸ਼ਰਾਂ ਆਂਦਰੇ ਰਸੇਲ ਅਤੇ ਰਿੰਕੂ ਸਿੰਘ ਨੇ ਆਖਰੀ ਬਾਲ ਤੱਕ ਖਿੱਚੇ ਇਸ ਰੋਮਾਂਚਕ ਮੁਕਾਬਲੇ ’ਚ ਜਿੱਤ ਦਵਾਈ। ਇਸ ਜਿੱਤ ਨਾਲ ਕਲਕੱਤਾ ਲੜੀ ’ਚ 5ਵੇਂ ਸਥਾਨ ’ਤੇ ਪਹੁੰਚ ਗਈ ਹੈ ਅਤੇ ਉਹ ਹਾਲੇ ਵੀ ਪਲੇਆਫ ਸਥਾਨ ਦੀ ਲੜਾਈ ’ਚ ਬਣੀ ਹੋਈ ਹੈ ਜਦੋਂ ਕਿ ਪੰਜਾਬ ਰਨ ਰੇਟ ਦੇ ਕਾਰਨ 7ਵੇਂ ਸਥਾਨ ’ਤੇ ਆ ਗਿਆ ਹੈ।
ਮੈਚ ਦੀ ਦੂਜੀ ਪਾਰੀ ਦੇ ਦੌਰਾਨ ਆਂਦਰੇ ਰਸੇਲ ਨੇ 42 ਰਨਾਂ ਦੀ ਪ੍ਰਭਾਵਸ਼ਾਲੀ ਬੈਟਿੰਗ ਕੀਤੀ, ਜਿਸ ’ਚ ਉਨ੍ਹਾਂ ਨੇ 19ਵੇਂ ਓਵਰ ’ਚ ਸੈਮ ਕੁਰੇਨ ਦੇ ਖਿਲਾਫ ਚਾਰ ਬਾਲਾਂ ’ਚ ਤਿੰਨ ਛੱਕੇ ਮਾਰੇ। ਇਸ ਸ਼ਾਨਦਾਰ ਬੈਟਿੰਗ ਦੇ ਲਈ ਉਨ੍ਹਾਂ ਨੂੰ ਪਲੇਅਰ ਆਫ ਦਿ ਮੈਚ ਨਾਲ ਨਵਾਜਿਆ ਗਿਆ। ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਗ੍ਰੀਮ ਸਵਾਨ ਨੇ ਰਾਤ ’ਚ ਰਸੇਲ ਦੀਆਂ ਕੋਸ਼ਿਸ਼ਾਂ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ, ‘ਉਨ੍ਹਾਂ ਦੀ ਪਾਰੀ ਦੀ ਸ਼ੁਰੂਆਤ ਇਸੇ ਤਰ੍ਹਾਂ ਹੁੰਦੀ ਹੈ, ਉਹ ਹਮੇਸ਼ਾ ਦਬਾਅ ’ਚ ਉਤਰਦੇ ਹਨ। ਉਨ੍ਹਾਂ ਨੂੰ ਸ਼ਾਰਟ ਡਿਲੀਵਰੀ ਮਿਲਦੀ ਹੈ ਅਤੇ ਉਹ ਸ਼ੁਰੂਆਤ ’ਚ ਸ਼ਾਰਟ ਬਾਲਾਂ ਪਸੰਦ ਨਹੀਂ ਕਰਦੇ। ਉਹ ਅੰਦਰ ਆਉਂਦੇ ਹਨ ਅਤੇ ਜੇਕਰ ਪਹਿਲੀਆਂ ਤਿੰਨ ਬਾਲਾਂ ’ਚ ਟਿਕੇ ਰਹਿ ਜਾਂਦੇ ਹਨ, ਤਾਂ ਉਹ ਆਮ ਰੂਪ ਨਾਲ ਠੀਕ ਰਹਿੰਦੇ ਹਨ। ਜਦੋਂ ਉਹ ਮਾਰਨ ’ਤੇ ਉਤਾਰੂ ਹੁੰਦੇ ਹਨ, ਤਾਂ ਉਨ੍ਹਾਂ ਦੇ ਲਈ ਮੈਦਾਨ ਬਹੁਤ ਛੋਟਾ ਪੈ ਜਾਂਦਾ ਹੈ, ਜਿਵੇਂ ਅਸੀਂ ਅੱਜ ਰਾਤੀ ਦੇਖਿਆ।’
ਰਿੰਕੂ ਸਿੰਘ ਅੱਜ ਰਾਤ ਕੇਕੇਆਰ ਦੇ ਲਈ ਮੈਚ ਵਿਨਰ ਸਾਬਤ ਹੋਏ, ਉਨ੍ਹਾਂ ਨੇ ਆਖਰੀ ਓਵਰ ’ਚ ਅਰਸ਼ਦੀਪ ਸਿੰਘ ਦੀ ਪ੍ਰਭਾਵਸ਼ਾਲੀ ਬਾÇਲੰਗ ਦੇ ਬਾਵਜੂਦ ਟੀਮ ਨੂੰ ਟਾਰਗੇਟ ਤੱਕ ਪਹੁੰਚਾਇਆ। ਉਨ੍ਹਾਂ ਨੇ ਸਿਰਫ 10 ਬਾਲਾਂ ’ਚ 21 ਬਣਾ ਕੇ ਮੈਚ ਖਤਮ ਕਰ ਦਿੱਤਾ, ਜਿਸ ਨਾਲ ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਪਾਰਥਿਵ ਪਟੇਲ ਨੇ ਦਬਾਅ ’ਚ ਪ੍ਰਦਰਸ਼ਨ ਕਰਨ ਦੀ ਉਨ੍ਹਾਂ ਦੀ ਸਮਰੱਥਾ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ, ‘ਉਨ੍ਹਾਂ ਦੇ ਉੱਪਰ ਇੱਕ ਵੱਡੀ ਜਿੰਮੇਦਾਰੀ ਹੈ। ਦਬਾਅ ’ਚ ਪ੍ਰਦਰਸ਼ਨ ਕਰਨਾ ਬਹੁਤ ਜਰੂਰੀ ਹੁੰਦਾ ਹੈ। ਇੱਕ ਖਿਡਾਰੀ ਦੇ ਤੌਰ ’ਤੇ ਇਹ ਦਿਖਾਉਂਦਾ ਹੈ ਕਿ ਤੁਸੀਂ ਕਿਵੇਂ ਸੋਚਦੇ ਹੋ ਅਤੇ ਤੁਹਾਡਾ ਮਾਇੰਡ ਸੈਟ ਕੀ ਹੈ। ਅਸੀਂ ਰਿੰਕੂ ਸਿੰਘ ਦੇ ਹੁਨਰ ਨੂੰ ਦੇਖਿਆ ਹੈ ਜਦੋਂ ਉਨ੍ਹਾਂ ਨੇ ਇੱਕ ਓਵਰ ’ਚ ਪੰਜ ਛੱਕੇ ਮਾਰੇ ਸਨ ਪਰ ਅੱਜ ਮਾਮਲਾ ਜਿਆਦਾ ਚੁਣੌਤੀ ਭਰਿਆ ਸੀ। ਉਨ੍ਹਾਂ ਨੇ ਆਂਦਰੇ ਰਸੇਲ ਨੂੰ ਬਾਈ ਤੇ ਰਨ ਲੈਂਦੇ ਹੋਏ ਦੇਖਿਆ ਕਿਉਂਕਿ ਉਨ੍ਹਾਂ ਨੇ ਰਸੇਲ ਜਿਹੇ ਖਿਡਾਰੀ ਨੂੰ ਸਟ੍ਰਾਈਕ ’ਤੇ ਰੱਖਣ ਦੇ ਬਾਰੇ ’ਚ ਸੋਚਿਆ ਹੋਵੇਗਾ। ਜਿਸ ਤਰ੍ਹਾਂ ਨਾਲ ਰਿੰਕੂ ਸਿੰਘ ਨੇ ਅਰਸ਼ਦੀਪ (ਸਿੰਘ) ਦੀ ਵਧੀਆ ਬਾÇਲੰਗ ਦੇ ਬਾਵਜੂਦ ਆਖਰੀ ਬਾਲ ’ਤੇ ਮੁਕਾਬਲਾ ਆਪਣੇ ਪੱਖ ’ਚ ਕੀਤਾ। ਜਿਸ ਤਰ੍ਹਾਂ ਨਾਲ ਰਿੰਕੂ ਸਿੰਘ ਬੈਟਿੰਗ ਕਰ ਰਹੇ ਹਨ ਅਤੇ ਮੈਚ ਖਤਮ ਕਰ ਰਹੇ ਹਨ ਉਹ ਚਰਚਾ ਦਾ ਵਿਸ਼ਾ ਹੈ। ਉਹ ਅੱਜ ਵੀ ਆਊਟ ਨਹੀਂ ਹੋਇਆ ਅਤੇ ਟੀਮ ਨੂੰ ਜਿੱਤ ਦਵਾਉਣਾ ਕਿਸੇ ਵੀ ਖਿਡਾਰੀ ਦੇ ਲਈ ਇੱਕ ਵੱਡਾ ਪਲੱਸ ਪੁਆਇੰਟ ਹੈ।’
ਜਿਓਸਿਨੇਮਾ ਟਾਟਾ ਆਈਪੀਐਲ ਮਾਹਿਰ ਬ੍ਰੈਟ ਲੀ ਨੇ ਸਿੰਘ ਦੇ ਲਈ ਇੱਕ ਉੱਜਲ ਭਵਿੱਖ ਦੀ ਭਵਿੱਖਬਾਣੀ ਕੀਤੀ ਉਨ੍ਹਾਂ ਨੇ ਭਾਰਤੀ ਕ੍ਰਿਕੇਟ ’ਚ ਵੱਡਾ ਹੁੰਦਾ ਇੱਕ ਘਰੇਲੂ ਨਾਮ ਦੱਸਿਆ। ਉਨ੍ਹਾਂ ਨੇ ਕਿਹਾ, ‘ਉਨ੍ਹਾਂ ਨੇ ਉਨ੍ਹਾਂ ਨੂੰ ਰਿੰਕੂ ਦੇ ਪਿਆਰ ’ਚ ਪੈਣ ਦਾ ਹਰ ਕਾਰਨ ਦਿੱਤਾ। ਉਹ ਮੈਚ ਵਿਨਰ ਹਨ, ਉਹ ਇੰਟਰਟੇਨਰ ਹਨ, ਉਹ ਕ੍ਰੀਜ ’ਤੇ ਉਤਰਦੇ ਹਨ ਅਤੇ ਉਹ ਜਿੱਤ ਦਵਾਉਂਦੇ ਹਨ। ਇੱਕ ਨੌਜਵਾਨ ਖਿਡਾਰੀ ਨੂੰ ਅਜਿਹਾ ਕਰਦੇ ਹੋਏ ਦੇਖਣਾ ਰੋਮਾਂਚਕ ਹੈ। ਉਹ ਘਰ ਘਰ ’ਚ ਜਾਣਿਆ ਜਾਣ ਵਾਲਾ ਨਾਮ ਬਣ ਜਾਣਗੇ ਅਤੇ ਵਧੀਆ ਕ੍ਰਿਕੇਟ ਖੇਡ ਰਹੇ ਹਨ।’
ਮੰਗਲਵਾਰ ਨੂੰ ਸ਼ਾਮੀ 7:30 ਵਜੇ ਮੁੰਬਈ ਇੰਡੀਅੰਸ ਦਾ ਸਾਹਮਣਾ ਰਾਇਲ ਚੈਲੇਂਜਰਸ ਬੰਗਲੌਰ ਦੇ ਨਾਲ ਹੋਵੇਗਾ।
