ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ ਸੰਜੂ ਦਾਦਾ ਯਾਨੀ ਕਿ ਸੰਜੇ ਦੱਤ ਨੇ ਕ੍ਰਿਕਟ ਦੇ ਮੈਦਾਨ ‘ਚ ਐਂਟਰੀ ਮਾਰ ਲਈ ਹੈ। ਅੱਜਕੱਲ੍ਹ ਫਰੈਂਚਾਇਜ਼ੀ ਕ੍ਰਿਕਟ ਤੇਜ਼ੀ ਨਾਲ ਵਧ ਰਿਹਾ ਹੈ। ਇਸ ਦੌਰਾਨ ਜ਼ਿੰਬਾਬਵੇ ‘ਜ਼ਿਮ ਅਫਰੋ ਟੀ10’ ਟੂਰਨਾਮੈਂਟ ਦੇ ਆਯੋਜਨ ਦੀ ਤਿਆਰੀ ਕਰ ਰਿਹਾ ਹੈ। ਇਹ ਟੂਰਨਾਮੈਂਟ 20 ਜੁਲਾਈ ਤੋਂ ਸ਼ੁਰੂ ਹੋਵੇਗਾ। ਇਸ ਟੂਰਨਾਮੈਂਟ ‘ਚ ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਐਰੀਜ਼ ਗਰੁੱਪ ਆਫ ਕੰਪਨੀਜ਼ ਦੇ ਸਰ ਸੋਹਨ ਰਾਏ ਦੇ ਨਾਲ ਹਰਾਰੇ ਹਰੀਕੇਨਜ਼ ਟੀਮ ਦੇ ਸਹਿ-ਮਾਲਕ ਬਣ ਗਏ ਹਨ।
ਸੰਜੇ ਦੱਤ ਨੇ ਕਿਹਾ, “ਕ੍ਰਿਕਟ ਭਾਰਤ ਵਿੱਚ ਇੱਕ ਧਰਮ ਦੀ ਤਰ੍ਹਾਂ ਹੈ, ਮੈਂ ਮਹਿਸੂਸ ਕਰਦਾ ਹਾਂ ਕਿ ਖੇਡ ਨੂੰ ਦੁਨੀਆ ਦੇ ਹਰ ਕੋਨੇ ਤੱਕ ਪਹੁੰਚਾਉਣਾ ਸਾਡਾ ਫਰਜ਼ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ “ਜ਼ਿੰਬਾਬਵੇ ਦਾ ਖੇਡ ਵਿੱਚ ਇੱਕ ਸ਼ਾਨਦਾਰ ਇਤਿਹਾਸ ਹੈ ਅਤੇ ਇਸ ਨਾਲ ਜੁੜਿਆ ਹੋਣਾ ਅਤੇ ਪ੍ਰਸ਼ੰਸਕਾਂ ਨੂੰ ਵਧੀਆ ਸਮਾਂ ਬਿਤਾਉਣ ਵਿੱਚ ਮਦਦ ਕਰਨਾ ਉਹ ਚੀਜ਼ ਹੈ ਜੋ ਮੈਨੂੰ ਸੱਚਮੁੱਚ ਖੁਸ਼ ਦਿੰਦਾ ਹੈ। ਮੈਂ ਹਰਾਰੇ ਹਰੀਕੇਨਜ਼ ਦੇ ਜਿਮ ਅਫਰੋ ਟੀ10 ਵਿੱਚ ਵਧੀਆ ਪ੍ਰਦਰਸ਼ਨ ਕਰਨ ਦੀ ਉਮੀਦ ਕਰ ਰਿਹਾ ਹਾਂ।”
ਦੱਸ ਦਈਏ ਕਿ ਜ਼ਿੰਬਾਬਵੇ ਦੁਆਰਾ ਆਯੋਜਿਤ ਇਸ ਟੂਰਨਾਮੈਂਟ ਵਿੱਚ ਕੁੱਲ ਪੰਜ ਟੀਮਾਂ ਹਿੱਸਾ ਲੈਣਗੀਆਂ, ਜਿਸ ਵਿੱਚ – ਡਰਬਨ ਕਲੰਦਰਸ, ਕੇਪ ਟਾਊਨ ਸੈਂਪ ਆਰਮੀ, ਬੁਲਾਵੇਓ ਬ੍ਰੇਵਜ਼, ਜੋਬਰਗ ਲਾਇਨਜ਼ ਅਤੇ ਹਰਾਰੇ ਹਰੀਕੇਨਸ ਸ਼ਾਮਿਲ ਹਨ। ਲੀਗ ਵਿੱਚ ਸ਼ਾਮਲ ਹੋਣ ਵਾਲੀ ਡਰਬਨ ਕਲੰਦਰਜ਼ ਟੀਮ ਪਾਕਿਸਤਾਨ ਸੁਪਰ ਲੀਗ ਦੀ ਫਰੈਂਚਾਈਜ਼ੀ ਲਾਹੌਰ ਕਲੰਦਰਜ਼ ਦੀ ਟੀਮ ਹੈ।