ਅਮਰੀਕੀ ਬਾਈਕ ਨਿਰਮਾਤਾ ਕੰਪਨੀ ਹਾਰਲੇ-ਡੇਵਿਡਸਨ ਨੇ ਭਾਰਤੀ ਬਾਜ਼ਾਰ ‘ਚ ਆਪਣੀ ਨਵੀਂ ਬਾਈਕ X440 ਲਾਂਚ ਕਰ ਦਿੱਤੀ ਹੈ। Harley-Davidson X440 ਨੂੰ 2.29 ਲੱਖ ਰੁਪਏ ਦੀ ਕੀਮਤ ‘ਤੇ ਲਿਆਂਦਾ ਗਿਆ ਹੈ। ਇਸ ਨੂੰ ਤਿੰਨ ਵੇਰੀਐਂਟਸ- ਡੇਨਿਮ, ਵਿਵਿਡ ਅਤੇ ਏਸ ‘ਚ ਲਿਆਂਦਾ ਗਿਆ ਹੈ।
Harley-Davidson X440 ਦੀ ਡੈਨਿਮ ਵੇਰੀਐਂਟ ਦੀ ਕੀਮਤ 2.29 ਲੱਖ ਰੁਪਏ, ਵਿਵਿਡ ਵੇਰੀਐਂਟ ਦੀ 2.49 ਲੱਖ ਰੁਪਏ ਅਤੇ S ਦੀ ਕੀਮਤ 2.69 ਲੱਖ ਰੁਪਏ ਹੈ। ਤਿੰਨੋਂ ਵੇਰੀਐਂਟ ‘ਚ ਵੱਖ-ਵੱਖ ਉਪਕਰਨ ਅਤੇ ਵਿਸ਼ੇਸ਼ਤਾਵਾਂ ਉਪਲਬਧ ਹਨ, ਜਦਕਿ ਕਲਰ ਆਪਸ਼ਨ ਵੀ ਵੱਖ-ਵੱਖ ਹੈ।
ਸਪੋਕਡ ਵ੍ਹੀਲਸ ਡੇਨਿਮ ‘ਚ ਉਪਲੱਬਧ ਹਨ, ਜਦਕਿ ਵਿਵਿਡ ‘ਚ ਅਲਾਏ ਵ੍ਹੀਲਸ ਅਤੇ ਡਿਊਲ-ਟੋਨ ਕਲਰ ਆਪਸ਼ਨ ਦਿੱਤੇ ਗਏ ਹਨ। X440 S ਵੀ ਡਾਇਮੰਡ ਕੱਟ ਅਲਾਏ ਵ੍ਹੀਲਜ਼, 3D ਡੈਕਲਸ ਅਤੇ ਸਰਕੂਲਰ ਡਿਸਪਲੇ ਦੁਆਰਾ ਦਿਖਾਈ ਦੇਣ ਵਾਲੀ ਐਡਵਾਂਸਡ ਕਨੈਕਟੀਵਿਟੀ ਵਿਸ਼ੇਸ਼ਤਾਵਾਂ ਦੇ ਨਾਲ ਆਉਂਦਾ ਹੈ। Harley-Davidson X440 ਪਹਿਲੀ ਬਾਈਕ ਹੈ ਜਿਸ ਨੂੰ ਅਮਰੀਕੀ ਕੰਪਨੀ ਨੇ Hero MotoCorp ਦੇ ਨਾਲ ਮਿਲ ਕੇ ਤਿਆਰ ਕੀਤਾ ਹੈ। ਹਾਰਲੇ-ਡੇਵਿਡਸਨ X440 ਇੱਕ ਸਿੰਗਲ-ਸਿਲੰਡਰ ਇੰਜਣ ਦੁਆਰਾ ਸੰਚਾਲਿਤ ਹੈ, ਜੋ ਕਿ 70 ਦੇ ਦਹਾਕੇ ਤੋਂ ਬਾਅਦ ਕੰਪਨੀ ਦਾ ਪਹਿਲਾ ਸਿੰਗਲ-ਸਿਲੰਡਰ ਇੰਜਣ ਹੈ।
ਹਾਰਲੇ-ਡੇਵਿਡਸਨ ਦੇ ਸਿੰਗਲ-ਸਿਲੰਡਰ ਇੰਜਣ ਵਿੱਚ 3-ਵਾਲਵ ਯੂਨਿਟ ਅਤੇ ਤੇਲ ਕੂਲਿੰਗ ਵਿਸ਼ੇਸ਼ਤਾ ਹੈ। ਇਹ ਇੰਜਣ 6000 rpm ‘ਤੇ 27 bhp ਦੀ ਪਾਵਰ ਅਤੇ 4000 rpm ‘ਤੇ 38 ਨਿਊਟਨ ਮੀਟਰ ਦਾ ਟਾਰਕ ਪ੍ਰਦਾਨ ਕਰਦਾ ਹੈ। ਇਸ ‘ਚ 6-ਸਪੀਡ ਮੈਨੂਅਲ ਗਿਅਰਬਾਕਸ ਹੈ।
