ਪਿਛਲੇ ਦਿਨੀਂ ਵੰਦੇ ਭਾਰਤ ਐਕਸਪ੍ਰੈੱਸ ਟਰੇਨ ‘ਤੇ ਪਥਰਾਅ ਦੀਆਂ ਕਾਫੀ ਘਟਨਾਵਾਂ ਸਾਹਮਣੇ ਆਈਆਂ। ਰੇਲਵੇ ਪੁਲਿਸ ਬਲ ਯਾਨੀ ਆਰਪੀਐਫ ਨੇ ਮੱਧ ਪ੍ਰਦੇਸ਼ ਦੇ ਚੰਬਲ ਵਿੱਚ ਸਥਿਤ ਮੁਰੈਨਾ ਜ਼ਿਲੇ ਦੇ ਇੱਕ ਲੜਕੇ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਉਹ ਵੀ ਦਿੱਲੀ ਭੋਪਾਲ ਵੰਦੇ ਭਾਰਤ ਐਕਸਪ੍ਰੈਸ ਟਰੇਨ ਉੱਤੇ ਪਥਰਾਅ ਕਰਨ ਦੇ ਮਾਮਲੇ ਵਿੱਚ। ਇਹ ਗੱਲ ਸਾਹਮਣੇ ਆਈ ਹੈ ਕਿ ਪੁਲਿਸ ਵੱਲੋਂ ਫੜਿਆ ਗਿਆ ਵਿਅਕਤੀ ਸ਼ੀਸ਼ਾ ਤੋੜਨ ਦਾ ਸ਼ੌਕੀਨ ਹੈ ਅਤੇ ਜਦ ਕਿਸੇ ਗੱਡੀ ਦਾ ਸ਼ੀਸ਼ਾ ਟੁੱਟਦਾ ਹੈ ਤਾ ਉਸਨੂੰ ਬਹੁਤ ਮਜ਼ਾ ਆਉਂਦਾ ਹੈ।
ਗਵਾਲੀਅਰ ‘ਚ ਰੇਲਵੇ ਸੁਰੱਖਿਆ ਬਲ ਦੇ ਇੰਸਪੈਕਟਰ ਸੰਜੇ ਕੁਮਾਰ ਆਰੀਆ ਨੇ ਦੱਸਿਆ ਕਿ ਐਤਵਾਰ ਸਵੇਰੇ ਕਰੀਬ 10 ਵਜੇ ਬਨਮੋਰ ਰੇਲਵੇ ਸਟੇਸ਼ਨ ਨੇੜੇ ਵੀ ਅਜਿਹੀ ਘਟਨਾ ਵਾਪਰੀ। ਰਾਣੀ ਕਮਲਾਪਤੀ ਸਟੇਸ਼ਨ ਤੋਂ ਹਜ਼ਰਤ ਨਿਜ਼ਾਮੁਦੀਨ ਵੱਲ ਜਾ ਰਹੀ ਰੇਲਗੱਡੀ ਨੰਬਰ 20171 ਵੰਦੇ ਭਾਰਤ ਐਕਸਪ੍ਰੈਸ ‘ਤੇ ਰੇਰੂ ਬਨਮੋਰ ਰੇਲਵੇ ਸਟੇਸ਼ਨ ਦੇ ਵਿਚਕਾਰ ਪੱਥਰਬਾਜ਼ੀ ਕੀਤੀ ਗਈ। ਘਟਨਾ ਵਿੱਚ ਵੰਦੇ ਭਾਰਤ ਐਕਸਪ੍ਰੈਸ ਦੇ ਡੱਬੇ ਦੇ ਸ਼ੀਸ਼ੇ ਟੁੱਟ ਗਏ ਅਤੇ ਯਾਤਰੀਆਂ ਦੇ ਦਿਲਾਂ ਵਿੱਚ ਡਰ ਛਾ ਗਿਆ। ਇਸ ਘਟਨਾ ਦਾ ਪਤਾ ਲੱਗਦਿਆਂ ਹੀ ਆਰਪੀਐਫ ਪੁਲਿਸ ਨੇ ਤੁਰੰਤ ਤਲਾਸ਼ੀ ਮੁਹਿੰਮ ਸ਼ੁਰੂ ਕਰ ਦਿੱਤੀ। ਇੱਕ ਥਾਂ ਉਨ੍ਹਾਂ ਨੇ ਸੀਸੀਟੀਵੀ ਫੁਟੇਜ ਵਿੱਚ ਕੁਝ ਦੇਖਿਆ। ਫੁਟੇਜ ਦੀ ਜਾਂਚ ਦੌਰਾਨ ਪੁਲੀਸ ਨੇ ਘਟਨਾ ਦੀ ਪੂਰੀ ਜਾਣਕਾਰੀ ਹਾਸਲ ਕੀਤੀ।
ਪੁਲਸ ਨੇ ਐਤਵਾਰ ਰਾਤ ਫਿਰੋਜ਼ ਖਾਨ ਨਾਂ ਦੇ ਲੜਕੇ ਨੂੰ ਫੜ ਲਿਆ ਅਤੇ ਉਸ ਖਿਲਾਫ ਰੇਲਵੇ ਐਕਟ ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ। ਪਰ ਇਸ ਤੋਂ ਬਾਅਦ ਇੰਸਪੈਕਟਰ ਨੇ ਜੋ ਦੱਸਿਆ ਉਹ ਹੈਰਾਨੀਜਨਕ ਅਤੇ ਮਜ਼ੇਦਾਰ ਸੀ। ਕਿਉਂਕਿ ਜਿਸ ਨੂੰ ਪੁਲਿਸ ਨੇ ਫੜਿਆ ਸੀ, ਉਸ ਨੇ ਬਿਨਾਂ ਕਿਸੇ ਝਿਜਕ ਆਪਣਾ ਜੁਰਮ ਕਬੂਲ ਕਰ ਲਿਆ ਸੀ।
20 ਸਾਲਾ ਦੋਸ਼ੀ ਨੇ ਪੁੱਛਗਿੱਛ ਦੌਰਾਨ ਦੱਸਿਆ ਕਿ ਉਸ ਨੂੰ ਅਜਿਹਾ ਕਰਨ ‘ਚ ਮਜ਼ਾ ਆਉਂਦਾ ਹੈ। ਉਹ ਜਦ ਪੱਥਰ ਸੁੱਟਦਾ ਹੈ ਅਤੇ ਜਦੋਂ ਉਹ ਪੱਥਰ ਰੇਲਗੱਡੀ ਦੇ ਸ਼ੀਸ਼ੇ ਨਾਲ ਟਕਰਾ ਜਾਂਦਾ ਹੈ ਅਤੇ ਸ਼ੀਸ਼ਾ ਟੁੱਟ ਜਾਂਦਾ ਹੈ ਤਾਂ ਉਸ ਨੂੰ ਇਹ ਟੁੱਟਦੇ ਸ਼ੀਸ਼ੇ ਦੀ ਅਵਾਜ ਸੁਣ ਕੇ ਆਨੰਦ ਮਿਲਦਾ ਹੈ। ਇਸੇ ਲਈ ਉਹ ਇਹ ਸਭ ਕਰਦਾ ਹੈ। ਉਸਨੇ ਕਿਹਾ ਕਿ ਦਿਨ ਦੀ ਬਜਾਏ, ਉਹ ਰਾਤ ਨੂੰ ਅਜਿਹਾ ਕਰਦਾ ਹੈ ਤਾਂ ਜੋ ਕੋਈ ਉਸਨੂੰ ਦੇਖ ਨਾ ਸਕੇ। ਹਾਲਾਂਕਿ ਪੁਲਿਸ ਫ਼ਿਰੋਜ਼ ਦਾ ਕੋਈ ਅਪਰਾਧਿਕ ਰਿਕਾਰਡ ਨਹੀਂ ਲੱਭ ਸਕੀ। ਪਰ ਫਿਰ ਵੀ ਪੁਲਿਸ ਉਸ ਤੋਂ ਪੁੱਛਗਿੱਛ ਕਰ ਰਹੀ ਹੈ।