ਅਵੰਤੀਪੋਰਾ ਵਿੱਚ ਇਸਲਾਮਿਕ ਯੂਨੀਵਰਸਿਟੀ ਤੋਂ ਬਿਜ਼ਨਸ ਐਡਮਿਨਿਸਟਰੇਸ਼ਨ ਵਿਚ ਮਾਸਟਰਜ਼ ਕਰਨ ਵਾਲੇ ਅਤੇ ਸਟ੍ਰੈਟਜਿਕ ਮੈਨੇਜਮੈਂਟ ਵਿੱਚ ਪੀ.ਐਚ.ਡੀ. ਕਰ ਰਹੇ ਫੌਜੁਲ ਕਬੀਰ ਦੇ ਕਸ਼ਮੀਰੀ ਵਿਲੋ ਤੋਂ ਬਣੇ ਕ੍ਰਿਕਟ ਬੱਲੇ ਦੀ ਵਰਤੋਂ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈ. ਸੀ. ਸੀ.) ਨੇ ਮਨਜ਼ੂਰੀ ਦੇ ਦਿੱਤੀ ਹੈ। ਦਸ ਦਈਏ ਕਿ ਫੌਜੁਲ ਕਬੀਰ ਨੇ ਪਿਤਾ ਅਬਦੁਲ ਕਬੀਰ ਦੀ ਮੌਤ ਤੋਂ ਬਾਅਦ 7 ਸਾਲਾਂ ਤੋਂ ਵੱਧ ਸਮੇਂ ਤੱਕ ਲੜਾਈ ਲੜੀ, ਜਿਨ੍ਹਾਂ ਨੇ ਅਨੰਤਨਾਗ ਵਿਚ ਸੰਗਮ ਵਿਖੇ ਜੀ.ਆਰ. 8 ਸਪੋਰਟਸ ਮੈਨੂਫੈਕਚਰਿੰਗ ਯੂਨਿਟ ਦੀ ਸਥਾਪਨਾ ਕੀਤੀ।
ਇਸ ਤੋਂ ਪਹਿਲਾ ਕਸ਼ਮੀਰੀ ਵਿਲੋ, ‘ਸੈਲਿਕਸ ਐਲਬਾ’ ਦੀ ਲੱਕੜ ਨਾਲ ਬਣੇ ਉਨ੍ਹਾਂ ਦੇ ਬੱਲੇ ਦੀ ਵਰਤੋਂ ਓਮਾਨ ਦੇ 2 ਖਿਡਾਰੀਆਂ ਨਸੀਮ ਖੁਸ਼ੀ ਅਤੇ ਬਿਲਾਲ ਖਾਨ ਨੇ ਅਕਤੂਬਰ 2021 ਵਿਚ ਦੁਬਈ ਕ੍ਰਿਕਟ ਸਟੇਡੀਅਮ ਵਿਚ ਬੰਗਲਾਦੇਸ਼ ਵਿਰੁੱਧ ਟੀ-20 ਵਿਸ਼ਵ ਕੱਪ ਮੈਚ ਦੌਰਾਨ ਕੀਤੀ ਸੀ।
ਉਨ੍ਹਾਂ ਦਿਨਾਂ ਨੂੰ ਯਾਦ ਕਰਦੇ ਹੋਏਕਬੀਰ ਨੇ ਕਿਹਾ,, ਜਦੋਂ ਦੁਬਈ ਵਿਚ ‘ਮੇਡ ਇਨ ਕਸ਼ਮੀਰ’ ਕ੍ਰਿਕਟ ਉਤਪਾਦ ਵਰਤੇ ਜਾ ਰਹੇ ਸਨ। ‘ਇਹ ਨਾ ਸਿਰਫ਼ ਮੇਰੇ ਲਈ ਸਗੋਂ ਪੂਰੇ ਕਸ਼ਮੀਰ ਲਈ ਭਾਵੁਕ ਪਲ ਸੀ।’
