ਭਾਰਤੀ ਸਿੰਘ ਨਾ ਸਿਰਫ਼ ਇੱਕ ਵਧੀਆ ਕਾਮੇਡੀਅਨ ਹੈ ਬਲਕਿ ਉਹ ਕਈ ਸ਼ੋਅਜ਼ ਵਿੱਚ ਐਂਕਰ ਵੀ ਰਹਿ ਚੁੱਕੀ ਹੈ। ਉਸ ਦੀ ਐਂਕਰਿੰਗ ਨੂੰ ਖੂਬ ਪਸੰਦ ਕੀਤਾ ਜਾਂਦਾ ਹੈ। ਭਾਰਤੀ ਸਿੰਘ ਗਰਭਵਤੀ ਹੈ ਅਤੇ ਉਹ ਕਲਰਸ ਚੈਨਲ ਦੇ ਸ਼ੋਅ ‘ਹੁਨਰਬਾਜ਼- ਦੇਸ਼ ਦੀ ਸ਼ਾਨ’ ਦੀ ਐਂਕਰ ਕਰਨ ਜਾ ਰਹੀ ਹੈ। ਇਸ ‘ਚ ਉਨ੍ਹਾਂ ਨਾਲ ਹਰਸ਼ ਲਿੰਬਾਚਿਆ ਵੀ ਨਜ਼ਰ ਆਉਣਗੇ। ਭਾਰਤੀ ਨੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਉਹ ਆਪਣੇ ਆਪ ਨੂੰ ਦੇਸ਼ ਦੀ ਪਹਿਲੀ ਗਰਭਵਤੀ ਐਂਕਰ ਦੱਸ ਰਹੀ ਹੈ ਅਤੇ ਨਾਲ ਹੀ ਕਹਿ ਰਹੀ ਹੈ ਕਿ ਦੋ ਲੋਕਾਂ ਦੀ ਫੀਸ ਲਈ ਉਸ ਨੂੰ ਤਿੰਨ ਲਈ ਕੰਮ ਕਰਵਾਇਆ ਜਾ ਰਿਹਾ ਹੈ।
https://www.instagram.com/p/CY4DSPVFAxF/?utm_source=ig_embed&utm_campaign=embed_video_watch_again
ਇਹ ਗੱਲ ਉਨ੍ਹਾਂ ਨੇ ਆਉਣ ਵਾਲੇ ਸ਼ੋਅ ਦੇ ਪ੍ਰੋਮੋ ‘ਚ ਕਹੀ ਹੈ। ਭਾਰਤੀ ਅਤੇ ਉਸ ਦੇ ਪਤੀ ਹਰਸ਼ ਲਿੰਬਾਚੀਆ ਸ਼ੋਅ ਨੂੰ ਹੋਸਟ ਕਰ ਰਹੇ ਹਨ। ਸ਼ੋਅ ‘ਹੁਨਰਬਾਜ਼ ਦੇਸ਼ ਦੀ ਸ਼ਾਨ’ 22 ਜਨਵਰੀ ਤੋਂ ਸ਼ੁਰੂ ਹੋਵੇਗਾ। ਇਸ ਵੀਡੀਓ ਨੂੰ ਕਲਰਸ ਚੈਨਲ ਨੇ ਆਪਣੇ ਆਫੀਸ਼ੀਅਲ ਪੇਜ਼ ‘ਤੇ ਸ਼ੇਅਰ ਕੀਤਾ ਹੈ। ਇਸ ਪ੍ਰੋਮੋ ਦੇ ਕੈਪਸ਼ਨ ‘ਚ ਲਿਖਿਆ ਹੈ, ‘ਹੁਨਰਬਾਜ਼’ ਦੇ ਮੰਚ ‘ਤੇ ਆ ਰਹੀ ਹੈ ਭਾਰਤ ਦੀ ਪਹਿਲੀ ਗਰਭਵਤੀ ਐਂਕਰ, ਭਾਰਤੀ ਆਪਣੀ ਮਿਹਨਤ ਨਾਲ ਪੂਰੇ ਦੇਸ਼ ਦੀ ਸੋਚ ਬਦਲ ਰਹੀ ਹੈ।
https://www.instagram.com/p/CY6tcIvBLSL/
ਭਾਰਤੀ ਸਿੰਘ ਦਾ ਕਹਿਣਾ ਹੈ ਕਿ ਉਹ ਸ਼ੋਅ ਨੂੰ ਲੈ ਕੇ ਚਿੰਤਤ ਅਤੇ ਉਤਸ਼ਾਹਿਤ ਹੈ। ਉਸ ਦਾ ਕਹਿਣਾ ਹੈ ਕਿ ਇੱਕ ਵਾਰ ਸ਼ੂਟਿੰਗ ਪੂਰੀ ਹੋ ਜਾਵੇ ਤਾਂ ਚਿੰਤਾ ਖ਼ਤਮ ਹੋ ਜਾਂਦੀ ਹੈ। ਇਸ ਵੀਡੀਓ ਦੇ ਵਿੱਚ ਸ਼ੋਅ ਦੀ ਸ਼ੂਟਿੰਗ ਦੇ ਪਹਿਲੇ ਦਿਨ ਭਾਰਤੀ ਆਪਣੀ ਵੈਨਿਟੀ ਵੈਨ ਵਿੱਚ ਤਿਆਰ ਹੁੰਦੀ ਹੋਈ ਵਿਖਾਈ ਦੇ ਰਹੀ ਹੈ। ਇਸ ਵੀਡੀਓ ਦੇ ਵਿੱਚ ਭਾਰਤੀ ਕਹਿ ਰਹੀ ਹੈ ਕਿ ਉਹ ਇਸ ਹਾਲਤ ਵਿੱਚ ਆਰਾਮ ਦੀ ਬਜਾਏ ਕੰਮ ਕਰ ਰਹੀ ਹੈ। ਕਿਉਂਕਿ ਉਹ ਲੋਕਾਂ ਤੇ ਖ਼ਾਸ ਕਰ ਔਰਤਾਂ ਦੀ ਸੋਚ ਨੂੰ ਬਦਲਣਾ ਚਾਹੁੰਦੀ ਹੈ ਕਿ ਅਜਿਹੀ ਹਾਲਤ ਵਿੱਚ ਕੰਮ ਨਹੀਂ ਕੀਤਾ ਜਾ ਸਕਦਾ, ਪਰ ਜੇਕਰ ਤੁਹਾਡੀ ਪ੍ਰੈਗਨੈਂਸੀ ਨਾਰਮਲ ਹੈ ਤਾਂ ਤੁਸੀਂ ਆਪਣਾ ਖਿਆਲ ਰੱਖਦੇ ਹੋਏ ਹਰ ਕੰਮ ਕਰ ਸਕਦੇ ਹੋ।
