ਸੰਘਣੇ ਤੇ ਖੂਬਸੂਰਤ ਵਾਲ਼ ਸਭ ਨੂੰ ਪਸੰਦ ਹਨ। ਹਰ ਕੋਈ ਆਪਣੇ ਵਾਲ਼ਾਂ ਨੂੰ ਸਿਹਤਮੰਦ ਬਣਾਉਣ ਲਈ ਮਹਿੰਗੇ- ਮਹਿੰਗੇ ਟ੍ਰੀਟਮੈਂਟ ਕਰਵਾਉਂਦਾ ਹੈ। ਵਾਲ਼ਾਂ ਵਿੱਚ ਸਿੱਕਰੀ, ਝੜਨਾਂ ਜਾਂ ਰੁੱਖੇ ਵਾਲ਼ ਕਿਸੇ ਨੂੰ ਪਸੰਦ ਨਹੀਂ, ਪਰ ਇਹ ਸਮੱਸਿਆਵਾਂ ਆਮ ਹਨ। ਕੁਝ ਜੜ੍ਹੀਆਂ ਬੂਟੀਆਂ ਹਨ ਜੋ ਵਾਲ਼ਾਂ ਦੀ ਸਿਹਤ ਲਈ ਕਾਫੀ ਫਾਇਦੇਮੰਦ ਹੁੰਦੀਆਂ ਹਨ, ਜੋ ਹੇਠ ਲਿਖੇ ਅਨੁਸਾਰ ਹੈ –
ਐਲੋਵੇਰਾ – ਐਲੋਵੇਰਾ ਘਰਾਂ ‘ਚ ਆਮ ਤੌਰ ‘ਤੇ ਪਾਇਆ ਜਾਣ ਵਾਲਾ ਪੌਦਾ ਹੈ, ਪਰ ਇਹ ਗੁਣਾਂ ਦਾ ਭੰਡਾਰ ਹੈ। ਇਸ ਵਿਚ ਕਈ ਗੁਣ ਹੁੰਦੇ ਹਨ ਜੋ ਤੁਹਾਡੇ ਵਾਲ਼ਾਂ ਦੀ ਸਿਹਤ ਲਈ ਕਾਫੀ ਫਾਇਦੇਮੰਦ ਹੁੰਦੇ ਹਨ। ਇਹ ਵਾਲ਼ਾਂ ਦਾ ਝੜਨਾ ਘਟਾਉਂਦਾ ਹੈ ਕਿਉਂਕਿ ਇਸ ਵਿਚ ਵਿਟਾਮਿਨ ਏ, ਸੀ ਤੇ ਈ ਪਾਇਆ ਜਾਂਦਾ ਹੈ। ਇਹ ਸਕੈਲਪ ਨੂੰ ਪੋਸ਼ਣ ਦਿੰਦਾ ਹੈ ਜਿਸ ਨਾਲ ਵਾਲ਼ਾਂ ਦੇ ਝੜਨ ਦੀ ਸਮੱਸਿਆ ਘੱਟ ਹੁੰਦੀ ਹੈ। ਇਸ ਦੇ ਨਾਲ ਹੀ ਇਹ ਵਾਲ਼ਾਂ ਨੂੰ ਮੁਲਾਇਮ ਬਣਾਉਂਦਾ ਹੈ, ਇਸ ਲਈ ਤੁਸੀਂ ਇਸਨੂੰ ਕੁਦਰਤੀ ਕੰਡੀਸ਼ਨਰ ਦੇ ਤੌਰ ‘ਤੇ ਵੀ ਵਰਤ ਸਕਦੇ ਹੋ।
ਆਂਵਲਾ, ਸ਼ਿਕਾਕਾਈ – ਆਂਵਲੇ ਦਾ ਨਾਂ ਸੁਣਦਿਆਂ ਹੀ ਸਭ ਤੋਂ ਪਹਿਲਾਂ ਜੋ ਗੱਲ ਦਿਮਾਗ ‘ਚ ਆਉਂਦੀ ਹੈ ਉਹ ਹੈ ਇਸਦਾ ਖੱਟਾ ਸਵਾਦ। ਇਸ ਵਿਚ ਵਿਟਾਮਿਨ ਸੀ ਵੱਡੀ ਮਾਤਰਾ ‘ਚ ਹੁੰਦਾ ਹੈ। ਇਸ ਕਾਰਨ ਇਸ ‘ਚ ਐਂਟੀ-ਆਕਸੀਡੈਂਟ ਵੀ ਭਰਪੂਰ ਮਾਤਰਾ ‘ਚ ਪਾਏ ਜਾਂਦੇ ਹਨ, ਇਹ ਵਾਲਾਂ ਦੀ ਗ੍ਰੋਥ ਵਧਾਉਂਦਾ ਹੈ। ਇਸ ਦੇ ਨਾਲ ਹੀ ਇਹ ਵਾਲ਼ਾਂ ਨੂੰ ਗ੍ਰੇਅ ਹੋਣ ਤੋਂ ਵੀ ਰੋਕਦਾ ਹੈ।
ਤੁਲਸੀ – ਤੁਲਸੀ ਅਜਿਹਾ ਪੌਦਾ ਹੈ ਜੋ ਸਾਰੇ ਘਰਾਂ ਵਿੱਚ ਆਸਾਨੀ ਨਾਲ ਪਾਇਆ ਜਾਂਦਾ ਹੈ। ਇਹ ਸਿਹਤ ਲਈ ਓਨਾ ਹੀ ਜ਼ਰੂਰੀ ਹੈ ਜਿੰਨਾ ਧਾਰਮਿਕ ਕੰਮਾਂ ਲਈ। ਇਸ ਦੇ ਨਾਲ ਹੀ ਇਹ ਸਿਰ ਦੀ ਖੁਜਲੀ ਨੂੰ ਘਟਾਉਂਦਾ ਹੈ ਅਤੇ ਵਾਲ਼ਾਂ ਦੇ ਝੜਨ ਦੀ ਸਮੱਸਿਆ ਤੋਂ ਵੀ ਰਾਹਤ ਦਿਵਾਉਂਦਾ ਹੈ।
