ਬੇਰੂਤ 15 ਅਕਤੂਬਰ 2023 (ਬਲਜੀਤ ਮਰਵਾਹਾ) : ਇਜ਼ਰਾਈਲ ਤੇ ਹਮਾਸ ’ਚ ਚਲ ਰਿਹਾ ਯੁੱਧ ਹੋਰ ਵਿਨਾਸ਼ਕਾਰੀ ਹੋ ਸਕਦਾ ਹੈ। ਯੁੱਧ ’ਚ ਹੁਣ ਇਰਾਨ ਵੀ ਆ ਸਕਦਾ ਹੈ। ਇਰਾਨੀ ਵਿਦੇਸ਼ ਮੰਤਰੀ ਹੋਸੈਨ ਅਮੀਰਬਦੁੱਲਾਹੀਅਨ ਨੇ ਬੀਤੀ ਰਾਤ ਕਤਰ ’ਚ ਹਮਾਸ ਨੇਤਾ Ismail Haniyeh ਨਾਲ ਮੁਲਾਕਾਤ ਕਰ ਇਸ ਦਾ ਸੰਦੇਸ਼ ਦਿੱਤਾ
ਹਮਾਸ ਨੂੰ ਸਹਿਯੋਗ ਦੇਣ ਦੀ ਕਹੀ ਗੱਲ
ਉੱਧਰ ਦੇ ਮੀਡੀਆ ਅਨੁਸਾਰ, ਈਰਾਨ ਦੇ ਨੇਤਾ (ਇਜ਼ਰਾਈਲ ਹਮਾਸ ਯੁੱਧ ਵਿੱਚ ਈਰਾਨ) ਹਮਾਸ ਤੇ ਫਲਸਤੀਨੀ ਲੋਕਾਂ ਦੇ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨ ’ਚ ਸਹਿਯੋਗ ਕਰਨ ਲਈ ਸਹਿਮਤ ਹੋਏ। ਗਾਜ਼ਾ ਪੱਟੀ ਵਿੱਚ ਹਮਾਸ ਤੇ ਇਜ਼ਰਾਈਲ ਵਿਚਾਲੇ ਚੱਲ ਰਹੀ ਜੰਗ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ। ਦੱਖਣੀ ਇਜ਼ਰਾਈਲ ‘ਤੇ ਹਮਾਸ ਦੇ ਹਮਲੇ ਤੋਂ ਬਾਅਦ ਈਰਾਨੀ ਅਧਿਕਾਰੀਆਂ ਨਾਲ Haniyeh ਦੀ ਇਹ ਪਹਿਲੀ ਅਧਿਕਾਰਤ ਬੈਠਕ ਸੀ।
ਹਮਾਸ ਬੋਲਿਆ- ਹੁਣ ਇਤਿਹਾਸ ਬਦਲੇਗਾ
ਸਥਾਨਕ ਮੀਡੀਆ ਨੇ ਹਮਾਸ ਦੇ ਹਵਾਲੇ ਨਾਲ ਕਿਹਾ ਕਿ ਦੋਵੇਂ ਨੇਤਾ ਇਜ਼ਰਾਈਲ ਨੂੰ ਸਬਕ ਸਿਖਾਉਣ ਲਈ ਸਹਿਮਤ ਹੋਏ ਹਨ। ਇਸ ਲੜਾਈ ਤੋਂ ਬਾਅਦ ਨਵਾਂ ਇਤਿਹਾਸ ਰਚਿਆ ਜਾਵੇਗਾ ਜੋ ਪਹਿਲਾਂ ਵਰਗਾ ਨਹੀਂ ਰਹੇਗਾ।
ਈਰਾਨ ਨੇ ਇਜ਼ਰਾਈਲ ਸੈਨਿਕਾਂ ਦੀ ਹੱਤਿਆ ਨੂੰ ‘ਗੌਰਵਸ਼ਾਲੀ’ ਦੱਸਿਆ
ਸਥਾਨਕ ਮੀਡੀਆ ਮੁਤਾਬਿਕ ਅਮੀਰਬਦੁੱਲਾਹੀਅਨ ਨੇ ਦੱਖਣੀ ਇਜ਼ਰਾਈਲ ’ਚ ਹਮਾਸ ਦੁਆਰਾ ਸੈਨਿਕਾਂ ਦੀ ਹੱਤਿਆ ਤੇ ਨਾਗਰਿਕਾਂ ਦੇ ਅਗਵਾ ਨੂੰ ‘ਗੌਰਵਸ਼ਾਲੀ’ ਕਿਹਾ ਹੈ। ਜ਼ਿਕਰਯੋਗ ਹੈ ਕਿ ਇਜ਼ਰਾਇਲ ਲਗਾਤਾਰ ਦੋਸ਼ ਲਗਾਉਂਦਾ ਰਿਹਾ ਹੈ ਕਿ ਹਮਲੇ ’ਚ ‘ਇਰਾਨੀ ਹੱਥ’ ਹੈ।
ਭਾਰਤ ‘ਚ ਇਜ਼ਰਾਈਲ ਦੇ ਰਾਜਦੂਤ ਨਾਓਰ ਗਿਲੋਨ ਨੇ ਵੀਰਵਾਰ ਨੂੰ ਕਿਹਾ ਕਿ ਇਸ ਵਹਿਸ਼ੀ ਹਮਲੇ ‘ਚ ਈਰਾਨ ਸ਼ਾਮਲ ਸੀ ਤੇ ਦਾਅਵਾ ਕੀਤਾ ਕਿ ਈਰਾਨ ਹਮਾਸ ਨੂੰ ਹਥਿਆਰਾਂ ਦੀ ਸਿਖਲਾਈ ਵੀ ਦੇ ਰਿਹਾ ਹੈ।
ਇਸ ਤੋਂ ਪਹਿਲਾਂ ਈਰਾਨ ਦੇ ਸੁਪਰੀਮ ਲੀਡਰ ਅਯਾਤੁੱਲਾ ਸੱਯਦ ਅਲੀ ਖਮੇਨੀ ਨੇ ਹਮਾਸ ਦੇ ਹਮਲੇ ਦਾ ਸਮਰਥਨ ਕਰਦੇ ਹੋਏ ਕਿਹਾ ਸੀ ਕਿ ਇਜ਼ਰਾਈਲ ਨੂੰ ਫੌਜੀ ਤੇ ਖੁਫੀਆ ਦੋਵਾਂ ਪੱਖੋਂ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਹਾਲਾਂਕਿ, ਈਰਾਨੀ ਨੇਤਾ ਨੇ ਕਿਹਾ ਕਿ ਉਹ ਹਮਾਸ ਦੁਆਰਾ ਕੀਤੇ ਗਏ ਹਮਲਿਆਂ ਵਿੱਚ ਸ਼ਾਮਲ ਨਹੀਂ ਸੀ।