ਲੁਧਿਆਣਾ, 23 ਜਨਵਰੀ 2022 – ਸੰਯੁਕਤ ਸਮਾਜ ਮੋਰਚਾ ਵੱਲੋਂ 8 ਹੋਰ ਉਮੀਦਵਾਰਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਜਿਹਨਾਂ ‘ਚ ਰਸ਼ਪਾਲ ਸਿੰਘ ਰਾਜੂ ਚੱਬੇਵਾਲ ਤੋਂ, ਬਾਬਾ ਚਮਕੌਰ ਸਿੰਘ ਬਠਿੰਡਾ ਦਿਹਾਤੀ ਤੋਂ, ਬੰਗਾ ਤੋਂ ਰਾਜ ਕੁਮਾਰ ਮਾਹਲ ਖੁਰਦ, ਫਗਵਾੜਾ ਤੋਂ ਖੁਸ਼ੀ ਰਾਮ ਸਾਬਕਾ ਆਈ.ਏ.ਐਸ., ਗੜਸ਼ੰਕਰ ਤੋਂ ਡਾ. ਜੰਗ ਬਹਾਦਰ ਸਿੰਘ ਰਾਏ, ਮੁਕੇਰੀਆਂ ਤੋਂ ਜਸਵੰਤ ਸਿੰਘ ਰੰਧਾਵਾ, ਗੋਰਾ ਸਿੰਘ ਭਦੌੜ ਤੋਂ ਅਤੇ ਜਗਰਾਓਂ ਤੋਂ ਕੁਲਦੀਪ ਸਿੰਘ ਡੱਲਾ ਨੂੰ ਟਿਕਟ ਦਿੱਤੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਸੰਯੁਕਤ ਸਮਾਜ ਮੋਰਚੇ ਵੱਲੋਂ ਪਹਿਲੀ ਲਿਸਟ ‘ਚ 57 ਉਮੀਦਵਾਰਾਂ ਦਾ ਐਲ਼ਾਨ ਕੀਤਾ ਗਿਆ ਸੀ ਅਤੇ ਦੂਜੀ ਲਿਸਟ ‘ਚ 35 ਉਮੀਦਵਾਰਾਂ ਦਾ ਨਾਂ ਸਾਹਮਣੇ ਆਇਆ ਸੀ ਅਤੇ ਅੱਜ 8 ਹੋਰ ਉਮੀਦਵਾਰਾਂ ਦਾ ਐਲ਼ਾਨ ਕਰ ਦਿੱਤਾ ਗਿਆ ਹੈ। ਦੂਜੇ ਪਾਸੇ ਸੰਯੁਕਤ ਸਮਾਜ ਮੋਰਚੇ ਗਠਜੋੜ ਵਾਲੀ ਪਾਰਟੀ ਸੰਯੁਕਤ ਸੰਘਰਸ਼ ਮੋਰਚੇ ਵੱਲੋਂ 10 (ਚੜੂਨੀ ਦੀ ਪਾਰਟੀ) ਉਮੀਦਵਾਰਾਂ ਦਾ ਐਲ਼ਾਨ ਕਰ ਦਿੱਤਾ ਗਿਆ ਸੀ। ਕੁੱਲ ਦੋਵਾਂ ਪਾਰਟੀਆਂ ਵੱਲੋਂ 110 ਉਮੀਦਵਾਰ ਐਲ਼ਾਨੇ ਜਾ ਚੁੱਕੇ ਹਨ। ਸੰਯੁਕਤ ਸਮਾਜ ਮੋਰਚੇ ਨੇ ਕਿਹਾ ਹੈ ਕ ਬਾਕੀ ਉਮੀਦਵਾਰਾਂ ਦਾ ਐਲਾਨ ਵੀ ਜਲਦੀ ਹੀ ਕਰ ਦਿੱਤਾ ਜਾਵੇਗਾ।
