ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਕੈਲੀਫੋਰਨੀਆ ਵਿੱਚ ਟੇਸਲਾ ਦੀ ਨਿਰਮਾਣ ਸਹੂਲਤ ਦਾ ਦੌਰਾ ਕੀਤਾ। ਹਾਲਾਂਕਿ ਇਸ ਦੌਰਾਨ ਕੰਪਨੀ ਦੇ ਮਾਲਕ ਐਲੋਨ ਮਸਕ ਮੌਜੂਦ ਨਹੀਂ ਸਨ। ਮਸਕ ਨੇ ਇੱਕ ਐਕਸ ਪੋਸਟ ਵਿੱਚ ਲਿਖਿਆ- ‘ਟੇਸਲਾ ਵਿੱਚ ਤੁਹਾਡਾ ਹੋਣਾ ਸਨਮਾਨ ਦੀ ਗੱਲ ਹੈ! ਮੈਨੂੰ ਅੱਜ ਕੈਲੀਫੋਰਨੀਆ ਨਾ ਆਉਣ ਲਈ ਅਫ਼ਸੋਸ ਹੈ, ਪਰ ਮੈਂ ਭਵਿੱਖ ‘ਚ ਜਲਦ ਮਿਲਣ ਦੀ ਉਮੀਦ ਕਰਦਾ ਹਾਂ।
ਪੀਯੂਸ਼ ਗੋਇਲ ਨੇ ਫੋਟੋਆਂ ਸਾਂਝੀਆਂ ਕਰਦੇ ਹੋਏ X (ਟਵਿੱਟਰ) ‘ਤੇ ਲਿਖਿਆ – ਪ੍ਰਤਿਭਾਸ਼ਾਲੀ ਭਾਰਤੀ ਇੰਜੀਨੀਅਰਾਂ ਅਤੇ ਵਿੱਤ ਪੇਸ਼ੇਵਰਾਂ ਨੂੰ ਸੀਨੀਅਰ ਅਹੁਦਿਆਂ ‘ਤੇ ਕੰਮ ਕਰਦੇ ਹੋਏ ਅਤੇ ਟੇਸਲਾ ਦੀ ਸ਼ਾਨਦਾਰ ਯਾਤਰਾ ਵਿਚ ਯੋਗਦਾਨ ਪਾਉਂਦੇ ਹੋਏ ਦੇਖ ਕੇ ਬਹੁਤ ਖੁਸ਼ੀ ਹੋਈ। ਗੋਇਲ ਨੇ ਕਿਹਾ- ‘ਮਸਕ ਦੀ ਮੌਜੂਦਗੀ ਤੋਂ ਖੁੰਝ ਗਿਆ ਅਤੇ ਮੈਂ ਉਨ੍ਹਾਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦਾ ਹਾਂ।’
ਦੱਸ ਦਈਏ ਕਿ ਬੀਤੇ ਦਿਨੀ ਸਮਾਚਾਰ ਏਜੰਸੀ ਰਾਇਟਰਸ ਨੇ ਸੂਤਰਾਂ ਦੇ ਹਵਾਲੇ ਨਾਲ ਕਿਹਾ ਸੀ ਕਿ ਮਸਕ ਅਤੇ ਗੋਇਲ ਵਿਚਾਲੇ ਬੈਠਕ ਦਾ ਫੋਕਸ ਭਾਰਤ ‘ਚ ਫੈਕਟਰੀ ਲਗਾਉਣ ਦੀ ਟੇਸਲਾ ਦੀ ਯੋਜਨਾ ‘ਤੇ ਹੋਵੇਗਾ। ਇਸ ਦੇ ਨਾਲ ਹੀ ਚਾਰਜਿੰਗ ਬੁਨਿਆਦੀ ਢਾਂਚੇ ਨੂੰ ਵਿਕਸਤ ਕਰਨ ‘ਤੇ ਵੀ ਚਰਚਾ ਹੋ ਸਕਦੀ ਹੈ।
