ਟਾਈਗਰ 3 ਦੇ ਬਾਕਸ ਆਫਿਸ ਨਤੀਜਿਆਂ ਤੋਂ ਬਾਅਦ ਇਹ ਸਾਫ ਹੋ ਗਿਆ ਹੈ ਕਿ ਸਲਮਾਨ ਦਾ ਅਗਲਾ ਪ੍ਰੋਜੈਕਟ ਕਰਨ ਜੌਹਰ ਨਾਲ ਹੀ ਹੋਵੇਗਾ ਅਤੇ ਉਹ ਨਿਰਦੇਸ਼ਕ ਵਿਸ਼ਨੂੰਵਰਧਨ ਦੀ ਫਿਲਮ ਵਿੱਚ ਨਜ਼ਰ ਆਉਣਗੇ। ਟਾਈਗਰ 3 ਨੂੰ ਹੌਟ ਰੱਖਣ ਲਈ ਸਲਮਾਨ ਖਾਨ ਇਨ੍ਹੀਂ ਦਿਨੀਂ ਮੀਡੀਆ ‘ਚ ਇੰਟਰਵਿਊ ਦੇ ਰਹੇ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਸਲਮਾਨ ਨੇ ਪੁਸ਼ਟੀ ਕੀਤੀ ਹੈ ਕਿ ਉਨ੍ਹਾਂ ਦੀ ਅਗਲੀ ਫਿਲਮ ‘ਦ ਬੁੱਲ’ ਹੋਵੇਗੀ। ਸਲਮਾਨ ਨੇ ਆਪਣੀ ਆਉਣ ਵਾਲੀ ਲਾਈਨਅੱਪ ਦੀ ਵੀ ਲਗਭਗ ਪੁਸ਼ਟੀ ਕਰ ਦਿੱਤੀ ਹੈ।
‘ਦਿ ਬੁੱਲ’ ਉਹੀ ਫਿਲਮ ਹੈ ਜਿਸ ਨੂੰ ਕਰਨ ਜੌਹਰ ਪ੍ਰੋਡਿਊਸ ਕਰ ਰਹੇ ਹਨ। ‘ਸ਼ੇਰਸ਼ਾਹ’ ਫੇਮ ਵਿਸ਼ਨੂੰ ਵਰਧਨ ਇਸ ਫਿਲਮ ਦਾ ਨਿਰਦੇਸ਼ਨ ਕਰਨਗੇ। ਸਲਮਾਨ ਖਾਨ ਦੇ 35 ਸਾਲ ਤੋਂ ਵੱਧ ਲੰਬੇ ਕਰੀਅਰ ਦੀ ਇਹ ਪਹਿਲੀ ਬਾਇਓਪਿਕ ਹੈ। ਇਸ ਤੋਂ ਪਹਿਲਾਂ ਉਹ ‘ਬਲੈਕ ਟਾਈਗਰ’ ਨਾਂ ਦੀ ਬਾਇਓਗ੍ਰਾਫਿਕਲ ਫਿਲਮ ‘ਚ ਕੰਮ ਕਰਨ ਜਾ ਰਹੇ ਸਨ। ਪਰ ਕੁਝ ਕਾਰਨਾਂ ਕਰਕੇ ਇਹ ਫਿਲਮ ਨਹੀਂ ਬਣ ਸਕੀ।
ਮੀਡੀਆ ‘ਚ ਹੋ ਰਹੀ ਚਰਚਾ ਮੁਤਾਬਕ ‘ਦਿ ਬੁੱਲ’ ਇਕ ਸੱਚੀ ਘਟਨਾ ‘ਤੇ ਆਧਾਰਿਤ ਫਿਲਮ ਹੋਵੇਗੀ, ਜਿਸ ‘ਚ ਸਲਮਾਨ ਬ੍ਰਿਗੇਡੀਅਰ ਫਾਰੂਕ ਬਲਸਾਰਾ ਦਾ ਕਿਰਦਾਰ ਨਿਭਾਉਣਗੇ। ਬ੍ਰਿਗੇਡੀਅਰ ਬਲਸਾਰਾ ਮਾਲਦੀਵ ਵਿੱਚ ਆਪਰੇਸ਼ਨ ਕੈਕਟਸ ਦੇ ਆਗੂ ਸਨ। ਇਹ ਕਹਾਣੀ 1988 ਦੀਆਂ ਘਟਨਾਵਾਂ ਬਾਰੇ ਦੱਸੇਗੀ। ਸਲਮਾਨ ਲੰਬੇ ਸਮੇਂ ਤੋਂ ਸਿਪਾਹੀ ਦੇ ਕਿਰਦਾਰ ‘ਚ ਨਜ਼ਰ ਨਹੀਂ ਆ ਆਏ ਹਨ। ਉਹ ਨਿਰਦੇਸ਼ਕ ਸਮੀਰ ਕਾਰਨਿਕ ਦੀ ਫਿਲਮ ਹੀਰੋਜ਼ ਵਿੱਚ ਇੱਕ ਸਿਪਾਹੀ ਦੇ ਰੂਪ ਵਿੱਚ ਨਜ਼ਰ ਆਏ ਸਨ।