ਕੌਫੀ ਵਿਦ ਕਰਨ 8 ਦੇ ਅਗਲੇ ਐਪੀਸੋਡ ਵਿੱਚ ਵਿੱਕੀ ਕੌਸ਼ਲ ਅਤੇ ਕਿਆਰਾ ਅਡਵਾਨੀ ਇਕੱਠੇ ਨਜ਼ਰ ਆਉਣਗੇ। ਇਸ ਗੱਲ ਨੂੰ ਕਰਨ ਜੌਹਰ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਸ਼ੇਅਰ ਕੀਤਾ ਹੈ। ਵੀਡੀਓ ਵਿੱਚ, ਹੋਸਟ ਕਰਨ ਨੇ ਦੋਵਾਂ ਅਦਾਕਾਰਾਂ ਦੀ ਜਾਣ-ਪਛਾਣ ਕਰਦੇ ਹੋਏ ਕਿਹਾ – ‘ਪਲੀਜ਼ ਵੈਲਕਮ ਬਿਊਟੀ ਅਤੇ ਬਹਾਦੁਰ – ਕਿਆਰਾ ਅਡਵਾਨੀ ਅਤੇ ਵਿੱਕੀ ਕੌਸ਼ਲ।
ਇਸ ਐਪੀਸੋਡ ‘ਚ ਕਿਆਰਾ ਅਤੇ ਵਿੱਕੀ ਕਾਲੇ ਰੰਗ ਦੇ ਪਹਿਰਾਵੇ ‘ਚ ਨਜ਼ਰ ਆਉਣਗੇ। ਪ੍ਰੋਮੋ ਦੀ ਸ਼ੁਰੂਆਤ ‘ਚ ਵਿੱਕੀ ਨੇ ਕਰਨ ਨੂੰ ਦੱਸਿਆ ਕਿ ਉਹ ਉਹਨਾਂ ਦੇ ਸ਼ੋਅ ‘ਚ ਸ਼ੁੱਧੀ ਕਰਨ ਆਇਆ ਹੈ। ਇਸ ਤੋਂ ਬਾਅਦ ਕਿਆਰਾ ਪਿਛਲੇ ਸੀਜ਼ਨ ਨੂੰ ਯਾਦ ਕਰਦੇ ਹੋਏ ਕਹਿੰਦੀ ਹੈ ਕਿ ਜਦੋਂ ਸਿਧਾਰਥ ਪਿਛਲੀ ਵਾਰ ਵਿੱਕੀ ਦੇ ਨਾਲ ਇੱਕੋ ਸੋਫੇ ‘ਤੇ ਬੈਠੇ ਸਨ ਤਾਂ ਉਹ ਰੋਮ ਤੋਂ ਵਾਪਸ ਆਏ ਸਨ। ਉਸ ਟ੍ਰਿਪ ‘ਤੇ, ਸਿਧਾਰਥ (ਜੋ ਕਿ ਹੁਣ ਕਿਆਰਾ ਦਾ ਪਤੀ ਹੈ) ਨੇ ਉਸ ਨੂੰ ਪ੍ਰਪੋਜ਼ ਕੀਤਾ
ਸ਼ੋਅ ਦੇ ਦੂਜੇ ਭਾਗ ਵਿੱਚ, ਜਦੋਂ ਕਰਨ ਨੇ ਵਿੱਕੀ ਨੂੰ ਪੁੱਛਿਆ ਕਿ ਉਸਦੀ ਪਤਨੀ ਕੈਟਰੀਨਾ ਕੈਫ ਉਸਨੂੰ ਕਿਸ ਨਾਮ ਨਾਲ ਬੁਲਾਉਂਦੀ ਹੈ। ਤਾਂ ਵਿੱਕੀ ਨੇ ਜਵਾਬ ਦਿੱਤਾ, ‘ਬੱਬੂ, ਬੇਬੀ ਅਤੇ ਐ…’ ਵਿੱਕੀ ਦਾ ਇਹ ਜਵਾਬ ਸੁਣ ਕੇ ਸਾਰੇ ਉੱਚੀ-ਉੱਚੀ ਹੱਸ ਪਏ। ਇਸ ਸਵਾਲ ਦੇ ਜਵਾਬ ‘ਚ ਕਿਆਰਾ ਦਾ ਕਹਿਣਾ ਹੈ ਕਿ ਸਿਧਾਰਥ ਅਤੇ ਉਹ ਇਕ-ਦੂਜੇ ਨੂੰ ਬਾਂਦਰ ਦੇ ਨਾਂ ਨਾਲ ਬੁਲਾਉਂਦੇ ਹਨ। ਇਸ ਤੋਂ ਬਾਅਦ ਦੋਹਾਂ ਨੇ ‘ਟੇਕ ਏ ਸ਼ਾਟ’ ਸੈਗਮੈਂਟ ‘ਚ ਕਈ ਖੁਲਾਸੇ ਵੀ ਕੀਤੇ।
ਇਸ ਦੌਰ ‘ਚ ਕਰਨ ਨੇ ਦੋਹਾਂ ਦੀ ਨਿੱਜੀ ਅਤੇ ਵਿਆਹੁਤਾ ਜ਼ਿੰਦਗੀ ਨਾਲ ਜੁੜੇ ਕੁਝ ਸਵਾਲ ਪੁੱਛੇ। ਇਹ ਪੁੱਛੇ ਜਾਣ ‘ਤੇ ਕਿ ਕਿਆਰਾ ਆਪਣੇ ਸਾਥੀ ਦੇ ਫੋਨ ‘ਚ ਝਾਤ ਮਾਰਦੀ ਹੈ? ਅਭਿਨੇਤਰੀ ਜਵਾਬ ਦਿੰਦੀ ਹੈ- ‘ਹਾਂ, ਮੈਂ ਸਿਰਫ ਇੱਕ ਨਜ਼ਰ ਮਾਰ ਕੇ ਦੱਸਦੀ ਹਾਂ ਕਿ ਕੌਣ ਹੈ? ਹੇ ਕਰਨ..!’ ਕਰਨ ਦੇ ਸ਼ੋਅ ਦੇ ਇਸ ਸੀਜ਼ਨ ਦਾ ਇਹ 7ਵਾਂ ਐਪੀਸੋਡ ਹੋਵੇਗਾ। ਇਸ ਤੋਂ ਪਹਿਲਾਂ ਸ਼ੋਅ ਦੇ ਇਸ ਸੀਜ਼ਨ ‘ਚ ਦੀਪਿਕਾ-ਰਣਵੀਰ, ਸਾਰਾ-ਅਨਨਿਆ, ਸੰਨੀ-ਬੌਬੀ, ਕਾਜੋਲ-ਰਾਣੀ, ਕਰੀਨਾ-ਆਲੀਆ ਅਤੇ ਵਰੁਣ-ਸਿਧਾਰਥ ਇਕੱਠੇ ਨਜ਼ਰ ਆ ਚੁੱਕੇ ਹਨ।
